Líflegum leik lokið. Þakka fyrir samfylgdina í dag og minni á viðtöl og skýrslu sem detta inn á eftir.

Áfram allir.

Og Valsmenn fá horn!

Flott sókn hjá Skagamönnum sem endar með skoti Matthíasar yfir markið.

Jón Gísli tekur spyrnuna inn á teiginn sem Kristófer Dagur skallar frá.

Fáum við meiri dramatík?!

Kristófer Dagur rúllar boltanum inn fyrir á Dag Orra sem er kominn einn gegn Árna og klárar huggulega en flaggið fór á loft.

Spyrnan fer yfir allan pakkann og aftur fyrir hinum meginn

Jónatan Ingi fær boltann á teignum og tekur skotið sem fer í stöngina. Þeir halda áfram að banka og banka!

Gísli Eyjólfs með tilraun fyrir utan teig eftir fína skyndisókn.

Kristófer Dagur sleppur einn í gegn á móti Árna sem kemur á móti og nær að verja. Boltinn hinsvegar er á leiðinni í markið áður en Baldvin mætir á svæðið og skallar hann í burtu.

Kristófer Dagur fær boltann inn á teignum eftir góðan undirbúning hjá Jakobi Franz en setur boltann beint á Árna sem kemur vörnum við.

Valsmenn hafa verið ívið betri í þessum síðari hálfleik að mínu mati. Líklegri aðilinn þessa stundina að setja næsta mark leiksins.

Það hafa 17 hornspyrnur litið dagsins ljós í þessum leik í kvöld en staðan er 11-6 í þeim tölfræðiþætti, Valsmönnum í vil.

Elías Ingi er nýr aðaldómari þessa leiks en Pétur tekur nú við hlutverki 4. dómarans.

Stutt horn sem endar með að Valsmenn fá aðra hornspyrnu sem endar með skoti frá Valsmanni út á bílaplan.

Birkir Heimis tekur spyrnuna inn á teiginn sem fer yfir allan pakkann og aftur fyrir hinum meginn í markspyrnu.

Hörður Ingi fer niður í teignum eftir snertingu frá Skagamanni en Pétur hristir hausinn. Held að þetta sé hárrétt hjá Pétri að leyfa þessu að halda áfram og vera ekki að dæma á þetta.

Það eru Valsmenn sem sparka þessu aftur af stað fyrir okkur.

Ágætis fyrri hálfleikur að baki. Tökum okkur korterspásu áður en við mætum svo með seinni hálfleikinn að vörmu spori.

Valsmenn gera vel í að hreinsa frá

Jón Gísli með hörkuskot hægra meginn í vítateig Valsmanna sem Frederik Schram ver frábærlega í horn.

Jón Gísli tekur spyrnuna inn á teiginn sem Valsmenn hreinsa frá.

Erik Tobias skallar boltann frá en sóknarpressa Valsmanna heldur áfram.

Fáum við jöfnunarmark fyrir hálfleik?

Spyrnan kemur inn á teiginn en Pétur spottar sóknarbrot og Skagamenn geta andað léttar.

Valsmenn koma boltanum inn á teiginn og á einhvern ótrúlegan hátt fer hann ekki inn eftir mikið klafs.

Allt í lagi með Gísla og leikurinn heldur áfram.

Fer allt of seint í Gísla Eyjólfs og fær réttilega spjald. Gísli þarf aðhlynningu og virkar sárþjáður.

Valsmenn eru hægt og bítandi að vinna sig inn í leikinn. Eru líklegri þessa stundina að janfa frekar en Skagamenn að bæta við.

Birkir Heimis tekur þá spyrnuna sem kemur inn á teiginn í pakkann í markmannsteignum en Markús Páll fær hann að lokum og hreinsar.

Árni stendur upp og ætlar að halda hér leik áfram eftur að hafa fengið aðhlynninguna.

Árni Marinó liggur niðri. Hann þarf að fá aðhlynningu. Árni hefur verið að glíma við meiðsli á tímabilinu og aðeins kveinkað sér hérna í kvöld.

Spurning hvort við sjáum Jón Sölva koma í markið.

Jón Gísli tekur spyrnuna, hún er góð og fer á Erik Tobias en hann skallar hann yfir markið.

Gísli Laxdal fær boltann úti hægra meginn og alveg eins og í markinu fær hann skuggalega mikinn tíma til að athafna sig nema núna lætur hann vaða á markið. Frederik ver í horn.

Birkir Heimisson tekur spyrnuna inn á teiginn sem fyrsti varnarmaður Skagamanna skallar frá.

