HK fær séns á að fara beint aftur upp í Bestu deildina, og munu mæta Keflavík næstu helgi.

Boltinn inn í teig og Ólafur missir boltann úr höndum sér. Hann dettur fyrir Kára sem reynir að lyfta boltanum í netið en HK voru með menn fyrir aftan að dekka þetta.

Karl Ágúst sloppinn í gegn, einn gegn markmanni. Skotið ekki alveg nógu gott og Þórhallur ver.

Villi Kaldal reynir skot af löngu færi en beint á Ólaf.

Þróttur með aukaspyrnu og Kári reunrir skotið, mjög fast en beint á Ólaf sem grípur þetta.

HK næstum alveg búnir að ganga frá þessu. Jóhann með stórhættulega sendingu inn fyrir og það munaði engu að Karl Ágúst náði til boltans á undan Þórhalli.

Slök spyrna sem fer ekki yfir fyrsta mann.

Þróttarar fá horn.

Aukaspyrna hjá HK af frekar löngu færi. Ívar reynir skotið, en það fer framhjá.

Ívar með skot af löngu færi, fer í varnarmann og HK fær horn.

Lítur ekki út fyrir að vera nokkur snerting hérna. Þó að sjónarhornið er ekki frábært.

Eg skil þetta eftir hér. pic.twitter.com/vjAApirqsT

— Jakob Gunnar (@JakobGunnarr) September 21, 2025

Stuðullinn á að Þróttur klári einvígið á heimavell úr því sem komið er og komist í úrslitaleik um sæti í Bestu deildinni er 3.30 nú í hálfleik á Epic.

Þróttarar þurfa eitt mark í seinni hálfleik til að jafna þetta einvígi. HK enn í bílstjórasætinu.

Kári með skotið fyrir utan teig, en beint á Ólaf.

Hrafn með fast skot utan af teig og Ólafur í smá veseni með þetta. Ver boltann út í teig en HK-ingar ná að hreinsa.

Leikurinn búinn að róast töluvert, en HK ennþá töluvert meira með boltann og mikið á vallarhelmingi Þróttar.

Tumi með mjög hættulegan bolta fyrir markið, og Dagur er hársbreidd frá því að ná til boltans svona meter frá markinu.

HK í góðri sókn og þeir koma boltanum á Brynjar Snæ sem tekur skotið en boltinn rétt yfir.

Þróttarar með horn og Kári lyftir boltanum á fjær. Aron Snær nær skallanum en hann fer aftur á Kára, sem kemur með annan bolta fyrir. Kolbeinn fær þá boltann í algjöru dauðafæri, en skotið í stöngina, Aron Snær nær frákastinu en skotið hans í varnarmann.

Hlynur er staðinn á lappir og heldur áfram leik.

Hlynur Þórhallsson situr í grasinu eitthvað þjáður og fær aðhlynningu.

Þróttur fær aukaspyrnu á góðum stað, eiginlega fyrsta skiptið sem þeir fara yfir miðju.

Góð sending inn fyrir frá Tuma inn á Dag Inga sem er kominn í fínt færi en hjann setur boltann rétt framhjá.

HK byrjar leikinn af miklum krafti!

Eiríkur fer í Dag þegar hann er að fara taka skot úr dauðafæri, þetta er held ég bara réttur dómur hjá Jóhanni. Þróttarar líka að kvarta undan að þetta hafi verið rangstæða en sýnist það líka bara vera rétt hjá Jóhanni.

Jóhann Ingi flautar og við erum farin af stað!

Leikmenn labba inn á völl, þetta er að fara skella á.

Sigurvin Ólafsson þjálfari Þróttar gerir tvær breytingar frá síðasta leik. Kári Kristjánsson og Liam Daði Jeffs koma inn í liðið, en Viktor Andri Hafþórsson og Unnar Steinn Ingvarsson fá sér sæti á bekknum.

Hermann Hreiðarsson þjálfari HK gerir þrjár breytingar á sínu liði. Þorsteinn Aron Antonsson og Bart Kooistra eru utan hóps, líklega vegna meiðsla, og Þorvaldur Smári Jónsson sest á bekkinn. Inn fyrir þá koma Dagur Orri Garðarsson, Brynjar Snær Pálsson og Kári Gautason.

Þessi leikur verður í fjórða skiptið sem þessi lið mætast á tímabilinu. Liðin skildu jöfn 2-2 í fyrst leiknum, en HK hefur síðan unnið síðustu tvo. Fyrst var það 5-2 sigur í næst síðasta leik deildarkeppninnar og síðan var það fyrri leikurinn í þessari viðureign sem fór 4-3.

Fyrri leikurinn í þessari viðureign fór 4-3 fyrir HK í Kórnum. Fyrri hálfleikurinn var alls ekki merkilegur og endaði 0-0, en seinni hálfleikurinn reyndist vera ein besta skemmtun sumarsins. HK komst í 2-0, en Þróttarar komu til baka og skoruðu þrjú mörk á 10 mínútum. Þróttarar þá yfir, en þá var það komið að HK að taka endurkomu, og þeir skoruðu tvö og unnu leikinn 4-3.

Komið þið sæl og verið velkomin í beina textalýsingu frá leik Þróttar gegn HK í seinni leik þeirra í undanúrslitum umspilsins í Lengjudeildinni.

Leikurinn hefst klukkan 14:00 og verður spilaður á AVIS vellinum.