Öflug frammistaða hjá Vesturbæingum í kvöld.

Viðtöl og skýrsla væntanleg

Er í góðri stöðu en skýtur framhjá, óheppinn þarna

Gott skot hjá Fred fyrir utan teig en útaf fer hann

Galdur hársbreidd frá því að bæta öðru við. Fær boltann í góðri stöðu í vítateig og ætlar að renna honum í fjærhornið. Góð tilraun sem fer réttframhjá

"Víkingar stressaðir" syngja stuðningsmenn KR

KR-ingar komnir í frábæra stöðu í næstu sókn. Aron Sig er í dauðafæri en ætlar að vippa honum yfir Viktor sem mistekst.
Þá hrekkur boltinn í átt að Eiði Gauta en Viktor er fyrr til boltans. Eiður var alls ekki langt frá því að fullkomna þrennuna þarna

Baddi með skot fyrir utan teig. Halldór ver en þá Vuk er mættur. Halldór gerir hins vegar frábærlega og ver frá Vuk.

Hvað var xg-ið þarna?

Róbert Hauks rennir honum til hliðar. Kristófer er nærri því að ná til boltans en KR nær að bjarga í horn

Róbert Hauks á skot yfir í hornspyrnunni

Brotið á Orra en ekkert dæmt. Þá brýtur Eiður harkalega af sér en er ekki spjaldaður.

Frábær stemning á Lambhagavelli!

Eiður Gauti ekki langt frá því að ná þrennunni. Er í góðu færi en nær ekki krafti í skalla sinn

Í lagi með Kennie, hann heldur áfram.

Helgi Mikael kallar á báða sjúkraþjálfara. Mér sýndist þetta vera höfuðhögg

Baddi nær að henda sér fyrir skot Arnórs Ingva sem smellhitti knöttinn. Heimamenn vildu brot í aðdragandanum, það hefði allt soðið upp úr ef þetta hefði orðið mark

Fram fær hornspyrnu en ekkert verður úr henni

Kristófer með hættulega fyrirgjöf en Vuk er í erfiðri stöðu þó hann nái nú skotinu

Framarar byrja síðari hálfleik, þjálfarateymið gerir breytingu í hálfleik.

Mjög svo fjörugum fyrri hálfleik lokið. Framarar náðu að skora á síðustu andartökum fyrri hálfleiks og við erum með leik!

Tökum okkur 15

Luke Rae í þröngri stöðu og skýtur í hliðarnetið

Fred með hættulegan bolta fyrir. Kennie hoppar manna hæst en er truflaður í tilraun sinni og nær ekki krafti í skallann

Aron Sig með lúmska tilraun sem fer þó útaf

Aftur tekur Halli hornspyrnu og aftur finnur hann Kennie. Aron Sig er hins vegar réttur maður á réttum stað og bjargar sínum mönnum.

Góð skyndisókn hjá KR-ingum. Galdur með fyrirgjöf á fjærstöng, þar er Luke Rae en Viktor ver skalla hans.

Kennie með fyrirgjöf á Vuk en Halldór er ákveðinn út og er fyrstur í boltann

Halli með inswing bolta á Kennie sem sneiðir hann í átt að fjærstöng. Skallinn fer rétt framhjá en Baddi náði nærri því til hans

Fram fær sína fyrstu hornspyrnu

Freyr vinnur boltann ofarlega á vellinum en Framarar eru klaufar og ná ekki að nýta mjög góða stöðu. KR er komið í lágblokk og þá finnur Þorri hann Má sem var einn í vítateig KR. Már sker hann út á Halla en varnarmenn komast fyrir skot hans sem var á leið á markið.

Helgi Mikael búinn að leyfa mikið það sem af er. Það er harka í þessu!

Framarar þurfa að passa sig, gestirnir gætu klárað leikinn ef liðið vaknar ekki

Viktor Freyr spilar þenna fyrri hálfleik með derhúfu á höfðinu eins og hann á til að gera í sólarleikjum

Liðin ganga til vallar og jú stúkan hristist

Það streymir inn á völl hér í blíðunni. Wavin' Flag er í græjunum sem er kannski viðeigandi því Fram er búið að skaffa ungum stuðningsmönnum sínum fánum merktum félaginu.

Ég er alveg harður á því að KR vinni í kvöld, 2.18 á Epic , Aron Sigurðarson og Arnór Ingvi Traustason sjá til þess að þeir vinna. Ég ætla persónulega að setja góða slummu á það en bið fólk að fara varlega með peningana sina.

