Hörkuleikur þar sem Þróttur lokaði rammanum. Voru mun betra liðið í seinni og mark úr hornspyrnu skilaði verskuldaðri forystu í hálfleik. Stjarnan kom ekki boltanum í netið í seinni og fara tómhentar heim.

Vítaspyrnu senur! Úlfa Dís fiskar víti, sjálf á punktinn og búin að vera í bana markastuði líkt og framlína Stjörnunnar. Hingað og ekki lengra sagði Mollee í markinu og greip hann í skutlunni.

Þróttur sækir þrjú stig sem hefðu getað verið dýrmæt ef FH hefði ekki unnið sinn leik einnig í dag. Þær eru þremur stigum frá 2.sæti en markatala FH er alltof góð til að þær missi Evrópusætið sitt.
Stjarnan heldur sér í 4.sæti, tveimur stigum ofar en Valur.
Framundan er síðasta umferð Bestu Deildar Kvenna.

Framlína Stjörnunnar hefur verið rjúkandi heit og það er langt síðan þær skoruðu ekki í leik. Þrátt fyrir nokkur færi og góðan seinni hálfleik ná þær ekki að skora.
Sárt fyrir Þrótt að FH sótti sigur og því missar þær af Evrópusætinu.

Að öllum líkum flottur leikur hjá dómurunum í dag, mögulega hægt að skoða rangstæðu mark Stjörnunnar og brotið sem var dæmt á Þrótti þegar þær komu boltanum í netið í annað sinn.