Þór/KA að gera góða hluti og sterkur útisigur hér í dag.
Víkingsliðið þrátt fyrir að eiga boltann bara allan seinni hálfleik koma þær honum ekki í netið og það er augljós brekka framundan fyrir þetta Víkingslið.
Ég þakka fyrir mig héðan úr blíðunni í Hamingjunni.

Seinna skotið frá Theu Rhode er erfitt en gerir vel og er óheppin að þetta fer beint í slána.

Síðasta tækifæri fyrir Víkinga að ná allavega marki, fá hornspyrnu.

Þór/KA eru að landa þessum þremur mikilvægu stigum og ná að koma sér í efri hlutan á markatölu. Þrír leikir eftir fyrir skiptingu og Þór/KA heldur betur náð að snúa sínu tímabili við.

Víkingsliðið þarf að klífa alvöru brekku í leikjunum sem þær eiga eftir.

Arna Ísold með fínt skot en Augur ver boltann.

Hornspyrna fyrir heimakonur.

Áslaug Dóra í smá veseni sem aftasti mður og missir boltann til Birgittu sem náði þó ekki nægilega góðu skot og boltinn rúllaði rétt framhjá.

Augur með mikilvæga snertingu á bolta sem stefndi á einhvern ótrúlegan hátt í fjærhornið. Gerði vel og ýtti boltanum yfir.

Bergdís með skot í fangið á Alessöndru Augur.

Aðeins lifnað við Þór/KA þó svo að þær hafa ekkert litið illa út í seinni. Hafa verið mjög solid en eiga hornspyrnu hér.

Þórdís Hrönn með skot úr erfiðri stöðu sem fer rétt yfir markið.

Þetta er svolítið sama sagan aftur og aftur hjá Víking fram á við. Þær hafa haldið boltanum í sókn nánast allan seinni hálfleik en án þess að skapa sér eitthvað sem þær gætu síðan nýtt í að minnka muninn.

Fyrsta skiptið þar sem Þór/KA kemst með boltann yfir miðju í seinni, en Erin Flurey átti góðan sprett á hægri kantinum. Náði þó ekki að vinna samherji í teignum og endaði með boltann útaf.

Þórdís Hrönn verður fyrir höggi og það blæðir eitthvað úr nefinu. Virðist vilja halda áfram leik.

Víkingskonur verið mun mun betri til að byrja með og fá hér aukaspyrnu.
Gott úthlaup frá Augur í markinu og hún kýlir þetta í burtu.

Dagný með skot sem fer í varnarmann og útaf.

En ein hornspyrnan fyrir Víkingsliðið.

Saana Tuomala á gulu spjaldi fellur leikmann Þór/KA á miðjum velli.

Þór/KA vilja eflaust halda áfram sínum sterka leik en Víkingur þarf að gefa í og finna mark. Risa þrjú stig sem eru í boði hér í blíðunni og einsog er þá fara þessi þrjú stig á leiðinni til Akureyrar.

Þetta hefur verið nokkuð jafnt þannig séð. En munurinn endanlega sá að Þór/KA hefur nýtt færin sín bara fullkomnlega. Víkingsliðið ekki skapað mikla hættu nema þarna alveg til að byrja með.
Nóg eftir og allt mögulegt, vonandi áfram haldandi skemmtun í þeim seinni.

Gott spil sem endar með sendingu í markmannsteiginn en Dagný aðeins á eftir og nær ekki að komast á undan í boltann. Vel gert hjá vörn Þór/KA sem hefur heldur betur staðið sitt.

Gerir ótrúlega vel í að stela boltanum og fer í frábært svæði fyrir skot en það fer rétt framhjá nærstönginni.

Þetta var alvöru færi til að jafna leikinn.

Saana Tuomala með tvö skot sem fara yfir markið með stuttu millibili.

Víkingsliðið hefur verið meira með boltann síðustu mínútur en Þór/KA liðið gert vel í að loka á þessar síðustu fram á við sendingar hjá Víking.

Víkingur að fá sitt þriðja horn, alvöru darraða dans en endar í höndunum á Alessöndru Augur.

Góð sending og betra hlaup til að losna frá vörninni en Telma Ívars er vel á verði og nær á undan til boltans.

Brot dæmt á Víking í hornspyrnu sem þær tóku.

Þór/KA að fá aukaspyrnu í fínni fyrirgjafarstöðu eftir að boltinn fór í hendi á varnarmanni Víkings.
Aukaspyrnan góð en náðu ekki í hann, fá innkast samt.

