Vestri vinnur hér 2-0 sigur og eru komnir í undanúrslit!

Bætt 5 mínútum við

Vestramenn vilja hendi en ekkert dæmt.

Affi með skot fyrir utan teig en það er beint á Schubert

Hermann tekur boltann í fyrsta rétt fyrir utan teig en boltinn fer hátt yfir

Vilhelm með flotta fyrirgjöf beint á Ragnar sem á skalla rétt framhjá

Guðmundur Páll liggur hér eftir, eftir að hafa fengið fast skot frá Nökkva beint í andlitið. Þarf aðhlynningu

Clement með skot fyrir utan teig en Schubert ver vel enn og aftur! Hornspyrna

Geggjaður bolti inn fyrir á Sverri sem er einn í gegn en lætur Schubert verja frá sér

litið að gerast þessa stundina

Hermann með langan á Ragnar sem kemur honum út á Clement sem á skot í varnarmann og þórsarar fá horn sem verður ekkert úr

Aukaspyrna hjá þór sem endar í höndunum á Schubert sem kemur aftur með langan fram beint á Montiel sem nær ekki að gera neitt úr þessu færi

Schubert með langan bolta yfir allann völlinn beint á Tufa sem er sloppinn einn í gegn er Aron ver vel í markinu.

Þórsarar vilja mögulegt rautt spjald á Eið sem rífur í Sverri sem er að sleppa einn í gegn en ekkert dæmt.

Seinni hálfleikur farinn af stað það er Vestri sem byrjar með boltann.

Léleg sending hjá þórsurum sem endar hjá Gunnari sem á skot yfir markið í fyrsta fyrir utan teig

2 mínútum bætt við.

Lítið að gerast þessa stundina Vestri meira með boltann.

Þórsarar að ógna meira núna en þeir hafa verið að gera

Ragnar með skot framhjá eftir aukaspyrnu hjá Þórsurum.

Morten í góðu færi en Aron ver og svo dæmd rangstæða.

Vestri að ógna meira en samt mjög lítið að gerast í þessu.

Aukaspyrna á fínum stað fyrir Vestra! brotið á Cafu

fínt skot hjá Tufa sem fer í varnarmann og Vestri fær fyrstu hornspyrnu leiksins.

fer hægt af stað

Þetta er farið af stað Þórsarar byrja með boltann.

Liðin að labba inn á völlinn.

Veðrið er fínt úti 7 gráður og skýja og lítll vindur.

8 liða úrslit og hátt spennustig. Í kortunum er ekki að sjá mikið af mörkum hjá þessum liðum og því vekur stuðullinn 2,48 á undir 2.5 mörk hjá Epic verðskuldaða athygli.

Sóknarmennirnir Fannar Daði og Rafael Victor eru á sex manna varamannabekk hjá Þór en þeir hafa báðir verið að glíma við meiðsli. Fannar Daði sleit krossband síðasta vetur, í nóvember.

Portúgalinn Rafael Victor hefur ekkert verið með í sumar vegna meiðsla.
Fannar Daði

Sigurður Heiðar Höskuldsson, þjálfari Þórs, neyðist til að gera tvær breytingar vegna leikbanna. Aron Ingi Magnússon og Ibrahima Balde, lykilmenn í liðinu, eru ekki með eftir að hafa fengið sitt annað gula spjald í keppninni í sigrinum gegn Selfossi. Siggi gerir tvær breytingar til viðbótar frá leiknum gegn Njarðvík. Markahæsti leikmaður Lengjudeildarinnar, Sigfús Fannar Gunnarsson, er ekki í hóp og Clement Bayiha byrjar á bekknum.

Inn koma þeir Orri Sigurjónsson, Ásbjörn Líndal Arnarsson, Sverrir Páll Ingason og mjög svo óvæntur Alexander Már Þorláksson sem hefur ekkert verið með í sumar. Hann hélt á Akranes eftir síðasta tímabil en hafði ekki félagaskipti og má því spila með Þór.

Benjamin Schubert hefur varið mark Vestra í bikarnum og hann er í rammanum en Guy Smit á bekknum.

Gustav Kjeldsen og Vladimir Tufegdzic koma aftur inn í byrjunarliðið eftir leikbann í 1-0 sigrinum gegn KA í deildinni en Jeppe Pedersen er hinsvegar í banni í þessum leik. Guðmundur Arnar Svavarsson kemur inn í byrjunarliðið en það vekur athygli að Daði Berg Jónsson er ekki í leikmannahópi Vestra.

Davíð Smári Lamude hefur verið að gera frábæra hluti með Vestra en liðið situr í þriðja sæti Bestu deildarinnar. Liðið vann KA 1-0 í síðustu umferð. Sigurður Heiðar Höskuldsson og lærisveinar í Þór eru án sigurs í síðustu þremur leikjum í Lengjudeildinni en þar situr liðið í sjöunda sæti.

2. umferð:
Þór 7-0 Magni

32-liða úrslit:
Vestri 3-3 HK (5-4 í vítakeppni)
Þór 3-1 ÍR

16-liða úrslit:
Breiðablik 1-2 Vestri
Selfoss 1-4 Þór

Þrír leikmenn taka út leikbann í þessum leik. Jeppe Pedersen í Vestra er í banni og tveir leikmenn Þórs; Aron Ingi Magnússon og Ibrahima Balde.

Baldvin Már Borgarsson er sérfræðingur Fótbolta.net í bikarnum og hann spáir í leikina.

Vestri 1 - 1 Þór (Þór í vító)
Þó Ibrahima Balde sé í banni þá smitar hann orku í liðsfélaga sína í aðdraganda leiksins, þessi leikur verður engin flugeldasýning en Þórsarar komast yfir með marki frá Ragnari Óla, Vestramenn stíga þá á bensíngjöfina í sóknarleiknum og finna jöfnunarmark fyrir leikslok, framlengingin verður eins og að horfa á málningu þorna en Þórsarar koma á óvart og klára Vestramenn í vító.

Vilhjálmur Alvar Þórarinsson er með flautuna. Gylfi Már Sigurðsson og Ragnar Þór Bender verða aðstoðardómarar leiksins og Gunnar Freyr Róbertsson fjórði dómari.

Hér fylgjumst við með leik Vestra og Þórs í 8-liða úrslitum Mjólkurbikarsins. Það eru áhugaverðir leikir framundan og spennandi að sjá hvað fjögur lið komast í undanúrslitin.

miðvikudagur 18. júní
17:30 Vestri-Þór (Kerecisvöllurinn)
20:00 Stjarnan-Keflavík (Samsungvöllurinn)

fimmtudagur 19. júní
17:30 ÍBV-Valur (Þórsvöllur Vey)
20:00 Afturelding-Fram (Malbikstöðin að Varmá)