Stórsigur Keflavíkur staðreynd. Skagamenn hafa tapað fimm leikjum í röð í Bestu deildinni. Sjáum hvað menn hafa að segja eftir þetta.

Viðtöl og skýrsla koma inn síðar í kvöld, fylgist með!

,,Gula spjaldið, gula spjaldið, hvar ert þú?" syngja stuðningsmenn ÍA. Ótrúlegt að þau séu ekki bara farin eftir þessa frammistöðu hjá sínum mönnum.

Keflavík að fá aukaspyrnu á stórhættulegum stað.

Eiður Orri með skot í stöngina en er dæmdur rangstæður.

Ásgeir Orri með magnaða vörslu! Jón Gísli með góðan bolta fyrir á Böðvar Böðvarsson og hann nær skallanum af stuttu færi en Ásgeir Orri ver stórkostlega!

Keflavík aftur að hóta. Frábær sókn og aftur er það Marin Mudrazija sem er í mjög góðu færi en Jón Sölvi ver mjög vel frá honum.

Keflavík með frábæra sókn sem endar næstum því með marki. Vantaði lítið upp á að Marin Mudrazija myndi pota boltanum inn.

Viktor Jóns sloppin í gegn en setur boltann fram hjá markinu. Þetta var frábært færi, Keflavíkurvörnin svolítið opin.

Eiður Orri með skot fyrir utan teig sem smellur svoleiðis í slánni. Þetta hefði verið einhver flottasta þrenna sem sést hefur í íslenska boltanum ef þetta hefði dottið.

Stórsókn hjá Keflavík eftir hornið en Skagamenn henda sér fyrir.

Alghoul með góða hornspyrnu sem Jón Sölvi þarf að blaka aftur fyrir. Hann kann betur á vindinn en Rúnar Már hér í fyrri hálfleiknum.

Jón Sölvi í veseni og sparkar boltanum í hornspyrnu.

Eiður Orri og Breki Baxter virðast vera í keppni um það hver getur skorað flottasta markið í þessum leik.

Þorlákur Breki Baxter með hörkuskot sem smellur í stönginni! Skemmtileg tilraun.

Með áskriftarþjónustu Fótbolta.net geturðu skoðað ítarlega tölfræði á meðan leik stendur, liðsuppstillingar og einkunnir leikmanna.

Hægt er að nálgast allar upplýsingar um áskriftarleiðina hér.

Skagamenn heldur betur búnir að vakna eftir að Keflavík komst í 4-0 en líklega er það of lítið, of seint.

Markús Páll í mjög góðu færi en Ásgeir Orri ver frábærlega frá honum.

Skagamenn vilja hendi og víti á Keflvíkinga og ég er ekki frá því að það sé rétt. Gísli Eyjólfs svo í þröngu færi sem Ásgeir Orri ver.

Skagamenn fengu aukaspyrnu á hættulegum stað en Jón Gísli neglir boltanum yfir markið.

Ég er búinn að horfa á atvikið aftur, vítaspyrnudóminn hjá Skaganum, og ég held að þetta sé réttur dómur. Sýnist Viktor vera á undan í boltann.

Ásgeir Orri dæmdur brotlegur. Veit ekki alveg með þetta.

Gísli Eyjólfs við það að komast í færi en Marin Brgic hendir sér fyrir og fær boltann í magann.

Held að þetta sé hárréttur dómur. Erik Tobias Sandberg rekur höndina út og boltinn fer í höndina á honum. Klaufalegur varnarleikur.

Alpha Conteh með geggjaða fyrirgjöf frá vinstri á fjærstöngina þar sem Stefan Ljubicic lúrir. Hann setur höfuðið í boltann en nær ekki að stýra honum í átt að marki.

Stuðningsmenn ÍA eru ekki búnir að gefast upp, syngja áfram.

Það er hálfleikur í Keflavík og heimamenn leiða 2-0. Núna þurfa Skagamenn að stíga upp og bíta frá sér. Þetta er mjúkt hjá þeim. Dýru leikmennirnir sem voru sóttir fyrir tímabilið - Guðmundur Þórarinsson, Gísli Eyjólfsson og Böðvar Böðvarsson - hvar eru þeir?

