Skalli yfir markið og Sigurður Hjörtur flautar til leiksloka!

Skagamenn taka öll stigin hér í kvöld og mega FH svo sannarlega vera svekktir að fá ekkert hér í kvöld.

Viðtöl og skýrsla væntanleg.

Dettur ekki fyrir þá í hornspyrnunni en þeir fá aukaspyrnu við endalínuna hægra meginn.

Það er séns.

FH fær hornspyrnu þegar 93 eru komnar á klukkuna.

Gabríel Snær með tilraun en hittir hann illa og hann fer framhjá.

FH að ógna en vörn Skagamanna heldur.

ÍA tekur hornið stutt og boltanum er komið á Hauk Andra sem reynir skot fyrir utan teig sem fer af utanverði stöng og aftur fyrir.

Þriðja stangarskotið hjá Skagamönnum.

Kjartan Kári tekur aukaspyrnuna og hún er öflug en markvarslan frá Jóni Sölva er enn öflugri!

Gísli Laxdal mundar skotfótinn þegar boltinn dettur fyrir hann rétt fyrir utan teig en skotið hátt yfir.

FH með hornspyrnu sem skapar allskonar ursla en Skagamenn koma þessu að lokum frá.

Kristján Snær með fallhlífarbolta fyrir markið og Jón Sölvi grípur þetta.

Frábær fyrirgjöf frá hægri hjá ÍA og Viktor Jóns nær skallanum að marki en hann fer í stöngina!

Gísli Eyjólfs setur boltann í Viktor Jóns og að marki svo þetta telst að ég held sem marktilraun þó svo að hún hafi ekki verið merkileg.

Myntugrænir FH-ingar sparka af stað síðari hálfleiknum.

Liðin ganga jöfn til búningsklefa í hálfleik.

Bæði lið verið að komast í stöður en vantað að komast í færi. FH búnir að vera betri aðilinn framan af en við tökum okkur stutta pásu og snúum svo aftur í vonandi meir skemmtun og einhver mörk í seinni.

Böddi í færi en boltinn framhjá markinu!

Skagamenn fór hornspyrnu svo hann hefur farið af varnarmanni og aftur fyrir.

FH átt flotta spilkafla í þessum leik.

Virkilega skemmtilegt spil hjá FH sem koma sér í góða stöðu en hælsendingin frá Arnóri Borg hittir ekki á samherja inn í teig.

FH í stórsókn og þjarma að marki ÍA.

Vilja fá vítaspyrnu sem þeir fá ekki en þetta endar með því að Skagamenn koma þessu í horn.

Kjartan Kári með flottan bolta fyrir markið sem Úlfur Ágúst skallar í bakið á Baldvini Þór og aftur fyrir.

FH fær hornspyrnu sem verður svo ekkert úr.

Kjartan Kári með tilraun úr aukaspyrnu sem fer framhjá markinu og ógnaði lítið.

Gummi Tóta tekur spyrnuna og á skot í stöngina og Gísli Eyjólfs er fyrstur á frákastið en Jökull er vel staðsettur og ver þetta!

Þarna hefði ÍA átt að ná forystu!

Kjartan Kári með hornspyrnu fyrir FH sem ratar á Úlf Ágúst en Skagamenn verjast vel.

Jón Gísli Eyland með flotta fyrirgjöf fyrir markið en Viktor Jóns og Jökull Andrésson skella saman og markspyrna dæmd eftir að Viktor hafði náð snertingu á boltann.

FH að komast í flotta stöðu en flaggið á loft.

Fer rólega af stað hérna í Kaplakrika.

Jón Gísli Eyland reynir sendingu fyrir markið en hún truflar FH-inga lítið.

FH leika í styrktartreyju í kvöld en hún er myntugræn og málefnið sem þeir styðja þetta árið er einstök börn.

ÍA spila svo í sínum fjólubláu varabúningum.

Fjólubláir Skagamenn sparka okkur af stað.

FH gerir fimm breytingar á sínu liði frá síðasta leik gegn Víkingi en inn koma Kristján Snær Frostason, Kristján Flóki Finnbogason, Tómas Orri Róbertsson, Úlfur Ágúst Björnsson og Arnór Borg Guðjohnsen fyrir Sverrir Pál Hjaltested sem tekur út leikbann, Gils Gíslason, Arngrím Bjart Guðmundsson, Benjamín Bæring Þórsson og Róbert Huga Sævarsson.



ÍA gera þá einnig tvær breytingar á sínu liði en inn koma Johannes Vall og Jón Gísli Eyland fyrir Gísla Laxdal Unnarsson og Ómar Björn Stefánsson.

Bæði karla- og kvennalið FH munu koma til með að leika í sérstökum góðgerðartreyjum í leikjum sínum um helgina.



Síðustu ár hefur skapast sú hefð að þriðji búningur FH sé helgaður ákveðnu góðgerðarfélagi. Þúsund krónur af hverri seldri treyju renna til félagsins og hefur Auður, helsti styrktaraðili FH, tvöfaldað þá upphæð.

Síðustu ár hafa safnast yfir 5 milljónir sem hafa runnið til Bleiku slaufunar, Píeta og Gleym mér ei. Mikil leynd ríkir yfir lit búningsins og því hvaða málefni verður styrkt þetta árið.

