Fram vinnur nokkuð sanngjarnan 1-2 sigur í Þjóðhátíðarleiknum.

Haraldur Einar með skot fyrir utan teig en það er fram hjá.

Hættuleg aukaspyrna frá Bjarka inn á teig Fram en Liam er svo dæmdur brotlegur eftir að hafa farið í Viktor.

Freyr fékk boltann hægra meginn og keyrir inn á teiginn og setur boltann fyrir en boltinn fer í gegnum alla.

Vantaði einhvern til að pota boltanum inn!

Sesar nálægt því að sleppa í gegn Sigurjón kemur til bjargar.

+8 í uppbótartíma.

Felix með hættulega spyrnu út aukaspyrnunni en hann fer í gegnum allan pakkann og endar í innkasti.

ÍBV fær aukaspyrnu á fínum stað, soldið fyrir utan teig. Sesar tekinn niður.

Bjarki Björn með frábæra sendingu í gegn á Sesar og Israel tekur hann niður inn á teig.

Alex Freyr liggur eftir á vellinum eftir samstuðið við Viktor Frey.

Felix með aukaspyrnu fyrir ÍBV inn á teiginn en Viktor kemur út úr markinu og svo er brotið á honum.

Arnór Ingi með fyrirgjöf frá hægri sem Framarar hreinsa frá.

Flottur sprettur hjá Haraldi sem kemur sér inn á teiginn og vinnur hornspyrnu fyrir Fram.

Vicente með fyrirgjör frá hægri inn á markteiginn en Liam nær ekki til boltans.

Liam fékk boltann á hægri vængnum og reynir að skipta boltanum yfir á Sesar en Sigurjón kemur boltanum frá.

Felix kom með fyrirgjöf frá vinstri sem Viktor slær út í teiginn beint fyrir fætur Bjarka sem er í fínni skotstöðu á vítapunktinum en skot hans fer yfir markið.

Frekar lítið að frétta þessa stundina. Eyjamenn reyna enn að finna glufur en frekar hugmyndasnautt.

Vicente með frábæra sendingu inn á Halldór Jón inn á teig Fram en í stað þess að skjóta bara þá reynir hann að setja boltann aftur út í teiginn og þar er enginn Eyjamaður.

Boltinn barst svo Felix sem tók skotið á vítateigshornið en það er hátt yfir.

Fred tók hornspyrnu fyrir fram og boltinn endaði hjá Ægir Jarl sem tók skotið út teignum en það er það laust og fer til Ara.

Vicente með fyrirgjöf inn á teiginn sem Framarar hreinsa og boltinn endar hjá Bjarka sem tekur skotið en aftur hreinsa Framarar.

Þetta er farið af stað aftur.

Sesar sparkar þessu í gang!

Frekar leiðinlegur hálfleikur og myndi segja að Fram sé með sanngjarna forystu. Eyjamenn eru í veseni með að skapa sér alvöru færi.

Bjarki Björn með skotið rétt fyrir utan teig en það er hátt yfir.

Felix með skot af löngu færi en það fer hátt yfir.

ÍBV fékk aukaspyrnu vinstra meigin á vallarhelmingi Fram sem Felix tekur og ÍBV fær svo hornspyrnu í kjölfarið.

+5 í uppbótartíma.

Fram fær víti!! Sigurður Arnar klippir Vuk niður inn á teig.

Vicente með lúmska sendingu inn á teiginn hjá Fram en Viktor Freyr er á undan Halldóri Jón í boltann.

Freyr með fyrirgjöf sem Edeland hreinsar í burtu.

Vel spilað hjá Fram sem endar á Ægir Jarl fær boltann vinstra megin og kemur inn á teiginn. Hann nær hins vegar ekki að finna neinn inn á teignum og ÍBV kemur boltanum í innkast.

Freyr með flottan sprett upp vinstri kantinn og fer inn völlinn og kemur boltanum á Harald sem fer í skotið en það fer af varnarmanni og til Ara.

Tomic fékk boltann frá Arnóri Inga og tekur skotið í fyrsta fyrir utan teig en það er fram hjá markinu.

Fred með sendingu frá vinstri inn á teiginn á Ægi Jarl en hann nær ekki góðri snertingu á boltann og Sigurður Arnar kemur boltanum í burtu.

Vel spilað hjá Fram. Vuk fékk boltann hægra megin og kemur boltanum á Fred inn á teig ÍBV en hann nær ekki að koma sér í skotfæri.

Kom svo fyrirgjöf frá hægri á Vuk en skallinn frá honum laus og beint í hendur Ara.

Eyjamenn spila ágætlega hérna á vallarhelmingi Fram en ná ekki að finna glufur á þéttri vörn Framara.

Bjarki Björn með skot fyrir utan teig en það fer í varnarmann og Framarar fá boltann.

Lítið að frétta hérna.

Felix með spyrnuna en hún fer beint í hendurnar á Viktori í marki Fram.

Bjarki kemur með stungusendingu inn á Halldór Jón en Framarar setja boltann aftur fyrir og ÍBV fær horn.

ÍBV tóku hornspyrnuna stutt og Felix kemur svo með fyrirgjöf sem fer langt fyrir markið.

Simon Tibbling fékk boltann í höfuðið og liggur eftir á vellinum.

Eyjamenn fá fyrstu hornspyrnu leiksins.