Ef maður horfir á tölfræðina úr leiknum er þetta hrikalega sanngjörn staða. Með áskriftarþjónustu Fótbolta.net geturðu skoðað ítarlega tölfræði á meðan leik stendur, liðsuppstillingar og einkunnir leikmanna.

Hægt er að nálgast allar upplýsingar um áskriftarleiðina hér.

Skagamenn eru vankaðir og það er næstum því búið að rota þá.

Keflvíkingar svo nálægt því að bæta við þriðja markinu eftir hornspyrnu. Mikill darraðadans en svo fer Jón Gísli stórkostlega til að bjarga því að staða Skagamanna versni ekki.

Keflvíkingar hóta þriðja markinu!

Eiður Orri með skot sem fer af varnarmanni og rétt yfir markið! Jón Sölvi var alls ekki viss um þennan.

Keflvíkingar að sækja í sig veðrið og hafa verið sterkari þessar síðustu mínútur.

Stefan Ljubicic með hörkuskot í slána! Þarna munaði engu!

Alpha Conteh með skot sem fer í Skagamann en svo fær Eiður Orri ágætis færi en mér sýnist Jón Sölvi ná að verja þetta mjög vel!

Rúnar Már les ekki vindinn hér í Keflavík nægilega vel. Tekur hornspyrnuna sem fer beint aftur fyrir endamörk.

Svolítið rólegt yfir þessu, engin dauðafæri enn sem komið er.

Alghoul með skottilraun úr þröngri stöðu en skotið fer beint í varnarmann.

Eiður Orri með lipra takta úti hægra megin og vinnur hornspyrnu fyrir Keflavík.

Skagamenn mun sterkari þessa stundina.

Jón Gísli fer niður í teignum og vill fá eitthvað fyrir sinn snúð, en fær ekkert.

Rúnar Már með hornspyrnuna en Keflvíkingar skalla boltann frá.

Jón Gísli fær boltann úti hægra megin, fer yfir á vinstri löppina og á skot sem fer í varnarmann og fram hjá markinu!

ÍA vinnur hér boltann hátt á vellinum, Ómar Björn fær boltann og keyrir í átt að vörn Keflavíkur. Hann nær svo skoti en það er beint á Ásgeir Orra. Hann missir boltann aðeins frá sér en það reddast.

Nokkrir stuðningsmenn ÍA gerðu sér ferð til Keflavíkur og syngja sína menn áfram.

Stefan Ljubicic gerir vel með bakið í markið, heldur manninum fyrir aftan sig og leggur hann út á Muhamed Alghoul en skot hans fer beint í varnarmann.

Ásgeir Páll með góðan sprett upp hægra megin og sendir boltann fyrir markið. Þar er Eiður Orri mættur en skalli hans er laus og fram hjá markinu.

Sigurður Jónsson er kominn inn í teymið hjá Skagamönnum en Dean Martin fékk starf í Oman og er því farinn út úr því. Athyglisvert að tengdasonur hans, Emil Ásmundsson, er líka í teyminu en hann er nýr styrktarþjálfari Skagamanna.

Við erum farin af stað!

Tilvalið að minna á það að með áskriftarþjónustu Fótbolta.net geturðu skoðað ítarlega tölfræði á meðan leik stendur, liðsuppstillingar og einkunnir leikmanna.

Hægt er að nálgast allar upplýsingar um áskriftarleiðina hér.

Krakkarnir byrjaðir á trommunum, þetta fer fljótlega að byrja.

Þessi lið mættust á Akranesi fyrir rúmum tveimur mánuðum og þá vann Keflavík sterkan 1-3 útisigur. Bakverðirnir Ásgeir Páll Magnússon og Axel Ingi Jóhannesson voru á skotskónum fyrir Keflavík og þá gerði Stefan Ljubicic einnig mark. Markús Páll Ellertsson, sem er á bekknum hjá ÍA í kvöld, gerði mark Skagamanna í leiknum í maí.

Bæði lið eru að klára upphitun. Það er ekki mikið um manninn á Keflavíkurvelli en það er enn korter í leikinn. Það er rigningarlegt og smá vindur.