Dagur Orri fær boltann við miðjan vítateig Skagamanna og fær nægan tíma til að láta vaða sem hann gerir en Árni Marinó kemur vörnum við.

Jafnræði með þessu seinustu mínútur. Styttist í næsta mark öðru hvoru meginn.

Markús Páll fær boltann og keyrir með hann inn á teiginn í átt að marki en Jakob Franz gerir vel í að hægja á honum áður en Frederik Schram kemur út í þetta og tekur boltann.

Valsmenn að fá maraþon hornspyrnur. Sú þriðja er tekin stutt líkt og allar hinar. Nú endar þetta á skoti frá Jakobi Franz rétt framhjá.

Jón Gísli tekur spyrnuna inn á teiginn sem Valsmenn verjast vel.

Önnur hornspyrnan þeirra í dag.

Spyrnan kemur inn á teiginn og er góð en Baldvin skallar þetta frá. Lúkas Logi fær svo boltann og kemur með hann inn á teiginn þar sem Markus Nakkim er mættur en skallinn hans fer rétt yfir.

Kristófer dagur keyrir upp völlinn og kemur með sendingu fyrir markið á Dag Orra sem rennir sér á eftir boltanum en fær hann milli lappanna sinna og sóknin fjarar út í sandinn að mestu leyti.

Skemmtileg útfærsla en Jón Gísli Eyland tekur spyrnuna inn á teiginn þar sem Steinar Þorsteins er mættur og setur hann framhjá.

Skagamenn fá fyrstu hornspyrnu leiksins þegar minna en mínúta er liðin af leiknum.

Gestirnir byrja þennan leik sem verður vonandi bráðskemmtilegur í alla staði.

Valsmenn að heiðra gamla Íslandsmeistara fyrir leik sem fá gott lófaklapp og móttökur úr stúkunni. Þetta eru þeir Palli, Árni og Gunnar sem eru allir í flottum Vals treyjum merkt Henson.

Fyrir utan það er skemmtilegt að sjá þessa hefð þessa helgi að liðin ganga inn á í fótboltatreyjum. Fallegt að sjá.

Valsarar munu leka mörkum án Hólmars en þeir munu skora sin 2-3 mörk á Heimavelli. Yfir 3,5 mörk er 1.7 á Epic, yfir 4 er 2.05. Mæli með.

— Kristalkúlan (@kristalkulan) August 30, 2026

Tryggvi Hrafn Haraldsson er í banni gegn sínum verðandi félögum. Hólmar Örn Eyjólfsson er fjarverandi og Shkelzen Veseli fær sér sæti á bekknum. Samúel Kári Friðjónsson, Patrick Pedersen og Birkir Heimisson koma inn frá 2-0 tapi gegn Víkingum.

Haukur Andri Haraldsson og Viktor Jónsson eru í banni hjá ÍA. Rafael Máni Þrastarson og Styrmir Jóhann Ellertsson koma inn frá 1-1 jafntefli gegn FH.

Sagnfræðingurinn Stefán Pálsson fékk það hlutverk að spá fyrir komandi leikjum í Bestu deildinni og svona spáir hann leik kvöldsins.

Valur 2 - 1 ÍA (19:15 í kvöld)
Patrick Pedersen er að hrökkva í gang og mun mjaka Valsmönnum upp fyrir strik. Kampakátur Brazell mun jafnvel gangast við því að vera þjálfari Valsliðsins. Týndi sonurinn, Markús Ellertsson, með mark Skagamanna sem þurfa að keyra Hvalfjörðinn heim eftir skyndilokun í göngunum.

Pétur Guðmundsson er dómari þessa leiks en honum til aðstoðar verða þeir Patrik Freyr Guðmundsson og Antoníus Bjarki Halldórsson. Elías Ingi Árnason er fjórði dómarinn í dag en eftirlitsmaður KSÍ er hann Þórður Georg Lárusson.

Valsmenn og Skagamenn hafa átt heldur betur kaflaskipt sumar. Skagamenn koma hins vegar heitari inn í þennan leik heldur en Valsmenn ef við skoðum seinustu 5 leiki í öllum keppnum. Þar eru heimamenn án sigurs en gestirnir með þrjá sigra og tvö jafntefli. Hins vegar hafa Skagamenn spilað fjóra heimaleiki af sínum seinustu 5 leikjum.

Heilir og sælir ágætu lesendur og veriði hjartanlega velkomin í þessa þráðbeinu textalýsingu frá leik Vals og ÍA í Bestu deildinni að Hlíðarenda.