Valsmenn fara með 3-1 sigur af hólmi og þar með tryggja sér sæti í úrslitaleik Mjólkurbikarsins. Þar mætir liðið annaðhvort Fram eða Vestra. Frekari umfjöllun væntanleg.

Hér má sjá allt það helsta úr 3-1 sigri Valsmanna gegn Stjörnunni. Valur er komið í bikarúrslit í fyrsta sinn frá 2016 ???? pic.twitter.com/eaSRQ5f1xY

— RÚV Íþróttir (@ruvithrottir) July 1, 2025

Sýnist þetta vera að renna út í sandinn hjá Stjörnumönnum.

Stjörnumenn í leit að tveimur mörkum.

Virðist sem svo að Valsmenn séu að sigla sigrinum heim og þar með tryggja sér farseðil í úrslitaleik Mjólkurbikarsins.

Kristinn Freyr keyrir upp hægri kantinn og á síðan þrumuskot sem fer hátt yfir mark gestanna.

Emil Atlason gerir sig kláran til að koma inn á, við mikinn fögnuð stuðningsmanna Stjörnunnar. Haukur Brink kemur einnig inn.

Tómas Bent fær þrumuskot í hausinn og þarfnast aðhlynningar, leikurinn stöðvaður á meðan.

Valsmenn leiða í undanúrslitum eftir mark Patrick Pedersen! Kristinn Freyr átti góðan sprett inn í teig og Patrick fann glufuna???? pic.twitter.com/r3TQZzYmL2

— RÚV Íþróttir (@ruvithrottir) July 1, 2025

Benedikt Warén með skot langt framhjá marki Valsmanna.

Heimamenn fá hornspyrnu, en spyrnan yfir allan pakkann.

Vonum að liðin haldi áfram sömu ákefð og var í fyrri hálfleik.

Jóhann Páll Ástvaldsson íþróttafréttamaður Rúv tók Andra Rúnar Bjarnason, markaskorara Stjörnunnar, í stutt viðtal í háflleik.

,,Það er leyft mikið og mikið flæði. Kannski skemmtilegt fyrir áhorfendur en við þurfum að ná smá stjórn á leiknum."

Var sætt að setja hann gegn sínum gömlu félögum?

,,Nei nei, við erum að horfa á úrslitaleikinn og það er ekkert sætara enn að komast þangað."

Þá var hann jafnframt spurður út í brot Árna á Albin Skoglund.
,,Mér fannst þetta vera dýfa, mér fannst það aldrei brot þú sérð það hvernig hann dettur," segir Andri jafnframt.

Þór styrktarþjálfari Stjörnunnar með alvöru power move fyrir leikinn. Power stance. Power coach. Með Stjörnu tattú. Trylltur pic.twitter.com/Knku2MT6G9

— Jói Ástvalds (@JoiPall) July 1, 2025

Aðstoðarþjálfara comboið Steve Caulker og Garpur Ingason Elísabetarson

— Freyr S.N. (@fs3786) July 1, 2025

Hvaða djók er þetta rektu manninn útaf??!

— Jói Skúli (@joiskuli10) July 1, 2025

Hérna hver eru rökin hjá Jóhanni Inga fyrir því að þetta sé einungis gult spjald á Árna Snæ?

— Rikki G (@RikkiGje) July 1, 2025

Jóhann Ingi flautar til hálfleiks beint eftir stangarskot Jónatans. Þvílíka skemmtunin hér á Hlíðarenda. Eftir draumabyrjun Stjörnunnar tóku Valsmenn yfir og jöfnuðu metin.

Stuðningsmenn Stjörnunnar baula á dómarakvartettinn er þeir ganga inn til búningsklefa, ég veit þó ekki hvers vegna.

+3

Valsmenn keyra upp í skyndisókn, Jónatan Ingi fær boltann og sker á vinstri og smellir boltanum í utanverða stöngina. Síðasta færi fyrri hálfleiks.

Þremur mínútum bætt við!

Patrick Pedersen með skottilraun framhjá marki gestanna.

Liðin vaða í færum hér í þessum fyrri hálfleik, áhorfendum til mikillar skemmtunar. Minnir helst á KR þar sem færin eru heldur betur ekki af skornum skammti.

Valsmenn nú með yfirhöndina eftir sterka byrjun gestanna.

Stjarnan leiðir 1-0 gegn Val í undanúrslitum bikarsins í fótbolti. Andri Rúnar sneiddi boltann snyrtilega í markið eftir 4 mínútur? pic.twitter.com/fBpLxkiBns

— RÚV Íþróttir (@ruvithrottir) July 1, 2025

Boltinn dettur fyrir Jóhann Árna inn í teig Valsara, Jóhann lætur vaða viðstöðulaust en boltinn yfir markið!

Valsmenn fá hornspyrnu, boltinn berst út í teiginn á Skoglund sem skýtur að marki en Stjörnumenn fleygja sér fyrir boltann.

Patrick Pedersen með skalla að marki gestanna sem Árni Snær ver örugglega.

Sigurður Egill með fast skot sem Árni ver vel í marki Stjörnunnar.

Jóhann Árni með þrumuskot sem fer rétt yfir mark heimamanna.

Tryggvi Hrafn tekur spyrnuna, lág og hnitmiðuð, Árni Snær ver spyrnuna út í teiginn og varnarmaður Stjörnunnar kemur boltanum frá.

Steven Caulker og Jökull Elísabetarson ræða leikfræði af miklum ákafa í boðvangi Stjörnumanna.

