KA vinnur sinn fyrsta sigur í sumar í Akureyrarslagnum eftir svakalegan fótboltaleik. Og það er fagnað KA megin á vellinum af öllum lífs og sálar kröftum.

Alllt nema markafjölda hafði þessi leikur.

Viðtöl og skýrsla væntanleg.

Komið framyfir uppgefinn tíma. Þór með aukaspyrnu í fyrirgjafarstöðu.

Beint í fang Stubbs fer boltinn.

Mínúta eftir og ekkert sem bendir til annars en að stigin 3 séu á leið til KA.

Þór á aukaspyrnu á miðjum vallarhelmingi KA.

Sveinn Margeir tekur boltann af stuttu færi beint á pönnuna og steinliggur.

Fljótur á fætur samt.

Þessar lokamínútur verða eitthvað annað. Allt undir hér og hitinn gríðarlegur innan vallar.

Svakaleg tækling á Hallgrím Mar í teignum sem snýr baki í markið! Bjarni Guðjón sýnist mér eiga tæklinguna sem er algjörlega glórulaus

Atli brýtur á Kroon og gefur okkur fertugustu aukaspyrnu leiksins. Og

Einn gegn Aroni eftir frábæra sendingu frá Montiel. Aron mætir út á móti og Guðjón Ernir skilar boltanum ekki á markið. Frábært úthlaup þarna.

Í hörkuskotfæri eftir undirbúning Haugland. Fær boltann í D-boganum en setur boltann beint á Stubb.

Enn Þór með horn. Frá vinstri kemur boltinn inn á teiginn þar sem Bjarni Guðjón skallar framhjá á nærstöng.

Enn og aftur fá Þórsarar horn. Ekki nýst til þessa.

Tekin innarlega á teiginn beint í fang Stubbs.

Heldur farið að hægjast á mönnum á vellinum. Ákefðin verið slík að það kemur núll á óvart.

Oliver reynir skot en Aron vandanum vaxinn í marki Þórs.

Í frábærri stöðu við teig Þórs með allt pláss í heiminum. Í stað þess að negla á markið bíður hann og bíður og ekkert verður úr.

Affi kominn vel hátt á völlinn og reynir skotið. Stubbur með þetta allt í teskeið.

"Siggi við vitum hvað þú gerðir" Syngja KA menn.

Hvað svo sem býr þar að baki.

Ágúst Eðvald fær boltann hægra megin í teignum og leggur boltann út í teiginn. ÞRÍR leikmenn Þórs í teignum aleinir en missa allir af boltanum.

KA vinnur aukaspyrnu í fyrirgjafarstöðu.

Hættulegur bolti frá Hallgrími en Markúsi Mána mislagðir fætur við markið og setur boltann framhjá.

Hallgrímur Mar í góðri stöðu í teig Þórs eftir snarpa sókn. Mundar vinstri fótinn og snýr boltann yfir markið.

Ágúst Eðvald vinnur horn fyrir Þór

Þeirra sjöunda. Lítið komið út úr þeim til þessa.

Skalli að marki en yfir markið.

Oliver með máttlítið skot eftir sendingu frá Djuric sem Aron á ekki í teljandi vandræðum með.

Guðjón Ernir í þröngu færi eftir skyndisókn KA. Nær skotinu en það er ekki gott og endar í innkasti.

Djuric með skot af löngu færi eftir snarpa sókn KA. Setur boltann vel yfir markið.

Oliver Heiðars á sprettinum og kemur sér inn á teiginn. Gamli maðurinn Atli eltir hann og heldur í við hann. Oliver nær skotinu en Aron Birkir ver í horn.

Fjórar.... Þór með aukaspyrnu í fyrirgjafarstöðu.

KA menn skalla frá

47:45 og þær eru orðnar þrjár.

Guðjón Ernir með hættulegan bolta fyrir markið en Djuric of seinn í hlaupinu.

47:00 á klukkunni.... tvær aukaspyrnur þegar verið dæmdar. Ætli við fáum eitthvað met hér í þessum efnum í dag?

Heimamenn sparka okkur af stað á ný.

Þessi síðari hálfleikur verður eitthvað!

Tuttugu og átta...... 28...... Það er rosalegt!

Samt er Ívar Orri búinn að sleppa örugglega 10-15 augljósum brotum.

Það sem baunin í flautunni hans hlýtur að vera orðin blaut.

Hálfleikur og þá tilvalið kynna sér framboð Framsóknar á Akureyri og lesa greinina ,,Spörum okkur ekki til óbóta“ eftir Sunnu Hlín og Sverre Jakobsson sem fjallar einmitt um uppbyggingu íþróttamannvirkja á Akureyri.

