Þórður Þorsteinn flautar til leiksloka. Gríðarlega mikilvægur sigur Vals sem eru aðeins tveimur stigum frá toppnum núna þegar við erum á leiðinn í landsleikjahlé.

Takk fyrir mig í kvöld.

Frederik Schram grípur boltann og neglir boltanum upp, aftur leið eitt. Kyle steinsofandi og Siggi Lár slepp3ur í gegn og aætlar að setja boltann yfir Viktor en hittir boltann rosalega ílla.

Fær boltann við vítateigslínuna vinstra megin. Tekur köttið inn á hægri fótbinn og ætlar að smyrja boltann í fjær en Viktor ver frábærilega í hornspyrnu.

Tryggvi Guðmundsson á markmetið og er markahæsti knattspyrnumaður Íslands frá upphafi en hann skoraði 131 mörk í 241 leikjum. Patrick er komin með 125 í 199 leikjum.

Hvar væri Valur án Patta Pé?

Tibbling með hættulegan bolta inn á teiginn. Fyrirliðin Hólmar Örn kemst í boltann á undan Gumma Magg og hreinsar boltann í hornspyrnu sem ekkert varð úr.

Valur sækir í átt að Perlunni og er með vindinn í bakið.

Valur með vindinn í bakið í seinni hálfleik og stuðullinn á Valssigur hjá Epic er 1.67. Fyrir þá sem vilja hærri stuðul þá er Valur -1.5 í forgjöf á 3.4 og eflaust margir sem munu tylla sér þar

Leiðinlegum fyrri hálfleik lokið. Vonandi fáum við meira frá liðunum í seinni hálfleik.

Tökum okkur korter!

Fær boltann hægra megin fyrir utan vítateig Vals og lætur vaða meðfram grasinu en boltinn réttframhjá.

Þessi var ekki langt frá því að fara í netið.

Það besta við þennan fyrri hálfleik er pizzaklemman sem Valsarar komu færandi hendi

Ekkert eðlilega góðar. Ef þú kíkir á Hlíðarenda þá mæli ég klárlega með.

Aron Jó með frábæra sendingu inn fyrir á Tryggva Hrafn sem sleppur í gegn en Viktor Freyr sér við honum.

Tryggvi Hrafn hefði átt að gera betur þarna og hann veit það manna best sjálfur.

Fer boltann og ætlar að finna Aron Jó en Framarar komast inn í þetta og Róbert Hauksson nálægt því að komast í boltann.

Simon Tibbling fær boltann úti vinstra megin og leggur boltann á Vuk Oskar sem lætur vaða en boltinn vel hátt yfir. Ekkert að þessari til raun samt!

Bjarni með góðan bolta inn á teig Fram og boltinn dettur fyrir Nakkim sem á skot sem fer í varnarmann.

Boltinn kemur í átt að Gumma Magg, Orri Sigurður mætir á ferðinni og fer með takkana í síðuna á Gumma sem fann fyrir þessu.

Hefði mjög líklega fengið spjald ef þetta hefði gerst seinna í leiknum...

Fyrir utan þetta brot þá fer þetta rosalega rólega af stað.

Svona sé ég þetta

Valur
Schram
Orri- Hólmar- Nakkim-Bjarni
Lúkas-Aron-Kristinn Freyr
Jónatan - Patti - THH

Fram
Viktor
Kennie - Kyle - Sigurjón - Haraldur
Þorri - Tibbling - Israel - Vuk
Gummi - Róbert

Þórður Þorsteinn flautar til leiks. Fram byrjar með boltann.

Liðin ganga til búningsherbegja. Daníel vallarþulur Valsmanna í dag hefur lokið að kynna liðið. Áhorfendur eru farnir að týnast í stúkuna.

Það er allt að verða klárt hér á Hlíðarenda.

Reykjavíkurslagur af bestu gerð. Valsmenn hafa oft lent í brasi með Fram og því vekur stuðullinn 6,50 á Epic á sigur Frammara eflaust áhuga þeirra sem hafa hugsað sér að ávaxta pundið á þessum leik . +1.5 forgjöf á Fram á stuðlinum 1.91 fyrir þá passívu

Túfa gerir eina breytingu á liði Vals sem vann Aftureldingu. Orri Hrafn Kjartansson sest á bekkinn og Kristinn Freyr Sigurðsson kemur inn í hans stað. Birkir Heimisson er ekki í hópnum annan leikinn í röð.

Rúnar Kristinsson gerir tvær breytingar á liði Fram sem tapaði gegn KA. Þorri Stefán Þorbjörnsson og Guðmundur Magnússon koma inn fyrir Jakob Byström og Má Ægisson sem setjast á bekkinn. Alex Freyr Elíasson er ekki í hópnum.

Þetta er eini og síðast leikur umferðarinnar og eiga liðin þá inni einn leik. Valsmenn sitja í 4. sæti, þremur stigum fyrir ofan Fram en þeir eru í 8. sæti. Með sigri geta Valsmenn gert sig gildandi í toppbaráttunni en Framarar geta jafnað Val að stigum með sigri.

Þórður Þorsteinn Þórðarson, eða ÞÞþ eins og hann er jafnan kallaður, er með flautuna í dag. Honum til aðstoðar eru þeir Ragnar Þór Bender og Bergur Daði Ágústsson. Jón Sigurjónsson er eftirlitsmaður KSÍ.

Handboltaþjálfari Fram og nýkrýndur Íslandsmeistari, Einar Jónsson, spáir fyrir þessum leik.
Valur 1 - 1 Fram
Tekst Val að hefna fyrir handboltann? Nei er stutta svarið.

Valsmenn hafa reyndar verið flottir undanfarið og haldið hreinu í síðustu tveim en Framarar eru með Vuk Oskar og hann skorar alltaf á 90 mín á Hlíðarenda. Patrick Pedersen skorar mark úr efstu hillu.

Rúnar klínir tveim til þrem í skeytin inn í upphitun, sá kóngurinn, hendir svo líka í nokkrar eiginhandaráritanir, hinn íslenski Xavi. Valsmenn verða þó léttir í lund þessir 39 sem mæta frá þeim.

Einar Jónsson spáir í 10. umferð

Verið velkomin í þráðbeina textalýsingu frá leiks Vals gegn Fram á N1-vellinum.