Tryggvi Hrafn nú með gott skot sem hafnar rétt framhjá marki gestanna. Stórskemmtilegar upphafsmínútur á þessum leik!

Árni Snær ver vel í marki Stjörnunnar eftir skalla Orra Sigurðar.

Patrick Pedersen með þrumuskot sem fer af varnarmanni og aftur fyrir endalínu.

Örvar Eggerts gefur fyrir markið en Markus Nakkim kemur boltanum frá og Stjarnan fær hornspyrnu. Ekkert kemur úr henni.

Heimamenn byrja með boltann og sækja í átt að öskjuhlíð.

Sigurður Egill Lárusson er heiðraður rétt fyrir leik en hann er nú orðinn leikjahæsti leikmaður Vals.

Liðin ganga til vallar, sólin skín líkt og enginn sé morgundagurinn og áhorfendur streyma inn á völlinn. Þetta stefnir í einhverja fótboltasnilld!

Undanúrslit og það er allt undir. Gervigrasið væntanlega vel vökvað á Hlíðarenda og sótt á báða bóga.

Á Epic er að finna áhugaverða spesjala á leikinn.
Valur kemst áfram, Patrik Pedersen skorar og Alex Þór Hauksson í bókina er á stuðlinum 9.5 og hinsvegar Stjarnan kemst áfram, Benedikt Warren skorar og stjarnan fær 3+ hornspyrnur á stuðlinum 11.

Srdjan Tufegdzic, þjálfari Vals, gerir þrjár breytingar á liði sínu frá síðasta leik. Inn í liðið koma þeir Kristinn Freyr Sigurðsson, Tryggvi Hrafn Haraldsson og Albin Skoglund. Kristinn var í leikbanni gegn KA en Tryggvi Hrafn veikur.

Jökull Elísabetarson, þjálfari Stjörnunnar, gerir einungis eina breytingu frá 1-4 tapi gegn Breiðabliki í síðustu umferð. Inn í byrjunarlið Stjörnunnar kemur fyrirliðinn Guðmundur Kristjánsson í stað Örvars Loga Örvarssonar sem tekur út leikbann.

Bæði lið komust þetta langt í Mjólkurbikarnum síðasta sumar. Þá tapaði Valur gegn bikarmeisturum KA fyrir norðan í markaleik, lokatölur 3-2.

Stjarnan mætti þáverandi bikarmeisturum Víkings og fór leikurinn alla leið í vítaspyrnukeppni. Þar höfðu Víkingar betur og tryggðu sér þar með farseðilinn á Laugardalsvöll.

Örvar Logi leikmaður Stjörnunnar verður ekki með Garðbæingum í kvöld en hann tekur út leikbann. Emil Atlason fór af velli vegna meiðsla gegn Breiðabliki síðasta föstudag og óvíst er hvort hann verði með í dag.

Þá er sömuleiðis óvíst hvort að Tryggvi Hrafn Haraldsson verði með Valsmönnum í kvöld en hann var veikur í síðasta deildarleik gegn KA.

Birkir Heimisson, Marius Lundemö og Aron Jóhannson, leikmenn Vals, eru jafnframt allir meiddir.

Valsmenn hófu bikarvegferð sína með sigri á Grindvíkingum í fyrstu umferð. Því næst vann Valur 2-1 sigur á Þrótturum á Hlíðarenda.

Í 8-liða úrslitum tóku bikaróðir Eyjamenn á móti Völsurum þar sem Valur vann 1-0 iðnaðarsigur á ÍBV, Hólmar Örn með eina mark leiksins.

32-liða úrslit: Grindavík 1-3 Valur
16-liða úrslit: Valur 2-1 Þróttur
8-liða úrslit: ÍBV 0-1 Valur



Stjarnan mætti Njarðvíkingum í fyrstu umferð og þar vantaði ekki upp á dramatíkina. Örvar Eggertsson kom leiknum í framlengingu með jöfnunarmarki í uppbótartíma, þar sem Stjörnumenn kláruðu svo leikinn.

Því næst fóru Stjörnumenn upp á Skaga og mættu þar 2. deildarliði Kára. Leikurinn fór óvænt alla leið í vítaspyrnukeppni þar sem Stjarnan hafði betur.

Stjörnumenn voru komnir með leið á því að fara alltaf í framlengingu er þeir mættu Keflvíkingum og sigruðu þá því 4-2 í venjulegum leiktíma.

32-liða úrslit: Stjarnan 5-3 Njarðvík
16-liða úrslit: Kári (1)1-1(4) Stjarnan
8-liða úrslit: Stjarnan 4-2 Keflavík

Valsmenn hafa fjórtán sinnum komist alla leið í úrslit bikarsins og ellefu sinnum hampað bikarnum, ágætis hlutfall. Þá fór bikarinn á Hlíðarenda síðast fyrir níu árum, þegar þeir sigruðu ÍBV með tveimur mörkum gegn engu.

Þá hefur Stjarnan þrisvar sinnum leikið til úrslita og einu sinni borið sigur úr býtum og þar með hreppt bikarinn. Var það 2018 er Stjarnan sigraði Breiðablik í vítaspyrnukeppni eftir markalausar 120 mínútur.

Heilir og sælir lesendur góðir. Verið velkomin í þráðbeina textalýsingu frá blíðviðrinu á Hlíðarenda þar sem Valsmenn fá Stjörnuna í heimsókn í undanúrslitum Mjólkurbikarsins.