Smelltu hér til að lesa.

- Auglýsing -

Markalaust hér í hálfleik en atvikin vantar ekki.

Ömurleg meiðsli, endalaus brot og aukaspyrnur og ástríða og hiti í tæpa klukkustund. Það gerist eitthvað rosalegt í síðari hálfleik það er ég viss um.

Heimamenn verið heilt yfir sterkari aðili leiksins og fengið hættulegri færi. Eða bara færi yfir höfuð því sóknarleikur KA hefur verið takmarkaður.

Leikur KA datt úr öllum takti eftir meiðsli Rodri og þeir þurfa að leita leiða til þess að koma sér betur inn í leikinn í síðari hálfleik. Þá kannski sérstaklega að koma Oliver Heiðarssyni sem varla hefur sést inn í leikinn.

Gunnar Oddur stendur í stórræðum að róa menn

Enn fær Þór horn.

Stubbur missir af boltanum en Affi ekki í jafnvægi og Affi kemur boltanum ekki á markið.

Þór fær hornspyrnu. Þeirra fimmta í dag.

Við náðum heilum fimm mínútum eða svo án þess að aukaspyrna hafi verið dæmd. Það er met í leiknum til þessa.

Djuric í færi eftir sendingu frá Kroon, Ragnar Óli í pressunni truflar hann og Djuric skóflar boltanum framhjá úr teignum.

Samuel Kroon með Oliver fyrir framan sig í kjörstöðu í að komast einn í gegn. Kroon reynir sendinguna sem er ömurleg og beint á Affi.

Er einhver með tölu á aukaspyrnum í þessum fyrri hálfleik? Þær eru orðnar mjög margar í það minnsta.

Ágúst Eðvald hársbreidd frá því að sleppa í gegn, þarf að bíða eftir boltanum og velur að skjóta. Boltinn framhjá

Aftur sækja Þórsarar og vinnur Haugland hornspyrnu.

Heimamenn sækja hratt, Ágúst Eðvald með boltann inn á teiginn þar sem Danijel Djuric af öllum mönnum er mættur fyrir skot Þórsara sem vilja meina að hann hafi fengið boltann í höndina.

Svo er ekki svo áfram með leikinn.

Klukkan er að detta í 45 bráðlega. En við eigum allavega 10 mínútur eftir

KA menn vilja fá víti og dósum rignir inn á völlinn!


Birgir Baldvinsson reynir að komast i fyrirgjöf inn á teignum en Kristófer smellir boltanum í andlitið á honum.

Ekkert í þessu og dósirnar fara beint í sjóðinn hjá Þór.

Atli reynir bara skot úr spyrnunni en Stubbur ekki í vandræðum.

Þór fær aukaspyrnu úti á hægri væng eftir að Birgir Baldvins fellir Atla Sigurjóns. Birgir á gulu spjaldi og er sannarlega að leika sér að eldinum þarna.

Christian Greko Jakobsen faðmar Birgi Baldvinsson innilega og er ekki sáttur við að vera dæmdur brotlegur fyrir vikið.

Kallað eftir börum inn á fyrir Rodri. Þessi fyrri hálfleikur verður í lengra lagi.

Hans Viktor skallar aukaspyrnuna frá í horn.

Rodri er lagstur aftur og heldur á ný um hnéð. Þetta hlýtur að vera búið spil fyrir hann núna. Rodri sárþjáður.

Skalli að marki eftir aukaspyrnuna sem Markús nær að sparka yfir markið bókstaflega af marklínu.

Heimamenn fengið hættulegri færi þó KA hafi verið meira með boltann framan af.

Markús Máni með eins og eina NFL tækling á Ágúst Eðvald og keyrir hann í grasið úti til vinstri. Aukaspyrna að sjálfsögðu niðurstaðan.

Og Rodri mætir aftur leiks.

Rodri gengur óstuddur af velli en draghaltur er hann. Sveinn Margeir er kominn úr upphitunargallanum og er klár að mæta inná.

Rodri liggur í grasinu og heldur um hnéð.

Kallað eftir aðhlynningu.

Það er önnur skipting í vændum. þetta lítur heldur ekki vel út. Eins og Rodri hafi fengið slink á hnéð í baráttunni um boltann.

Gott spil Þórs úti til hægri, boltinn á Ágúst sem setur boltann inn á hættusvæðið. Þar mætir Atli við vítapunkt og nær föstu skoti sem Stubbur í marki KA ver glæsilega í horn.

Ekkert kemur upp úr horninu.

