SKÝRSLAN: Skaginn vann leik sem þurfti að vinnast og Blikar tapa leik sem mátti ekki tapast
Hvað réði úrslitum?
Skagamenn mæta öflugri út í leikinn og virtust líklegri frá fyrstu mínútu. Skora tvö góð mörk í fyrri hálfleik þar sem Blikar fengu vissulega sín færi en Árni Marinó varði oft á tíðum mjög vel. Í seinni hálfleik bara loka Skagamenn leiknum meistaralega áður en þeir skora þriðja markið úr skyndisókn.
Bestu leikmenn
1. Rúnar Már Sigurjónsson
Spilaði hafsent í dag sem er staða sem hann er ekki vanur að spila en það var ekki að sjá neitt óöryggi. Hann var eins og kóngur í vörninni og bjargaði svo meistaralega í seinni hálfleik þegar Kristófer Ingi var sloppinn einn i gegn.
2. Árni Marinó Einarsson
Hélt marki sínu hreinu og varði oft á tíðum vel. Átti eina af sínum betri vörslum í sumar þegar hann varði glæsilega frá Óla Val. Þess utan var hann öruggur í fyrirgjöfum.
Atvikið
Gísli Laxdal tvöfaldaði forystuna undir lok seinni hálfleiks. Það vita allir að 2-0 er svo miklu meira en 1-0. Skagamenn gátu því farið nokkuð þægilegir inn í hálfleikinn.
Hvað þýða úrslitin?
Blikar eru nú í fjórða sæti 7. stigum frá toppnum. Skagamenn eru að stimpla sig aftur inn í deildina, 5 stigum frá öruggu sæti.
Vondur dagur
Blikar eru með þessu tapi að öllum líkindum að stimpla sig út úr toppbaráttunni. Það hljóta að teljast vonbrigði.
Dómarinn - 8
Ekkert út á Sigurð Hjört að setja í dag.