Víkingar mun sterkara liðið hér í dag og uppskera eftir því. Viðtöl og skýrsla væntanleg.

Sveinn Gísli með þrumuskot af löngu færi sem fer hátt yfir mark Blika.

Valdimar með sendingu fyrir mark Blika en Jói hittir ekki boltann nægilega vel og boltinn framhjá marki heimamanna.

Stuðningsmenn Blika farnir að yfirgefa stúkuna.

Elías við það að hlaða í skot í teignum en þá brýtur Arnór á honum. Hárréttur dómur að mínu mati.

Gylfi með stórhættulegan bolta úr hornspyrnunni en Valdimar hittir boltann furðulega og boltinn framhjá marki Blika.

Víkingar fá aukaspyrnu í fyrirgjafastöðu, Gylfi tekur en boltinn fer ekki yfir fyrsta varnarmann. Víkingar fá hornspyrnu.

Danni Hafsteins með skot að marki Blika en er í litlu jafnvægi og Anton Ari ver örugglega.

Víkingur fær hornspyrnu, boltinn á Elías Má sem hittir boltann ekki nægilega vel. Víkingar eiga svo aðra tilraun sem fer rétt framhjá marki Blika.

Blikar sparka þessu aftur í gang.

+2 Ívar Orri flautar til hálfleiks. Ekki tíðindamesti fyrri hálfleikur seinni ára en Víkingar leiða sanngjarnt. Blikar í maður á mann pressu sem hefur ekki gengið sem skyldi.

Blikar að ógna marki Víkings. Óli Valur með stórhættulega fyrirgjöf sem Aron Snær hittir ekki og beint í hausinn á Arnari Bjarka og þaðan frá marki Víkings. Hefði Arnar farið niður hefði verið möguleiki á að fá vítaspyrnu.

Helgi með skot á mark Breiðabliks eftir góðan undirbúning Valdimars en Anton Ari ver örugglega.

Víkingar í góðri sókn sem endar á tilraun Óskars sem fer framhjá marki heimamanna.

Víkingar fá hornspyrnu. Gylfi smellir boltanum beint á pönnuna á Sveini Gísla sem stangar boltann yfir af stuttu færi. Sveinn eflaust svekktur með sjálfan sig þarna!

Góður undirbúningur frá Aroni Bjarnasyni sem gefur á Gabríel Snæ. Hann á fast skot beint á mark Víkings. Aron Snær ver en á í nokkrum vandræðum með að halda boltanum en bjargar þessu fyrir rest.

Þrumufleygur af 25 metrunum! Kristinn Jónsson lætur vaða frá vinstri kanti, boltinn stefnir í bláhornið en Aron Snær ver meistaralega!

Hættuleg fyrirgjöf á Valdimar sem lætur vaða á markið við vítapunkt en skotið í Elías Má og rangstaða dæmd!

Þetta er akkúrat öfugt við það hvernig opnunarleikurinn fór af stað. Þá leiddu Blikar eftir örfáar mínútur og enduðu leikar 1-1. Fróðlegt að sjá hvernig þessi leikur mun þróast.

Óskar Borgþórs með góða takta úti á hægri kanti, sker inn á vinstri og lætur vaða en skotið framhjá.

Blikar fá fyrstu hornspyrnu leiksins. Boltinn á fjærsvæðið og Karl Friðleifur skallar í aðra hornspyrnu. Ekkert kemur úr seinni hornspyrnu Blika.

Daníel Hafsteinsson sparkar þessu í gang!

Liðin ganga til vallar og vallargestir gefa leikmönnum gott lófatak.

Víkingar eru það fáránlega góðir að -1 og -1,25 eru bæði mjög góð veðmál á Epic á stuðlunum 1,67 og 1,87. Sé Blika í sínum meiðslavandræðum og leikbönnum ekki eiga möguleika.

— Kristalkúlan (@kristalkulan) June 25, 2026

Hinn sívinsæli gæðastjóri er mættur á völlinn og hefur fengið líkamsræktarfrömuðinn Guðmund Emil sér til liðs. Þeir ná eflaust að kokka upp skemmtilegt innslag saman.

Sól og blíða hér í Kópavogi, fólk tyllir sér fyrir aftan stúkuna og gæðir sér á veitingum.

Ólafur Ingi Skúlason, þjálfari Breiðabliks, gerir eina breytingu á sínu liði frá 3-1 sigri gegn KA í síðustu umferð. Liðin skildu jöfn að í fyrstu umferð og þá voru Blikar í þriggja hafsenta varnarlínu. Hafsentinn Ívar Örn Árnason er þó í banni í dag og kemur bakvörðurinn Kristinn Jónsson inn í hans stað. Höskuldur Gunnlaugsson, Kristófer Ingi Kristinsson og Davíð Ingvarsson eru að koma til baka eftir meiðsli og eru á varamannabekk Blika.