Kári Gautason með boltann inn á teig Þórs frá hægri. Varnarmaður kemst í milli og Kroon brýtur á honum í kjölfarið við litla kátínu KA manna.

Það er ástríða að baki þessu öllu saman.

Sungu stuðningsmenn Þórs áðan til Danijel Djuric. Góður banter það!

Jeppe Pedersen of lengi að taka innkast við vítateig Þórs. Ívar dæmir boltann af KA fyrir vikið.

Kappið algjörlega að bera fegurðina ofurliði á Akureyri hér í byrjun. En það er ekkert sem ætti að koma á óvart.

Fær boltann frá Kroon við D-bogann og lætur vaða á markið. Skotið fast beint á Aron sem heldur ekki boltanum en hirðir hann svo upp í annari tilraun.

Birgir Baldvins keyrir af krafti inn í Affi sem fellur við. Rýkur upp aftur eftir að Ívar dæmir brot og blæs aðeins á Birgi.

Hans Viktor með skalla að marki eftir atang í teig Þórs eftir aukaspyrnuna. Skallinn beint á Aron sem þrumar boltanum fram á Atla sem kemur sér í færi inn á taig KA en setur boltann beint á Steinþór.

KA menn fá aukaspyrnu við vinstra vítateigshorn Þórs. Heimamenn allt annað en sáttir láta Ívar Orra heyra það.

Púra brot fyrir því.

Isaac kominn á börur og menn búa sig undir að bera hann af velli.

Óskum honum skjóts bata.

Stumra yfir honum á vellinum og huga að því að koma honum á börur. Get ekki ímyndað mér annað en kallað hafi verið eftir sjúkrabíl.

Ekki viss um að menn hreyfi við honum fyrr en að hann mætir á svæðið.

Atanga stígur á Kára Gautason og misstígur sig illa upp í horni á varnarhelming Þórs. Þetta lítur illa út á myndum og ég óttast að Isaac sé hreinlega fótbrotinn.

Ömurleg byrjun á þessum leik

Það eru gestirnir úr KA sem hefja hér leik.

Áfram allir (Sölvi Haralds special) og vonandi fáum við frábæran leik!

Rosalega tók þetta langan tíma samt.

Fyrrum þjálfari KA Þorvaldur Örlygsson heilsar upp á liðin fyrir leik ásamt bæjarstjóra Akureyrar.

Ætli núverandi formaður KSÍ haldi með KA í leiknum?

Þétt setið og sungið og trallað. Svona á þetta að vera!

Þór vs KA
Derby slagur af bestu gerð á Akureyri... ástríðan í fyrirrúmi og spennustigið hátt. Daniel Djuric gæti lent í vandræðum með stemminguna og ratar eflaust í bókina góðu.
Djuric gult spjald á stuðlinum 3.5 er pikkið hjá Epic.

— Kristalkúlan (@kristalkulan) May 2, 2026

Þjálfarar beggja liða hafa opinberað byrjunarlið sín og má sjá þau hér til hliðar.

Sigurður Höskuldsson gerir tvær breytingar á liði sínu frá tapinu í Kópavogi. Ásbjörn Líndal Arnarsson og Sverrir Páll Ingason fá sér sæti á bekknum fyrir þá Atla Sigurjónsson og Ragnar Óla Ragnarsson.

KA gerir fjórar breytingar frá 2-1 tapinu gegn Keflavík á dögunum. Kári Gautason, Hallgrímur Mar Steingrímsson, Markús Máni Pétursson og Birgir Baldvinsson koma inn í byrjunarlið þeirra á kostnað Guðjóns Ernis Hrafnkelssonar, Sveins Margeirs, Diego Montiel og Valdimars Loga Sævarssonar

Kominn á allar hlaðvarpsveitur.

Dagsetning síðasta heimaleiks Þórs gegn KA í efstu deild í knattspyrnu. Tæp 24 ár hafa liðið síðan þá og þó nokkrir leikmenn beggja liða ekki fæddir og Fótbolti.net á sínu fyrsta sumri.

Leiknum lauk þá með 1-0 sigri KA sem á þessum árum var þjálfað og Þorvaldi Örlygssyni nú formanni KSÍ. Fjölmargar kanónur var að finna í báðum liðum og nöfn eins og Jóhann Þórhallsson (Þór) Dean Martin (KA) Páll Viðar Gíslason (Þór) og Steingrímur Eiðsson (KA) eru flestum sem uppi voru á þessum tíma vel kunn.


Páll Viðar er ákveðinn samnefnari um Þórsara

Gísli Gottskálk Þórðarson, efnilegasti leikmaður Bestu deildarinnar árið 2024, spáir í leikina sem eru framundan í deild þeirra bestu. Hann leikur í dag með Lech Poznan í Póllandi.

