Virkilega sanngjarn sigur Blika staðreynd. Þær stjórnuðu þessum leik frá upphafi til enda. Ég þakka fyrir samfylgdina, þangað til næst.

Hrafnhildur Ása reynir skot sem fer framhjá.

Bryndís Arna þræðir Hrafnhildi Ásu í gegn, hún er ein á Bettinu en skotið er ekki gott og fer framhjá fjærstönginni.

Boltinn kemur inn á teiginn en það er skallað frá.

Hrafnhildur Ása kemst í gegn og nær skoti sem fer framhjá.

Það eru 268 áhorfendur á Eikarvellinum í kvöld.

Boltinn kemur inn á teiginn en Bryndís hreinsar frá.

Bryndís vinnur boltann, kemur honum á Hrafnhildi Ásu en hún er dæmd rangstæð.

Hrafnhildur Ása kemur með góða fyrirgjöf á Bryndísi en hún stangar boltann framhjá markinu.

Boltinn kemur inn á teiginn en það er hreinsað frá.

Boltinn kemur inn á teiginn og Karitas nær skalla en hann er laus og siglir framhjá marki gestanna.

Fyrirliðinn kemur með boltann inn á teiginn en Herdís Halla grípur boltann og Blikar hefja nýja sókn.

Andrea reynir skot fyrir utan teig sem fer framhjá.

Bryndís fær boltann inni á teignum en rangstaða dæmd.

Fyrirliðinn kemur með boltann inn á teiginn en Blikar skalla frá.

Agla María kemur boltanum í netið en það er flaggað.

Agla María kemur með boltann inn á teiginn en Bettina nær að kýla frá. Blikar fá síðan aðra hornspyrnu. Boltinn kemur inn á teiginn en hann endar í markspyrnu.

Þær sækja í átt að Fífunni.

Marktilraunir: 18 - 1
Skot á mark: 11 - 1
Hornspyrnur: 7 - 0
Rangstöður: 2 - 0

Blikar hafa stjórnað þessum leik frá fyrstu mínútu. Þær eru að skapa sér fullt af færum en gestirnir komast varla yfir miðju. Það kæmi mér verulega á óvart ef að mörkin yrðu ekki fleiri á Eikarvellinum.

Tökum okkur korter.

Boltinn kemur inn á teiginn og Elís nær skoti sem fer framhjá.

Agla nær góðu skoti inni á teignum en Bettina ver í horn.

Agla er með boltann úti hægra megin. Hún kemur með hættulega fyrirgjöf inn á teiginn sem Bettina missir af og boltinn flýgur yfir allan pakkann.

Agla María fær boltann inni á teignum en rangstaða dæmd.

Edith kemur með lúmska fyrirgjöf á Líf, hún nær snertingu á boltann en framhjá fer hann.

Sunna Rún leikur á eina, kemst upp að endamörkum og kemur með fyrirgjöf sem er hreinsuð frá. Boltinn berst til Karitas sem tekur fast skot í fyrsta sem Bettina ver og heldur.

Agla María kemur með boltann inn á teiginn en hann flýgur yfir allan pakkann og í markspyrnu.

Agla María kemur með flotta fyrirgjöf eftir aukaspyrnu og Líf nær skalla sem er varinn.

Elísa finnur Úlfu en rangstaða dæmd.

Agla kemur með boltann inn á teiginn en þær ná að hreinsa frá.

Agla þræðir Líf í gegn en Bettina sér við henni og Blikar fá horn. Ekkert varð úr þessari spyrnu.

Blikar hafa svo sannarlega stjórnað þessum leik og gestirnir komast ekkert í boltann.

Agla finnur Líf sem kemst í gegn með mann í sér. Hún reynir að senda boltann en sendingin er laus og Bettina grípur boltann.

Líf spænir upp kantinn, kemst inn á teiginn en skotið í varnarmann og aftur fyrir. Elísa nær skalla eftir hornið en yfir fór hann.

Sunna Rún nær góðu skoti inni í vítateig sem er varið í horn.

Þær taka þetta stutt en gestirnir koma boltanum í innkast.

Jehovah sparkar þessu í gang.

Það eru fimm mínútur í leik og það styttist verulega í að þessi veisla byrji. Blikar eru í sínum grænu búningum en FK Csíkszereda í hvítum.

Vallaraðstæður dagsins eru úr efstu hillu. Sól, hlýtt og logn á Eikarvellinum í dag. Það er einnig búið að vökva gervigrasið.

Liðin eru komin inn. Ian Jeffs, þjálfari Breiðabliks, gerir þrjár breytingar á sínu liði eftir 2-0 tap gegn Stjörnunni.

FK Csíkszereda kemur frá Miercurea Ciuc í Rúmeníu og hafnaði í öðru sæti rúmensku úrvalsdeildarinnar á síðasta tímabili. Með þeim árangri tryggði liðið sér sæti í Evrópubikarnum og er þetta í fyrsta sinn sem kvennalið félagsins tekur þátt í Evrópukeppni.

Blikar hófu Evrópuævintýrið sitt á tímabilinu í undankeppni Meistaradeildar Evrópu, þar sem leikið var í Kasakstan. Fyrsti leikurinn var gegn heimakonum í FC Aktobe 4. ágúst. Katelyn Duong kom Blikum yfir á 16. mínútu en Aktobe jafnaði metin. Staðan var 1-1 eftir venjulegan leiktíma og framlengingu og því þurfti vítaspyrnukeppni til að skera úr um sigurvegara. Þar hafði Aktobe betur, 2-0 í vítaspyrnukeppninni, og Blikar misstu þar með af möguleikanum á að komast áfram í úrslitaleik undankeppninnar.

Þremur dögum síðar mættu Blikar Dinamo-BSUPC frá Hvíta-Rússlandi í leik um þriðja sætið. Sá leikur varð heldur betur dramatískur. Dinamo komst yfir strax á 14. mínútu en missti leikmann af velli aðeins tveimur mínútum síðar. Karitas Tómasdóttir jafnaði fyrir Blika á 53. mínútu áður en Dinamo komst aftur yfir á 62. mínútu. Allt stefndi í 2-1 tap Blika en Agla María Albertsdóttir jafnaði í uppbótartíma og tryggði framlengingu. Agla María var síðan aftur á ferðinni á 102. mínútu og skoraði sigurmarkið í 3-2 sigri Breiðabliks.

Blikar enduðu því í þriðja sæti undankeppnismóts Meistaradeildarinnar og leið þeirra lá þaðan yfir í Evrópubikar UEFA, þar sem næsta verkefni er einvígi gegn FK Csíkszereda frá Rúmeníu. Fyrri leikurinn fer fram á heimavelli Blika 26. ágúst áður en liðin mætast aftur í Rúmeníu 2. september.

Þetta verður því þriðji Evrópuleikur Blika á tímabilinu, eftir grátlegt tap í vítaspyrnukeppni gegn Aktobe og dramatískan 3-2 sigur gegn Dinamo-BSUPC.

Sofiya Prychyna er aðaldómari leiksins. Henni til aðstoðar eru Oleksandra Vdovina og Maryna Striletska. Fjórði dómari er Liudmyla Telbukh.

Heil og sæl kæru lesendur og verið velkomin í beina textalýsingu frá Eikarvellinum þar sem Breiðablik og FK Csíkszereda eigast við í Evrópubikarnum. Flautað verður til leiks á slaginu 17:30.