Hvíti riddarinn-KFG 0-5
Fjölnir-KFA 1-2
Selfoss-Kári 2-2
Víkingur Ó.-Þróttur V. 2-1
Dalvík/Reynir-Magni 1-1
Kormákur/Hvöt-Haukar 1-2

Finnbogi Laxdal á eftir að naga handarbakið sitt, hann fékk allra síðasta færi leiksins sem var skot einn á Sabatti en vinkillinn of erfiður og hann setur hann framhjá fjærstönginni.

Logi Mar grípur fyrirgjöf frá Ivan Paponja.

Gestur Helgi lendir í úthlaupi Loga Mar og liggur eftir. Stúkan stendur upp en Hreinn Magnússon veifar þessu í burtu. Ég get alveg skilið pirring Selfyssinga á þessu.

Kristófer Áki Hlinason hjá Víkingi fékk rautt spjald.

Verður eflaust ekki mikið bætt við og því algjörlega síðasti séns til að stela stigunum þrem

Kári með langt innkast...mikið að gerast í teignum en Kára menn ná ekki að koma skoti á markið.

Ólafur Viðar Sigurðsson skorar með langskoti.

Selfoss hefur tekið völdin hér síðustu mínútur og fengu gott færi en Elías Karl náði ekki poti í boltann.

Tíu gegn ellefu jafna heimamenn. Gabriel Lukas Freitas Meira skoraði á 73. mínútu.

Sabatti liggur eitthvað eftir, var vel á tánum og náði lúmskri sendingu sem að Marinó átti í teiginn úr aukaspyrnu.

Selfoss að fá horn, loksins fyrir þá mættir með boltann fram og Viðar Örn á skot í varnarmann sem rennur útaf.

Aukaspyrnan sem Kári tekur er góð sending í teiginn en Stefán Logi nær ekki til boltans á fjær.

Kári aftur að fá hornspyrnu.

Eyþór Orri Ómarsson minnkar muninn fyrir Þróttara úr Vogum á 63. mínútu. Víkingur Ólafsvík 2-1 yfir.

Sabatti grípur fyrirgjöf, Kára liðið algjörlega átt þennan seinni hálfleik en án árangurs hingað til, man ekki eftir að Selfoss komst með boltann yfir miðjuna í seinni.

Magnamenn komnir yfir gegn tíu Dalvíkingum. Tómas Örn Arnarson skoraði á 59. mínútu.

Logi Mar fékk smá aðhlynningu eftir samstuð og síðan var Sabatti með hörkuvörslu aftur.

Naim Aaras El Hmaidi skoraði sitt annað mark og annað mark Ólsara. Hann á 23 ára afmæli í dag og heldur upp á daginn með stæl.

Stefán Logi brýtur á Viðari en hann fær brotið, stendur síðan yfir og lætur Viðar heyra það. Ég skil ekki hvernig hann dæmir Viðar brotlegan en það er smá hiti í mönnum

Sýndist það vera Mikael Hrafn sem átti skotið og það var mjög gott en varslan einfaldlega bara betri.

Var varið í horn en varð ekkert úr henni.

Á Dalvík kom rautt spjald í uppbótartíma fyrri hálfleiks. Elvar Máni Guðmundsson hjá heimamönnum fékk brottvísun fyrir olnbogaskot.

Kári hefur verið líflegra liðið til að byrja með og eru að fá aðra hornspyrnu.

Fyrsta hornspyrna seinni hálfleiks er Kára manna.
Sigurjón Logi með skallann aftur fyrir sig rétt framhjá.

Það er bara eitt mark sem skilur að í þessu, spennandi 45 framundan og Selfoss á upphafssparkið.

Garðbæingar skoruðu tvö mörk í lok fyrri hálfleiks í botnslagnum í Mosó! Brynjar Gauti Guðjónsson skoraði með skalla eftir horn á 43. mínútu og rétt fyrir hálfleik skoraði Gísli Snær Weywadt Gíslason eftir skyndisókn.

Hálfleikstölur í leikjum kvöldsins
Hvíti riddarinn-KFG 0-3
Fjölnir-KFA 1-2
Selfoss-Kári 2-1
Víkingur Ó.-Þróttur V. 1-0
Dalvík/Reynir-Magni 0-0
Kormákur/Hvöt-Haukar 1-2

Skemmtilegum fyrri hálfleik lokið, smá spes kannski að Hreinn Magnússon á flautunni flautaði til hálfleiks í miðri hornspyrnu en sitt sýnist hverjum. Kára menn allavega ósáttir en þeir halda sér heldur betur í leiknum, framundan meiri spenna og skemmtun.

Ólafur Viðar Sigurðsson skoraði með hreint frábæru skoti og kom KFG yfir gegn Hvíta í Mosfellsbænum. Staðan hjá Dalvík/Reyni og Magna er enn markalaus.

Aron Fannar reyndi að koma boltanum fyrir en Logi Mar gerði vel og át sendinguna.

Áhugaverð staða í Grafarvoginum þar sem KFA hefur náð að snúa þessu við. Marc Sirvent Espi kom KFA yfir á 32. mínútu.

Kári að fá sitt fyrsta horn

Sabatti rís hæst þegar fyrirgjöf kemur í teiginn eftir hornið.

Naim Aaras El Hmaidi skoraði eftir hálftíma leik í Ólafsvík.

Mikið fram og tilbaka á færa, en Marinó Hilmar reyndi erfitt skot sem fór yfir markið.

Jón Gísli Stefánsson kom Haukum 0-2 yfir en Pere Belmonte minnkaði muninn á 24. mínútu.

