Ekki gæðamesti leikurinn, enda buðu kannski aðstæður ekki upp á það. En Víkingar verðskuldaðir sigurvegarar og kláruðu leikinn eftir stórbrotið jöfnunarmark Aron Snæs Ingasonar. Viðtöl og skýrsla væntanleg.

Ef allt endar jafnt eftir venjulegan leiktíma þá förum við beint í vítaspyrnukeppni.

Þróttarar fá aukaspyrnu við endalínu Víkingsmegin. Boltinn kemur fyrir en Víkingar skalla frá.

Víkingur fær hornspyrnu, boltinn kemur í mittishæð á Gunnar Vatnhamar sem lætur vaða en hann skýtur hreinlega í sjálfan sig.

Frábær skyndisókn hjá Víkingum, Stígur Diljan gefur fyrir á Erling sem setur boltann í stöngina af stuttu færi.

Ármann Ingi tekur lúmskt viðstöðulaust skot úr teignum en Aron Dagur sýnir góða takta og ver vel.

Gunnar Vatnhamar tekur skot á lofti frá 30 metrum sem Aron Dagur handsamar ögrugglega.

Elías Már með fast skot rétt utan vítateigs sem fer rétt framhjá marki gestanna.

Vilhjálmur Alvar flautar til hálfleiks. Var ansi lokað framan af en Víkingar hertu tökin eftir því sem leið á hálfleikinn og leiða sanngjarnt.

Það bætir í vindinn og snjóinn, skrautlegar aðstæður.

Unnar Steinn með góða sendingu í gegn á Vilhjálm Kaldal en Gunnar Vatnhamar á enn betri tæklingu og kemur hættunni frá.

Víkingar fá aukaspyrnu mitt á milli vítateigs og hliðarlínu. Ármann gefur fyrir en Þróttarar skalla frá.

Víkingar fá hornspyrnu en hún er ægileg og Þróttarar skalla frá.

Niko Hansen á skalla framhjá marki Þróttara. Heimamenn mun hættulegri.

Víkingar gefa góðan bolta fyrir, í teignum er Nikolaj Hansen en hann nær ekki til knattarins.

Sker inn á hægri rétt utan vítateigs og tekur skotið sem fer rétt framhjá marki gestanna.

Víkingur fær hornspyrnu, boltinn fer á Gunnar Vatnhamar sem á lausan skalla sem Aron Dagur handsamar auðveldlega.

Lítið um færi hér í upphafi leiks.

Víkingar gefa fyrir úr aukaspyrnu og boltinn fer manna á milli í teignum en að lokum koma Þróttarar boltanum frá.

Ármann Ingi sker inn frá hægri kanti og gefur fyrir en boltinn yfir pakkann og fer aftur fyrir endalínu.

Klukkan er 19:20 og loks erum við farin af stað!

Nú sautján mínútur yfir sjö ganga liðin til vallar. Um þrjátíu glerharðir stuðningsmenn mættir í stúkuna.

Bæði lið hita stuttlega upp!

Ríkjandi Íslandsmeistar að spila hér til úrslita gegn Þrótti sem er í Lengjudeildinni, -1.5 á Víking er á stuðlinum 2.29. Það hlýtur að kitla einhverja þó svo að lykilmenn séu úti í Mexíkó.

Miðað við að leikmenn voru að mæta út til að hita upp þá mun leikurinn líklegast hefjast 19:30.

Leiknum verður frestað um einhverjar mínútur. Hvorugt lið er byrjað að hita upp vegna mikillar snjókomu. Miðað við það sem ég heyri hefst leikurinn korter yfir sjö.

Sölvi Ottesen hefur valið byrjunarlið kvöldsins gegn Þrótturum. Sjáumst í stúkunni, leikurinn hefst kl. 19:00 ?????? pic.twitter.com/PwGSGrxGmV

— Víkingur Fótbolti (@vikingurfc) February 25, 2026

Gul veðurviðvörun vegna talsverðrar snjókomu tók gildi á höfuðborgarsvæðinu í dag og gildir til sjö í kvöld. Hún setur þó ekki strik í reikninginn varðandi leikinn. Víkingur hefur tilkynnt að leikurinn fari fram á tilsettum tíma á heimavelli hamingjunnar. Hinsvegar er búið að fresta leik kvennaliðs Víkings gegn Breiðabliki.

Víkingur Komnir Elías Már Ómarsson frá Kína Aron Snær Friðriksson frá Njarðvík Ármann Ingi Finnbogason frá ÍA (var á láni hjá Grindavík) Björgvin Brimi Andrésson frá Gróttu (lánaður til baka) Davíð Helgi Aronsson frá Njarðvík (var á láni) Farnir Matthías Vilhjálmsson hættur Pablo Punyed í Hauka Pálmi Rafn Arinbjörnsson hættur Haraldur Ágúst Brynjarsson til Njarðvíkur (lán) Almo (var á láni hjá Njarðvík) Þróttur R. Komnir Sigurður Egill Lárusson frá Val Adam Árni Róbertsson frá Grindavík Aron Dagur Birnuson frá Stjörnunni (á láni) Tryggvi Snær Geirsson frá Fram Farnir Kári Kristjánsson í FH Liam Daði Jeffs í ÍBV Viktor Andri Hafþórsson í Fjölni Hrafn Tómasson í KR (var á láni) Sigfús Árni Guðmundsson í Fram (var á láni) Samningslausir Emil Skúli Einarsson

Íslenska landsliðið mætir Mexíkó í vináttuleik klukkan tvö í nótt. Leikurinn er utan hefðbundins landsleikjaglugga og því er hópurinn að mestu skipaður leikmönnum sem eru á mála hjá íslenskum félagsliðum. Fimm leikmenn Víkings eru í landsliðshópnum, þeir Karl Friðleifur Gunnarsson, Gylfi Þór Sigurðsson, Daníel Hafsteinsson, Óskar Borgþórsson og Helgi Guðjónsson. Þá voru þeir Aron Elís Þrándarson og Valdimar Þór Ingimundarson valdnir í upprunalega landsliðshópinn en þurftu að draga sig út vegna meiðsla og verða þeir jafnframt fjarverandi í kvöld.

Heilir og sælir lesendur góðir og verið velkomin til leiks í þráðbeina textalýsingu frá Víkingsvelli þar sem Íslandsmeistararnir fá Lengjudeildarlið Þróttar í heimsókn í úrslitaleik Reykjavíkurmótsins í kvöld. Víkingur fékk tíu stig úr fjórum leikjum í riðlakeppni mótsins. Liðið vann ÍR, Leikni og Fjölni en gerði jafntefli við Fram. Þróttur fékk sjö stig úr sínum þremur leikjum í riðlakeppninni. Liðið vann KR og Val en gerði jafntefli við Fylki.