Hermann fær langa sendingu frá Sigurði Arnar vinstra megin á vellinum og leggur boltann út í teiginn en Framarar koma boltanum burt.

Þetta er farið af stað.

Gestirnir eiga upphafsspyrnuna.

Heimamenn í Vestmannaeyjum gera þrjár breytingar frá naumu tapi gegn Breiðabliki í síðustu umferð.

Milan Tomic, Hermann Þór Ragnarsson og Halldór Jón Sigurður Þórðarson koma inn í byrjunarliðið fyrir Sesar Örn Harðarson, Viggó Valgeirsson og Róbert Elís Hlynsson sem setjast á bekkinn.

Framarar gera tvær breytingar þar sem lykilmaðurinn Kennie Chopart er í leikbanni vegna uppsafnaðra gulra spjalda og sest Róbert Hauksson á varamannabekkinn. Í þeirra stað koma Kyle Mc Lagan og Simon Tibbling inn í byrjunarliðið.

Eyjamenn mæta hrikalega gíraðir í dag með allt crowdið með sér, Framarar eru aftur á móti með mikil gæði fram á við og geta meitt Eyjamenn hægri vinstri, Ég er á því að það verði mikið skorað og þetta verði 3-2 eða 4-3 í aðra hvora áttina. Bet dagsins er booztað í boði Epic pic.twitter.com/ZD7CJvqYDP

— Kristalkúlan (@kristalkulan) August 1, 2026

ÍBV situr í áttunda sæti Bestu deildarinnar og er aðeins þremur stigum fyrir ofan fallsæti. Það er afskaplega þéttur pakki þarna í neðri hlutanum og mörg lið í fallbaráttu. ÍBV hefur náð í eitt stig af níu mögulegum í síðustu þremur leikjum.

Þegar liðin mættust þann 27. apríl á heimavelli Fram unnu þeir bláu 5-1 sigur. Atli Þór Jónasson skoraði tvö mörk en Þorri Stefán Þorbjörnsson, Kyle McLagan og Kristófer Konráðsson komust einnig á blað fyrir Fram. Róbert Elís Hlynsson skoraði mark ÍBV. Varnarleikur Eyjamanna var hörmulegur í leiknum.

Framarar hafa átt þrusuflott sumar og eru í þriðja sæti deildarinnar með 34 stig. Liðið er með 10 sigurleiki, 4 jafntefli og hefur aðeins tapað tveimur leikjum. Virklega vel gert hjá Rúnari Kristinssyni og lærisveinum.

Kennie Chopart, leikmaður Fram, fékk í sitt fjórða gula spjald í sumar í 0-0 jafnteflinu gegn FH og er því í leikbanni í dag. Það var eins og Kennie hafi viljandi krækt sér í gult spjald en hann tuðaði endalaust í Helga Mikael dómara þar til Helgi gat ekki annað en lyft gula spjaldinu.

Næsti leikur Fram eftir þennan verður gegn KR og með því að fá gula spjaldið gegn FH er Kennie öruggur með því að ná þeim leik.

„Dómgæslan var frábær, ekkert út á hana að setja. Ég veit ekki af hverju Kennie var pirraður, hann var pirraður af því að það var dæmt brot á hann örlítið áður, það sat ennþá í honum þegar hann þurfti að elta Kjartan Kára í gegnum vörnina og reyna bjarga einhverju. Ég hef bara ekki spurt hann að því, veit ekki hverju hann var að pirra sig á þessu, en hann er bara kominn í leikbann núna," sagði Rúnar Kristinsson, þjálfari Fram, við SÝN Sport eftir leikinn.

„Ég sá þetta og mér fannst ekkert sérstakt vera í þessu. Þetta kom mér á óvart að þeir hefðu gefið honum tveggja leikja bann,“ sagði Aleksandar Linta, þjálfari ÍBV, eftir 1-0 tap Eyjamanna gegn Breiðabliki í síðustu umferð.

Sowe, sóknarmaður ÍBV, var í banni í Kópavogi og verður sömuleiðis ekki til taks gegn Fram í Þjóðhátíðarleiknum. Eyjamenn hinsvegar endurheimta Milan Tomic sem var í leikbanni gegn Blikum eftir að hafa fengið sitt sjöunda gula spjald á tímabilinu gegn KA.

Linta hlakkar til að taka þátt í Þjóðhátíðarleiknum en hann sækir hátíðina í fyrsta sinn, rétt eins og Rúnar Kristinsson, þjálfari Fram, sem sagði frá því í viðtali við Sýn á dögunum.

„Þetta verður mín fyrsta Þjóðhátíð og fyrsti leikur sem ég tek þátt á meðan hátíðinni stendur. Ég er mjög spenntur að koma til baka í þennan leik eftir þetta tap,“ sagði Linta.

Þórður Þorsteinsson Þórðarson tók með sér flautuna og dæmir leikinn í dag. Egill Guðvarður Guðlaugsson og Antoníus Bjarki Halldórsson verða aðstoðardómarar. Eins og venjan er á Þjóðhátíð þá er Elías Ingi Árnason í teyminu en hann er fjórði dómari. Eftirlitsmaður er svo gleðigjafinn Viðar Helgason.

Velkomin með okkur á Þjóðhátíð þar sem ÍBV og Fram eru að fara að eigast við klukkan 14:00.