— Kristalkúlan (@kristalkulan) August 10, 2026

Rúnar Kristinsson er þjálfari Fram en hann tekur út leikbann í dag. Aðstoðarþjálfarinn Helgi Sigurðsson stýrir því heimamönnum í leiknum. Ægir Jarl Jónasson, Sigurjón Rúnarsson og Israel Garcia taka einnig út leikbann í dag.

Helgi gerir þrjár breytingar á liði Fram frá sigrinum gegn ÍBV fyrir níu dögum síðan. Fyrirliðinn Kennie Chopart kemur inn eftir leikbann og þeir Bjarni Páll og Jakob Byström koma einnig inn. Ægir Jarl, Sigurjón og Simon Tibbling, sem fékk höfuðhögg í Eyjum, eru ekki með í dag. Óliver Elís Hlynsson kemur inn í hópinn en hann var kallaður til baka úr láni hjá ÍR í gær.

Óskar Hrafn Þorvaldsson, þjálfari KR, gerir engar breytingar á sínu liði frá jafnteflinu gegn FH fyrir fimm dögum síðan. Jón Ernir Ragnarsson kemur inn á bekknum en ungstirnið Fannar Heimisson er ekki með hópnum í dag.

Erfitt er um slíkt að spá. En ef við skoðum niðurstöðu könnunar á forsíðu Fótbolta.net spá 39% sigri Fram, 19% spá jafntefli og 42% spá því að gestirnir úr Vesturbænum fari heim með öll stigin.

Óskar Hrafn Þorvaldsson, þjálfari KR, var spurður að því á dögunum hvað KR þyrfti að gera til að vinna Fram?

„Við þurfum að mæta með alvöru orku og hugrekki og keyra yfir þá. Það er það sem við þurfum að gera," svaraði Óskar.

„Ef allt verður eins og það á að vera verður mikið um mörk og leikurinn algjört augnakonfekt," segir Óðinn Bjarkason, leikmaður Aftureldingar, sem spáir sex marka leik. Fram 2-4 KR.

Fyrri leik liðanna lauk með 2-2 jafntefli þar sem Sigurjón Rúnarsson jafnaði metin fyrir Fram í lokin. Sigurjón er í banni í kvöld.

KR 2 - 2 Fram
0-1 Frederico Bello Saraiva ('41 )
1-1 Aron Sigurðarson ('45 )
2-1 Luke Morgan Conrad Rae ('83 )
2-2 Sigurjón Rúnarsson ('90 )
Lestu um leikinn

Flestir spá markaleik enda er KR jú að fara að spila. Að auki vantar varnarmenn í Framliðið vegna leikbanna. Israel Garcia og Sigurjón Rúnarsson verða báðir í banni og einnig fyrrum leikmaður KR, Ægir Jarl Jónasson. Spennandi verður að sjá hvernig Fram glímir við þessi forföll.

Rúnar Kristinsson, þjálfari Fram, grýtti brúsa í vegg í sigrinum gegn ÍBV í Þjóðhátíðarleiknum á Hásteinsvelli og fékk fyrir það rautt spjald. Það er sjónarsviptir að hafa Rúnar ekki á hliðarlínunni gegn KR í þessum leik í kvöld en aðstoðarmaður hans Helgi Sigurðsson verður með stýrið.

En Kennie Chopart var alveg ákveðinn í að ná þessum leik og hann snýr aftur úr leikbanni og verður með Frömurum í kvöld.

Framarar verða með pallborðsumræður fyrir leikinn á Lambhagavellinum þar sem Mikel Nikulásson, Bogi Ágústsson, Ríkharður Daðason og Valtýr Björn Valtýsson rýna í leikinn með Gunnari Ormslev.

KR klúbburinn boðar upphitun stuðningsmanna á heimavelli, Rauða ljóninu á Eiðistorgi. Rúta á leikinn leggur af stað í Úlfarsárdalinn 18:20.

Helgi Mikael Jónasson dæmir leikinn. Egill Guðvarður Guðlaugsson og Birkir Sigurðarson verða aðstoðardómarar og Gunnar Freyr Róbertsson fjórði dómari.

18. umferð Bestu deildarinnar lýkur í kvöld með stórleik í Úlfarsárdalnum. Fram fær KR í heimsókn og vallarmet gæti fallið í Dal draumanna. Leikurinn hefst 19:15.

Liðin eru í 2. og 3. sæti en Fram getur minnkað forystu Víkings niður i fimm stig eftir jafntefli toppliðsins gegn ÍBV í gær. KR getur komist upp í 2. sæti og minnkað forystu Víkings í sex stig.