Patrekur Aron Grétarsson jafnaði fyrir Austfirðinga á 21. mínútu. Allt jafnt í Grafarvoginum.

Mikael Hrafn með fína skot tilraun sem endar þó framhjá fjærstönginni.

Aðeins búið að lifna við Kára, áttu fína fyrirgjöf en Selfoss vann þann darraða dans. Síðan var Marinó nálægt því ná í boltann eftir gegnum sendingu, en Filip Sabatti var vel á verði og sópaði þetta upp.

En ein fína sóknin hjá Selfoss en Benedikt Ísar gerir vel og endar að sækja brot til að stoppa sóknina.

Eysteinn með geggjaða hreyfingu til að losna á kantinum kemur boltanum fyrir markið og Viðar Örn á pot en boltinn framhjá samskeitunum.

Toppliðið er yfir. Haukar eru að vinna á Blönduósi. Tómas Atli Börgvinsson skoraði á 11. mínútu.

Þetta hefur verið allt Selfoss til að byrja með en Kára liðið hefur ekki náð að gera mikið í þau fáu skipti þegar þeir halda í boltann.

Við munum líka reyna að fylgjast eitthvað með gangi mála í hinum leikjunum. Fjölnismenn, sem eru í fjórða sæti, eru 1-0 yfir gegn KFA. Árni Steinn Sigursteinsson skoraði strax á þriðju mínútu leiksins.

Næstum því færi hjá Kára en Finnbogi Laxdal nær ekki að taka við boltanum. Eysteinn Ernir gerir vel í vörninni og sækir síðan brot.

Heimamenn byrja mjög vel, komnir með mark og halda áfram að ógna.

Aftur er það Frosti sem kemur boltanum út í teiginn en skotið frá Aroni Fannar fer yfir markið

Frosti á vinstri kantinum kemur boltanum rétt við nærstöngina og Viðar Örn á skot en það fer rétt framhjá stönginni.

Viðar Örn með erfitt skot sem hann kemur þó á markið en Logi Mar ver.

Selfoss fær þó fyrsta hornið.

Aðstæðurnar eru nokkuð huggulegar hér á Selfossi. Það fer enginn að kvarta undan þessu. Við stefnum líka ekkert á að kvarta yfir leiknum, Kári á upphafsspark.

Selfoss gerir tvær breytingar frá síðasta leik. Ívan Breki sem skoraði er ekki í hóp og líka Dagur Jósefsson. Inn fyrir þá koma þeir Einar Breki og Brynjar Bergsson.
Byrjunarlið Kára er það sama og í síðustu umferð þar sem þeir unnu sterkan 4-1 sigur gegn Víking Ó.

Í 7.umferð þann 10.júní mættust Kári og Selfoss í Akraneshöllinni. Þar komust Selfoss yfir með marki á 46.mín frá Frosta Brynjólfs og síðan í 2-0 á 81.mín með marki frá Guðmundi Stefáns. Kára-menn voru þó ekkert búnir en Árni Salvar minnkaði muninn á 83.mín og síðan jafnaði Sigurjón Logi á 86.mín. Þannig lokastaðan var 2-2 jafntefli.

Tímabil Kára hefur verið mjög öflugt. Fljótt á litið sér maður þó jafnteflin sem liðið hefur gert. 8 jafnteflisleikir sem er það mesta í deildinni. En einsog er ritað hér fyrir neðan þá er Kári með töluvert betri markatölu en Selfoss og því er 2.sætið í boði ef þeir sækja stigin þrjú. Þeir hafa ekki tapað leik í síðustu sex en fyrir það var tap gegn toppliði Hauka.

Heimamenn koma í þennan leik með rjúkandi heitan Viðar Örn Kjartansson og liðið svo sem í heild. 6-2 endurkomu pökkun gegn Fjölnir í síðustu umferð. Það hefur eflaust ekki farið framhjá mörgum. Viðar Örn í þeim leik með 5mörk og eina stoðsendingu. Annar heimaleikur Selfoss í röð og þeir hafa verið að gera góða hluti á JÁVERK-vellinum sínum.Stórar fréttir komu einnig frá Selfossi, en Jón Daði Böðvarsson hefur lagt skóna á hilluna en hann spilaði 11 leiki með Selfoss þetta tímabil og skoraði í þeim 3 mörk. Einnig fór efnilegur Aron Lucas Vokes á lán til ÍBV í Bestu Deildina.

Hreinn Magnússon er á flautunni. Ragnar Arelíus Sveinsson og Sigurður Þór Sveinsson eru Aðstoðardómarar 1 og 2.
Einar Örn Daníelsson er Dómaraeftirlitsmaður.

Selfoss í 2.sæti á móti 3.sæti Kára! Þrjú stig sem skilja liðin að, öll 18.umferðin fer fram í dag. Sénsunum fer fækkandi hjá liðum að komast í eftirsóttu sætin tvö. En bæði lið hér í dag á JÁVERK-vellinum á Selfossi koma hungruð í þrjú dýrmæt stig.

miðvikudagur 19. ágúst
18:00 Hvíti riddarinn-KFG (Malbikstöðin að Varmá)
18:00 Fjölnir-KFA (Extra völlurinn)
18:00 Selfoss-Kári (JÁVERK-völlurinn)
18:00 Víkingur Ó.-Þróttur V. (Ólafsvíkurvöllur)
18:00 Dalvík/Reynir-Magni (Dalvíkurvöllur)
18:00 Kormákur/Hvöt-Haukar (Blönduósvöllur)