Sölvi Geir Ottesen, þjálfari Víkings, heldur liði sínu óbreyttu frá 5-0 stórsigri á Fram í síðustu umferð. Erlingur Agnarsson er utan hóps sem og Gunnar Vatnhamar sem er að koma til baka eftir meiðsli.

„Þetta er mikil áskorun, þeir eru búnir að vinna hvern einasta leik síðan við mættum þeim í 1. umferð, verið alveg hrikalega solid. Þeir hafa fengið á sig fá mörk, skorað mikið af mörkum, eru í góðum takti. Þetta er ærið verkefnið en það er tilhlökkun og það verður gaman að fá þá á Kópavogsvöll í tvo leiki í röð. Það er bara veisla," sagði Ólafur Ingi Skúlason, þjálfari Breiðabliks, í samtali við Fótbolta.net í gær.

Daníel Freyr Kristjánsson, nýr leikmaður Lyngby í Danmörku, er spámaður umferðarinnar. Breiðablik 1 - 3 Víkingur R. Sé bara ekkert annað en sigur hjá Víkingum miðað við hvernig þeir eru í augnablikinu. Águst Orri skorar úr misheppnaðri innisendingu.

Það eru fá einvígi í íslenskum fótbolta sem hafa skapað jafn mikla spennu og umræðu og viðureignir Breiðabliks og Víkings undanfarin ár. Fótbolti.net ræddi við Baldur Sigurðsson og Gunnlaug Jónsson um söguna milli þessara liða og leikina sem framundan eru. Pistillinn birtist í gær á áskriftarvef Fótbolti.net, boðið er upp á ókeypis viku áskrift gegn skráningu.

Ekki nóg með að etja kappi í deildinni í kvöld þá munu liðin jafnframt mætast aftur á sunnudaginn í undanúrslitum Mjólkurbikarsins. Upphaflega átti bikarleikurinn að fara fram í dag en Rúv fékk að víxla leikjunum við Sýn vegna heimsmeistaramótsins. Stjarnan og KR mættust í deild og bikar með skömmu millibili fyrr í sumar. KR vann þá dramatískan sigur í deildinni en Stjarnan vann bikarleikinn. Spennandi verður að sjá hvernig Víkingur og Breiðablik munu mæta til leiks í þessum tveimur leikjum sem fara fram með þriggja daga millibili.

Ívar Orri Kristjánsson verður með flautuna í leik kvöldsins. Honum til halds og trausts á sitthvorri hliðarlínunni verða þeir Birkir Sigurðarson og Guðmundur Ingi Bjarnason. Jóhann Ingi Jónsson er fjórði dómari. Eftirlitsmaður er enginn annar en Kristinn Jakobsson.

Ívar Örn Árnason, varnarmaður Breiðabliks, verður ekki með í kvöld vegna leikbanns. Hann fékk sitt fjórða gula spjald á tímabilinu gegn KA. Ívar var hluti af þéttri varnarlínu með Ásgeiri Helga Orrasyni og Viktori Erni Margeirssyni gegn Víkingi í fyrstu umferðinni. Ólafur Ingi Skúlason, þjálfari Breiðabliks, var spurður í viðtali í gær hvort að það verði mikil breyting á upplegginu frá fyrsta leik í deildinni. „Ég ætla að gefa mér það leyfi að vera ekkert að ræða það of mikið svona deginum fyrir leik. Við erum auðvitað búnir að teikna upp leikplan sem við viljum framkvæma á morgun. Það verður að koma í ljós hvernig það verður."

Liðin mættust í opnunarleik Bestu deildarinnar þetta árið og enduðu leikar 1-1. Síðan þá hafa Víkingar stigið á bensíngjöfina og ekkert gefið eftir, unnið alla sína leiki eftir fyrstu umferð. Víkingur er nú með sex stiga forystu á toppi deildarinnar. Sömu sögu er ekki hægt að segja um Breiðablik sem hafa átt sveiflukenndar frammistöður. Þeir grænklæddu eru í 4. sæti deildarinnar með 19 stig, heilum fimmtán stigum á eftir Víkingum.

Heilir og sælir lesendur góðir og verið velkomin í þráðbeina lýsingu frá Kópavogsvelli þar sem Breiðablik fær Íslandsmeistara Víkings í heimsókn í stórleik 12. umferðar Bestu deildarinnar.