Jóhann Ingi Jónsson er aðaldómar og aðstoðardómarar eru Ragnar Þór Bender og Jovan Subic. Fjórði dómari er Hreinn Magnússon og eftirlitsmaður er Þórður Georg Lárusson.

Davíð Helgi Aronsson var svakalega mikilvægur fyrir Keflvíkinga, missir hans mun vera meiri en menn halda. ÍA yfir 1,5 mörk er á 1.91. Viktor byrjar og setja pirraðan Markús inn á í seinni hálfleik.

— Kristalkúlan (@kristalkulan) July 20, 2026

Keflvíkingar gera tvær breytingar á liði sínu. Davíð Helgi Aronsson er farinn til Lyngby í Danmörku eftir góða lánsdvöl í Keflavík og kemur Nacho Heras inn í liðið í hans stað í kvöld. Þá kemur Eiður Orri Ragnarsson inn fyrir Marin Mudrazija.

Hjá Skagamönnum kemur Viktor Jónsson inn í liðið eftir að hafa byrjað síðustu leiki á bekknum. Sögusagnir hafa verið um að hann sé mögulega á förum frá ÍA en hann byrjar í kvöld. Markús Páll Ellertsson fer á bekkinn hjá ÍA og Haukur Andri Haraldsson er ekki með í kvöld en Guðmundur Þórarinsson kemur einnig aftur inn í liðið hjá gestunum.

Það má alveg segja að það sé ákveðinn rígur á milli þessara liða eftir leik sem liðin spiluðu þann 4. júlí árið 2007. Þá skoraði Bjarni Guðjónsson, þáverandi leikmaður ÍA, mark með skoti við miðlínuna eftir að Keflavík hafði sparkað boltanum út af til að leikmaður ÍA gæti fengið aðhlynningu. Það varð allt gjörsamlega brjálað við þetta eins og sjá má á þessu myndbandi:

„Ég held að ég sé alltaf í sama helvítis viðtalinu," sagði Lárus Orri Sigurðsson, þjálfari ÍA, eftir 3-2 tap gegn KA síðastliðinn sunnudag.

Skagamenn voru með stór markmið fyrir sumarið og fjárfestu vel í leikmönnum. En staðan núna er sú að ÍA er talsvert nær fallsætunum en Evrópubaráttu.

En segir stigataflan alla söguna? Þegar rýnt er í tölfræðina á bak við frammistöðu Skagamanna kemur nefnilega í ljós lið sem hefur ítrekað fengið minna út úr leikjum sínum en tölurnar gefa tilefni til.

Það hefur oft verið sungið að Skagamenn skoruðu mörkin en sú hefur ekki verið raunin í sumar. Fótbolti.net kafaði ofan í tölurnar.

Damir Muminovic, leikmaður Grindavíkur, er spámaður umferðarinnar hér á Fótbolta.net. Hann spáir heimasigri hérna.

Keflavík 2 - 1 ÍA
ÍA er með betra lið á pappír, en Keflavík er alltaf Keflavík í Keflavík. Gísli Eyjólfsson kemur ÍA yfir en Stefan Ljubicic skorar tvö mörk fyrir Keflavík.

Keflavík hefur komið mörgum á óvart í sumar og situr í sjöunda sæti Bestu deildarinnar með 16 stig, einu stigi meira en ÍA sem er í níunda sætinu.


Keflavík spilaði síðast gegn Breiðabliki og tapaði þar 2-1 eftir að hafa leitt 0-1. Keflvíkingar voru mjög óheppnir með dómaraákvarðanir í þeim leik.

ÍA tapaði líka síðasta leik sínum en sá leikur var gegn KA á Akureyri. Skagamenn komust í 0-2 í þeim leik en enduðu á því að tapa 3-2 þar sem sigurmark Akureyringa kom í uppbótartímanum.

Verið velkomnir kæru lesendur í beina textalýsingu frá leik Keflavíkur og ÍA í Bestu deild karla. Hér munum við fylgjast með öllu því sem gerist í þessum áhugaverða leik.