Dómari leiksins í dag er Twana Khalid Ahmed og aðstoðarmenn hans eru þeir Antoníus Bjarki Halldórsson og Þráinn Jón Elmarsson. Hallgrímur Viðar Arnarson er fjórði dómari.

Anna María Baldursdóttir, fyrirliði Stjörnunnar, spilar líklega ekki meira á tímabilinu vegna meiðsla. Anna María spilaði sinn fyrsta Meistaraflokks leik fyrir Stjörnuna árið 2010 og hefur spilað fyrir liðið síðan.

Stjarnan fóru norður á Akureyri og mættu Þór/KA í 16. liða úrslitum Mjólkurbikarsins og unnu þar 1-4 sigur þar sem Snædís María Jörundsdóttir, Telma Steindórsdóttir og Andrea Mist Pálsdóttir skoruðu mörkin. Snædís María Jörundsdóttir skoraði tvö.

Gri/Njar mættu Val í 16. liða úrslitum Mjólkurbikarsins á Hlíðarenda og unnu þar 2-3 sigur þar sem Sophia Romine og Ása Björg Einarsdóttir skoruðu mörkin. Ása Björg skoraði tvö.

8. liða úrslitin í Mjólkurbikars kvenna fóru af stað í gær með tveimur leikjum og þar komust ÍBV og Fram í undanúrslit. 8. liða úrslitin líta svona út: Í gær ÍBV 3-2 FH FHL 1- 7 Fram Í dag: Þróttur R - Víkingur R Gri/Njar-Stjarnan

Komið þið sæl kæra fólk og verið hjartanlega velkomin í þessa beinu textalýsingu frá leik Grindavík/Njarðvík gegn Stjörnunni í 8. liða úrslitum Mjólkurbikars kvenna. Leikurinn er spilaður á Stakkavíkurvelli í Grindavík og einnig í beinni útsendingu á RÚV.is