Þór 1 - 2 KA
Sturlaður leikur og held ég algjört 50/50 en ætla setja traustið á Djuric, maður þekkir hvað hann getur í bolta og hann tryggir fyrsta sigur KA manna. Ágúst Hlyns verður samt maður leiksins.

Eru grunnskólar í þorpinu bara leikskólar fyrir eldri krakka? Þvílík veruleikafyrring https://t.co/y3NKuBW9Jj

— Öddi (@haraldur_orn) May 1, 2026

Það er farið í efstu hillu fyrir leik dagsins. Ívar Orri Kristjánsson sér um að dæma leikinn í dag. Birkir Sigurðarson og Guðmundur Ingi Bjarnason eru honum til aðstoðar svo. Gunnar Oddur Hafliðason fær það hlutverk að vera fjórði dómari. Bragi Bergmann fullkomnar svo teymið sem eftirlitsmaður KSÍ á þessum leik.

Fyrst Bragi er þarna, þessi leikur væri eflaust fullkominn fyrir dómara að vera með hljóðnema á sér.

Ef þú ætlaðir þér að skella þér á völlinn og ert enn miðalaus þá er það vesen. Uppselt er á leikinn eins og eðlilegt er þegar þessi lið mætast.

Sigurður Höskuldsson þjálfari Þórs fór ekki leynt með að hann væri spenntur fyrir leiknum er hann var til viðtals eftir leik gegn Breiðablik í síðustu umferð.

„Ég er rosalega spenntur, bæði lið að koma úr erfiðu tapi. Þannig það verður blóð á tönnunum hjá báðum liðum held ég. Þetta er ein mest spennandi leikur sem ég hef tekið þátt í þannig ég er mjög spenntur."

Hallgrímur Jónasson var ómyrkur í máli eftir 2-1 tap KA á heimavelli gegn Keflavík á dögunum. Ósáttur er hreinlega ekki nægjanlega sterkt lýsingarorð til þess að skýra frá skoðun hans á frammistöðu leikmanna sinna.



„Nei það er 'attitude'. Þú getur verið góður í fótbolta og æft uppspilið og taktík og allt það, en ef grunnurinn er ekki í lagi þá vinnur þú ekki fótboltaleiki. Keflavík var með það í lagi í dag og ég veit ekki hvort við héldum að við myndum rúlla yfir þá því þegar við fáum mark á okkur þá höfðum við fengið aðvaranir áður. Staðan er 1-1 og maður vill bara sjá betra 'attitude'. Við þurfum að átta okkur á því í KA og í seinni hálfleik er gjörsamleg þögn þegar staðan er 1-1 á heimavelli svo í lokin þegar við setjum Keflavík undir pressu síðustu tuttugu mínúturnar þá finnur maður smá orku og fá fólkið í stúkunni með, en þetta er ekki það sem fólkið í stúkunni vill sjá og við erum ekki ánægðir með frammistöðuna.“

Varnarvinnan í liðinu er ekki nógu góð og við þurfum að átta okkur á því að fyrsta kemur hugarfarið og svo getum við talað um annað. Það þýðir ekki að tala um það að KA muni hrökkva í gang af því bara. Við erum neðstir í töflunni með eitt stig og áttum ekkert meira skilið í dag og menn þurfa bara að átta sig á því. Mér er alveg sama hvað þú ert góður en ef þú ert ekki tilbúinn að leggja þig fram þá spilaru ekki í KA.

Stigasöfnun hefur farið misvel af stað fyrir Akureyrarliðin þetta vorið. Heimamenn í Þór hafa sótt alls 6 stig í fyrstu fjórum leikjum sínum með sigrum á Val og Fram. Stór töp gegn KR og Breiðablik hafa komið á milli sigurleikja og markatala liðsins er 5-10. Taktur liðsins er þó þannig að sigur hefur unnist í öðrum hverjum leik og verði það áfram niðurstaðan verður gleði og glens í Þorpinu í kvöld.



Eitt stig er uppskera KA það sem af er móti. Liðið hefur tapað öllum þremur heimaleikjum sínum það sem af er og sótt þetta eina stig sitt á útivelli í Akraneshöllinni, markatalan 4-8

Heil og sæl kæru lesendur og verið hjartanlega velkomin í þessa beinu textalýsingu Fótbolta.net frá STÓRLEIK (caps var nauðsynlegt) Þórs og KA í Bestu deildinni.

Akureyri er undir og við eigum von á veislu í höfuðstað Norðurlands.