Dagskráin:

Föstudagur:
17:30 - Húsið opnar
18.00 - Steve Dagskrá með Kviss í tjaldinu
18:35 - Nýr búningur kynntur
19:15 - FH vs. ÍA

Laugardagur:
13:00 - Húsið og tjaldið opnar
14:00 - FH vs. Fram
16:00 - Úrslit meistaradeildar í tjaldinu.

„Ég bjóst kannski ekki við því að þeir væru án sigurs komandi inn í leik kvöldsins. FH er með hörkulið þegar að allir eru heilir. Það hefur komið mér á óvart hversu mikið andleysi hefur verið oft á tíðum. Það eru sterkir karakterar í þessu liði og bara tímaspursmál rífa sig úr þessu. Vonandi ekki í kvöld," segir Böðvar Böðvarsson, leikmaður ÍA, í viðtali við Vísi.

Elmar Kári Cogic, leikmaður Aftureldingar, reynir fyrir sér núna þegar níunda umferðin fer af stað í kvöld.



FH 1 - 2 ÍA
Menn þarna upp á skaga þurfa ekki nema að bomba a pönnuna á Viktori Jóns og þá endar tuðran í netinu, ætli þeir taki þetta ekki 1-2?

Skagamenn voru virkir á markaðnum í vetur og sóttu stóra bita. Gísli Eyjólfsson og Guðmundur Þórarinsson komu heim til Íslands úr atvinnumennsku og Böðvar Böðvarsson kom frá FH.

„Ég er alveg pínu fúll út í þetta. Mér fannst frábært að fá Gísla Eyjólfs inn, hann rífur alla með sér, er kröftugur, stjórnar og stýrir," sagði Andri. „Hann er að koma inn með tengingu við bæinn, flytur upp á Skaga, er með konu af Skaganum og það er Skagatenging," skaut Sverrir inn í.



„Ég hugsaði mér gott til glóðarinnar (fyrir leikinn gegn ÍBV), það er að koma ungur strákur í markið (Jón Sölvi Símonarson), Jón Gísli í banni og Brynjar Óðins, ungur strákur fæddur 2009, fengi sénsinn í liðinu. Ég hugsaði ef ekki þá, hvenær á Brynjar þá að fá sénsinn? Hann spilaði fullt á undirbúningstímabilinu. Svo kemur að leikskýrslu og þá var Gísli Laxdal kominn í hægri bakvörð," sagði Andri með vonbrigðartón.



„Ef þetta gengur ekki, þá er búið að taka risaákvörðun sem fleiri heldur en þjálfarinn þurfa að bera ábyrgð á," sagði Sverrir og á þá við menn sem stýra félaginu, að þeir taki ábyrgð ef illa fer.

„Ástæðan fyrir því að við eigum nóg af peningum er sú að fullt af leikmönnum hafa verið seldir út. Ástæðan fyrir því að Gabríel Snær (Gunnarsson) er seldur út er af því að hann fékk sénsinn í fyrra og var góður þó að hann hafi bara skorað eitt mark. Liðin úti horfa í þetta. Þú verður að spila ungum strákum," sagði Andri sem var ekki hrifinn af því hversu fáir leikmenn á 2. flokks aldri byrjuðu í 8. umferð Bestu deildarinnar.

Sóknarmaðurinn Sverrir Páll Hjaltested í FH fékk rautt í 5-0 tapinu gegn Víkingi og verður ekki með gegn ÍA í Krikanum í kvöld.

Róðurinn hefur verið þungur í Kaplakrika í sumar en FH sitja í 11. sæti deildarinnar með 2 stig eftir 8 umferðir. FH vonast til þess að ná inn fyrsta sigri sumarsins í kvöld gegn Skagamönnum.

Tímabilið hefur ekki byrjað með eins miklum krafti og Skagamenn höfu gert sér vonir til um. Þeir sitja í 8. sæti deildarinnar með 9 stig eftir 8 umferðir.
Skagamenn gerðu svekkjandi jafntefli í síðustu umferð gegn Eyjamönnum 2-2 en Skagamenn höfðu komist í 2-0 en misstu niður forystuna.

Sigurður Hjörtur Þrastarson heldur utan um flautuna í kvöld og honum til aðstoðar verða Patrik Freyr Guðmundsson og Eðvarð Þór Eðvarðsson.
Arnar Þór Stefánsson er þá fjórði dómari og eftirlitsmaður KSÍ er Gunnar Helgason.

Heil og sæl og verið hjartanlega velkomin í þessa þráðbeinu textalýsingu frá Kaplakrika þar sem heimamenn í FH mæta ÍA í 9. umferð Bestu deild karla.


föstudagur 29. maí
19:15 FH-ÍA (Kaplakrikavöllur)
19:15 Fram-Breiðablik (Lambhagavöllurinn)

sunnudagur 31. maí
17:00 ÍBV-Keflavík (Hásteinsvöllur)
17:00 KR-KA (Meistaravellir)
17:00 Þór-Stjarnan (VÍS völlurinn)
19:15 Valur-Víkingur R. (N1-völlurinn Hlíðarenda)