Góð fyrirgjöf frá vinstri sem datt fyrir Dagnýju líkt og í horninu en hún setti hann framhja. Þarna voru Þór/KA konur stálheppnar.

Einhver köll eftir vítaspyrnu uppúr hornspyrnunni, Dagný Rún virtist vera gera sig tilbúna í skot en Alessandra Augur kom fljúgandi í hana og virtist ekki ná neitt í boltann.
Sérstakur dómur verður að segjast svona við fyrstu sýn.

Víkingur á fyrstu hornspyrnu leiksins.

Upphafsmínútur verið jafnar en Hulda Ósk átti fyrsta skot leiksins sem var af löngu færi og Telma ekki í neinu veseni með að grípa boltann.

Það er ótrúlegt veður sem við fáum hér frá veðurguðunum í dag. Sólin skín skært og léttur vindur sem ætti ekki að skemma neitt.
Allir leikir eru extra mikilvægir og þessi er það svo sannarlega fyrir bæði lið. Getum búist við alvöru baráttu hér frá byrjun til enda.
Þór/KA konur eiga upphafssparkið.

Það var ekkert verið að spara mörkin þann 30.maí á Akureyri þegar þessi lið mættust í 7.umferð Bestu Deildarinnar. Víkingsliðið fór heim með stigin þrjú eftir 6-4 sigur.
Víkingskonur áttu góðan fyrri hálfleik sem endaði 4-0. Þór/KA skoraði fyrsta markið í seinni en Víkingsliðið var ekki lengi að henda tveir í grillið á þeim. En fyrstu þrjú mörkin í seinni komu öll milli 60-70mín. Þór/KA liðið skoraði síðustu þrjú mörk leiksins en brekkan var orðin of brött og 6-4 lokaniðurstaða.
Fyrir áhugasama er hægt að horfa hér á þessa markaveislu sem fór fram síðast þegar þessi lið mættust.

Gestirnir hér frá Akureyri byrjuðu deildina hægt en hafa fundið alvöru heimavalla skrið hjá sér uppá síðkastið. Þær hafa unnið síðustu fjóra heimaleiki sína en þar á milli eru tvö töp á útivelli.Þór/KA eru í 8.sæti tveimur stigum fyrir ofan fallsæti. Sigur hér væri virkilega dýrmætur fyrir þær því liðið kæmist í efri hlutan. Spurning hvort þær nái að færa heimavallastiga söfnun sína hingað til Hamingjunnar í leik kvöldsins.

Um þessar mundir eru leikir Víkingsliðsins heldur betur mikilvægir. Liðið er á botni Bestu Deildarinnar með 11stig en það styttist í skiptingu deildarinnar. Síðast þegar Víkingsliðið vann leik í Bestu Deildinni var 30.maí en það var einmitt gegn Þór/KA á Akureyri. Það hefur þó lítið sem ekkert gegnið hjá liðinu eftir það, fjögur töp i síðustu fimm leikjum liðsins með eitt jafntefli þar á milli. Horfandi á jákvæðuhliðarnar sem er yfirleitt skemmtilegra þá er góður upphafspunktur í dag til að hefja stigasöfnun og koma liðinu úr fallsæti en með sigri kemst liðið yfir Val og verður einu stigi frá fallsæti þegar þrír leikir verða eftir en auðvitað bætast við leikir eftir skiptingu.Víkingur sótti stóran bita í glugganum en Telma Ívarsdóttir kom til liðsins og hefur leikið síðustu tvo leiki fyrir Víkingsliðið. Sigurborg Katla sem hafði varið markið þangað til Telma kom fékk lánssamning hjá FH út tímabilið. Innkoma Telmu hefur klárlega haft jákvæð áhrif því liðið hefur bara fengið eitt mark á sig í báðum leikjum sem hún hefur spilað en það hefur vantað uppá markaskorun hjá Víkingsliðinu til að stigin sem eru sótt verða þrjú stór.

Bríet Bragadóttir er á flautunni.
Aðstoðardómari 1: Tijana Krstic
Aðstoðardómari 2: Ingibjörg Garðarsdóttir Briem
Fjórði dómari er Hallgrímur Viðar Arnarson
Dómaraeftirlitsmaðurinn er Kristján Halldórsson.

Verið velkomin lesendur góðir á Víkingsvöllinn. Hér verður textalýsing í þráðbeinni frá leik Víkings og Þór/KA sem hefst á slaginu 18:00!
Þetta er næstsíðasti leikurinn í 15.umferð Bestu Deildar kvenna.