Ólsarar sigra þennan úrslitaleik og taka þann stóra í kveðju leik Brynjars! Til hamingju allir Ólsarar nær og fjær!

Viktor Smári kemur með bolta inn á teiginn sem Svetislav rennir sér í en hann hittir ekki boltann almennilega og hann fer framhjá.

1160 áhorfendur mættir að sjá þennan stórleik sem er áhorfendamet í Fótbolta.net bikarnum. Geggjuð stemning í þessu í dag!

Sá ekki almennilega hvað gerðist en menn eru að biðja um peysutog. Stólarnir ekki sáttir!

Manuel tekur spyrnuna inn á teiginn sem Jón Kristinn gerir fáranlega vel í að kýla frá í miklum pakka á markteignum.

Stólarnir eru að banka og banka, í leita að marki til þess að búa til leik úr þessu.

"Hvar er Auddi Blö?" syngja Ólsarar núna.

David Bercedo fer niður í teignum og Stólarnir vilja vítaspyrnu en fá hana ekki. Þeir eru vægast sagt alls ekki sáttir og hópast í kringum aðstoðardómarann og dómarann.

Spyrnan kemur inn á teiginn og það myndast smá klafs inni á teignum áður en Ivan Lopez sleppur í gegn en Nikola ver frá honum. Eftir það keyra Stólarnir upp 2 á 1 sem endar með skoti David Bercedo á Jón Kristinn sem Jón ver.

Kolbeinn Tumi fær boltann inn á teignum og reynir skotið sem fer rétt yfir. Stólarnir að vakna.

Stólarnir sparka þessu í gang á ný.

Nokkuð góðum fyrri hálfleik að baki hér á Laugardalsvelli. Ólsarar betri en Stólarnir hafa fengið færi. Tökum okkur korterspásu áður en við mætum aftur með síðari hálfleikinn.

Hornspyrna sem kemur inn á teiginn hjá Ólsurum og það myndast mikið klafs inni á teignum. Það endar með skoti Ingólfs Sigurðssonar sem Nikola gerir vel í að verja.

Svetislav með skot við vítateigslínuna eftir góða takta sem fer beint á Jón.

Ingvar Freyr gerir glæsilega og keyrir upp hægri kantinn. Hann rúllar boltanum fyrir vítateiginn á Kwame Quee sem tekur skotið rétt yfir markið. Menn eru að fara illa með góðar stöður hérna trekk í trekk.

Hektor Bergmann er skyndilega sloppinn einn í gegn. Hafsentar Tindastóls stigu upp en ekki bakverðirnir og hann var því ekki fyrir innan. Hann er kominn einn á móti Nikola sem bara étur hann. Beint á Nikola sem gerði gífurlega vel þarna og koma á móti þessu og taka þetta.

Kristófer Áki aftur með hættulegan bolta fyrir markið sem var á leiðinni til Hektors Bergmanns. Hann nær ekki til boltans, varnarmaður Stóla var á undan og hreinsar frá.

Ingvar Freyr gerir vel og keyrir inn á teiginn. Hann rúllar boltanum fyrir markið á Kwame Quee sem lætur boltann fara í gegnum klofið á sér og á Luke Williams. Hann er aleinn, tekur á móti boltanum og tekur skotið sem er laflaust og Nikola í engum vandræðum.

Kwame Quee fær góða sendingu í gegnum varnarlínu Stóla og reynir skotið á markið en Nikola ver það. Skotið fór beint á hann og tiltölulega auðvelt að verja þrátt fyrir að hann hafi varið þetta með herkjum. En Kwamee Quee átti að gera betur þarna að mínu mati.

Mér finnst Ólsarar heilt yfir líklegri og betri aðilinn en þetta er samt sem áður afar lokaður leikur. Finn það samt á mér að það styttist í eitthvað mark.

Stólarnir vinna boltann ofarlega á vellinum. Benjamín fær boltann inn á teignum og rúllar boltanum til hliðar á Arnar Ólafsson sem tekur skotið í fyrsta en Jón Kristinn ver skotið vel aftur fyrir í annað horn. Arnar búin að fá einu færi Stóla í leiknum. Þetta var klárlega mun betra færi en það fyrra. Þarna áttu Stólarnir klárlega að gera betur.

Stólarnir hreinsa aftur frá og sækja hratt, svo fá þeir innkast á vallarhelmingi Ólafsvíkur og geta mögulega reynt að koma boltanum inn á teginn núna.

