Vestri situr í 4. sætinu en þeir hafa sótt 19 stig í 11 leikum. Liðið hefur skorað 21 mark og fengið á sig 19 en í síðustu fimm leikjum hefur liðið unnið fjóra leiki. Fyrstu sex leikir skiluðu sjö stigum á meðan síðustu fimm hafa skilað 12 stigum svo það er ljóst að Vestri sé á góðri siglingu.

Þróttur er á toppi Lengjudeildarinnar með 22 stig eftir tíu leiki, stigi meira en Fylkir í 2. sætinu. Þróttur hefur unnið fjóra síðustu leiki sína í deildinni með markatölunni 10-2 og er óhætt að segja að liðið er á fljúgandi siglingu. Þróttur er með markatöluna 24-11 sem er sú besta í deildinni.

Róbert Þór Guðmundsson er dómari leiksins og honum til aðstoðar eru þeir Daníel Ingi Þórisson og Ragnar Arelíus Sveinsson. Dómaraeftirlitsmaður er Þórður Ingi Guðjónsson.

Komið sæl og blessuð kæru lesendur og verið velkomin í beina textalýsingu fyrir leik Þróttar og Vestra á AVIS vellinum í 11. umferð Lengjudeildar karla.