SKÝRSLAN: Skagamenn harka sigur í Kaplakrika
Hvað réði úrslitum?
Gríðarlega jafn leikur heilt yfir og hefði vel getið fallið hvoru megin sem er. Skagamenn höfðu á endanum heppnina með sér í liði og fóru með sigur en FH geta vel verið svekktir að fara tómhentir frá þessum leik. Gæðin sóknarlega fengu ekki endilega að skína en það er ákveðin list að verjast.
Bestu leikmenn
1. Úlfur Ágúst Björnsson (FH)
Mér fannst Úlfur Ágúst gefa FH liðinu rosalega mikið. Vann gríðarlega vel fyrir liðið og bjó til góðar stöður oft fyrir FH.
2. Ómar Björn Stefánsson (ÍA)
Kom með kraft inn í lið ÍA þegar hann kom inn á. Skoraði svo sigurmarkið og kláraði það einstaklega vel. Var akkúrat það sem Skagamönnum vantaði.
Atvikið
Sigurmarkið frá Ómari Birni sem braut ísinn. Það er það sem skildi á milli í kvöld.
Hvað þýða úrslitin?
Skagamenn lyfta sér upp í 6. sætið um stundarsakir hið minnsta. FH sitja áfram við botn deildarinnar í 11.sæti.
Vondur dagur
Leikur í járnum og erfitt að henda einhverjum undir rútuna hérna. Viktor Jóns óheppin að skora ekki í leiknum en hann átti skalla í stöng og var svo kippt af velli eftir rúman klukkutíma. Kannski hart að henda honum fram en ef ég þarf að henda einhverjum fram þá dregur hann stutta stráið
Dómarinn - 7
Heilt yfir var þetta bara þokkalega dæmt hjá teyminu í dag. Línan hélt nokkuð stabíl í gegnum leikinn. Var ekki verið að flauta of mikið þó svo að nokkur atriði hefði alveg mátt flauta á. Fannst þeir komast vel frá sínu.