Luis Alberto tekur spyrnuna inn á teiginn og Kwame Quee reynir skemmtilega hælspyrnu sem fer í varnarmann og aftur fyrir í annað horn.

Kristófer Áki kemur með stórhættulegan bolta fyrir markið. Það þurfti bara eina snertingu og hann hefði farið inn en Stólarnir ná að hreinsa frá í horn.

Leikurinn hefur aðeins róast. Stólarnir eru að vinna sig inn í leikinn eftir góðan kafla Ólsara.

Luis Alberto krullar boltann inn á teiginn en Stólarnir gera vel að hreinsa frá. Sóknarpressa Ólsara heldur samt sem áður áfram.

Ólsarar fá fyrstu hornspyrnu leiksins.

Ólsarar spila sig vel upp völlinn sem endar í skoti frá Birni Henrý sýnist mér rétt framhjá. Þetta var gott færi!

Benjamín kemur með boltann inn á teiginn á Arnar Ólafs sem tekur skotið yfir markið. Smá stress í mönnum greinilega, eftir á er auðvelt að segja að það hefði mátt gera betur þarna.

Það eru Ólsarar, nánar tiltekið Hektor Bergmann, sem sparka þriðja úrslitaleik Fótbolta.net bikarsins í gang. Góða skemmtun!

Kristján Björn og Vanda Sigurgeirsdóttir eru heiðursgestir þessa leiks. Þau ganga hér inn á ásamt formönnum félaganna og formanni KSÍ, Þorvaldi Örlygssyni.

Gunni Birgis og Gunnar á Völlum takast á í rökræðum þar sem þeir verða að vera sammála eða ósammála nokkrum staðhæfingum.

Elvar Geir er orðinn jafn spenntur og öll þjóðin fyrir þessum íþróttaviðburði að hann henti í einn góðan upphitunarpakka.

Stórmeistarinn Gunnar Freyr Róbertsson fær það skemmtilega verkefni að dæma þennan úrslitaleik. Honum til halds og trausts verða þeir Þórður Arnar Árnason og Antoníus Bjarki Halldórsson. Fjórði dómari þessa leiks er Goddurinn sjálfur, Gunnar Oddur Hafliðason. Eftirlitsmaður KSÍ er Þórður Ingi Guðjónsson.

Ólsararnir fjölmenntu á Seltjarnarnesið í seinustu viku og sáu þar hreint út sagt magnaðan leik. Eftir að Grótta tók forystuna snéri Víkingur þessu við og voru komnir í 3-1. Á seinustu mínútu venjulegs leiktíma jafnaði Grótta sem voru mun líflegri í framlengingunni en Ólsararnir unnu vítaspyrnukeppnina og sóttu sér farmiðann á Laugardalsvöllinn.Erfið leið Ólsara í úrslitin Víkingur Ólafsvík hafa farið erfiða leið í úrslitin. Þeir fóru austur í 8-liða úrslitunum og slógu þar út KFA í vítaspyrnukeppni eftir 2-2 jafntefli í framlengingu. Í umferðinni á undan unnu þeir Reyni Sandgerði en þetta byrjaði allt saman á 6-1 sigri gegn Elliða.

Stólarnir eru komnir á Laugardalsvöll eftir gífurlega mikinn hasar í undanúrslitaleiknum gegn grönnum þeirra í Kormáki/Hvöt. Leikurinn fór 3-1 en gestirnir frá Blönduósi voru alls ekki sáttir undir leiks lok með dómara leiksins. Þökk sé góðri gæslu Tindastóls á leiknum náðu þeir að hópast í kringum dómarann og verja hann frá brjáluðum Húnvetningum.Hafa slegið út tvö 2. deildarlið Í 8-liða úrslitunum slógu Stólarnir KFG út örugglega með 4-1 sigri og þar á undan í 16-liða úrslitunum unnu þeir Þróttara úr Vogum. En þetta byrjaði all saman með 2-0 sigri gegn Árborg í 32-liða úrslitum.

Heilir og sælir ágætu lesendur og veriði hjartanlega velkomin í þessa þráðbeinu textalýsingu frá leik Víkings Ólafsvíkur og Tindastóls í úrslitaleik í þeirri yngstu og sprækustu, Fótbolti.net bikarnum. Hér mætast tvö landsbyggðalið sem komust í úrslitaleikinn eftir afar tíðindamikla undanúrslitaleiki.