Blikarnir sigra hér 0-1 í Rúmeníu og því samanlagt 9-1!

Kannski engin flugeldasýning eins og fyrri leikurinn en þetta var aldrei í hættu! taka sigurinn og halda hreinu í dag

Þær verða því í pottinum á föstudaginn þegar dregið verður.

Takk annars fyrir samfylgdina, skýrslan kemur inn von bráðar!

A.m.k. 2 mínútur í uppbótartíma

Ezer liggur hér eftir og þarf aðhlynningu

Ezer reynir skot af löngu færi en það er langt yfir

Kristín Dís gerir vel og kemur í veg fyrir skyndisókn hjá Katona

Ása brýtur á Fulop, þær taka þetta fljótt og komast í ágætis sókn en Herdís Halla er vel vakandi og handsamar boltann

Ezer með hornspyrnu fyrir heimakonur, setur hann stutt á Katona en Ása pressar þetta og kemst í boltann.

Ezer tekur spyrnuna en nær ekkert að gera við þetta og boltinn endar út fyrir endalínu

Olga brýtur á Ezer á Stórhættulegum stað! rétt utan við teiginn.

Nombot með tilraun en Herdís Halla handsamar boltann

Anna Ezer tekur horn fyrir heimakonur, setur hann inn á teiginn en Blikarnir koma þessu frá

Elín Helena í kapphlaupi við Fábian og hefur betur!

Agla María reynir skot af löngu færi en Borocz nær þessu

Þórdís Elva kemur sér í færi og nær hööörkuskoti á markið en það er hárfínt framhjá!

Herczeg tekur horn fyrir heimakonur, setur hann á fjær, yfir allan pakkann. Þær hins vegar ná honum aftur og Ezer nær skotinu en Herdís Halla grípur þetta örugglega

Sunna Rún tekur hornið en ekkert kemur úr því í þetta skiptið

Agla María kemur sér í góða stöðu, nær skotinu en Borocz ver útaf,

Sunna Rún með horn en sem fyrr eru Blikarnir ekki að nýta þessi föstu leikatriði nægilega vel!

Ása í frábærri stöðu en setur boltann í varnamann

Herczeg tekur hornið, Shala nær skotinu en í varnarmann og út fyrir endalínu, þær fá annað horn en ekkert kemur úr því

Ása með flotta takta út á vinstri kanti, setur hann fyrir þar sem Líf kemur á ferðinni en skallinn rétt framhjá

Ása sparkar okkur aftur á stað

Blikarnir verið mun betri aðilinn hér í fyrri hálfleik en hafa þó ekki náð að setja mark sitt á leikinn í bókstaflegri merkingu!

Þær þurfa að keyra tempóið upp, hafa fallið niður á plan heimakvenna og það hentar spilamennsku Blika ekki vel.

Sést líklega best á því að í fyrri leiknum voru Blikarnir mun beinskeyttari og uppskáru 5 mörk í fyrri hálfleik

Bryndís Arna með bakið í markið, tekur boltan á lærið og setur hann svo yfir sig og finnur þar Ásu en hún hins vegar þrumar boltanum yfir markið

Jæjaaaa Við erum komin á markamínútuna góðu, fáum við ekki eitt Blikamark fyrir hálfleik?!?

Bryndís Arna með fína takta, reynir að koma boltanum inn en Borocz handsamar boltann

og í því skjótast Csikszereda í skyndisókn, Nombot á sprettinum með Shala með sér en Kristín Dís fleygir sér í góða tæklingu og stöðvar sóknina hjá þeim

Leikurinn hefur að miklu leiti spilast á vallarhelmingi Csikszereda en það vantar herslumuninn í sóknaraðgerðum Blika

Þórdís Elva vinnur boltann, finnur Ásu í hlaupinu, hún á síðan fínustu tilraun en það er hárfínt framhjá! Það munar svo litluuuu

Szolomájer brýtur á Úlfu Dís á hættulegum stað, bara við teiginn hægra megin, Sunna Rún tekur spyrnuna , Úlfa Dís nær skotinu en það er framhjá

Blikarnir verða að fara nýta þessar hornspyrnur sem þær fá á færibandi! Ég kalla eftir meiri grimmd í teignum!

Sunna tekur hornið, boltinn endar útaf og þær fá aðra tilraun, Sunna tekur það aftur boltinn berst út í teiginn en endar svo í höndunum á Borocz

Með þrumufleyg af löngu færi sem stefndi inn en Borocz rétt náði að blaka boltanum yfir á síðustu stundu

Sunna Rún með horn, setur hann út í teiginn þar sem Karitas lúrir og skallar boltann áfram en þær ná ekki að gera sér neinn mat úr þessu þar sem Olga er flögguð rangstæð

Ása finnur Úlfu Dís innfyrir en flaggið fer réttilega á loft

Sunna með hornspyrnuna en ekkert kemur úr henni

Úlfa Dís og Katelyn með frábært spil, Úlfa setur boltann svo fyrir þar mætir Sunna Rún en hún nær ekki að setja boltann í þetta skiptið! En algjörlega rétt kona á réttum stað!

Elín Helena brýtur á Shala, Herczeg tekur spyrnuna en hún er léleg og endar út fyrir endalínu

Úlfa Dís reynir að setja boltann fyrir en aðeins of innarlega og Borocz pikkar þetta upp

Elín Helena setur hann til baka á Herdísi, Shala pressar en Herdís á undan, þetta hefði getað orðið tæpt

Sunna Rún tekur 4 hornið, setur hann á teiginn, fær svo boltann aftur en hún er flögguð rangstæð

Sunna með 3 hornið, setur hann á fjær og finnur Karitas aftur og aftur fá þær horn

Sunna Rún með annað horn, Karitas nær skallanum en setur hann í varnarmann og afturfyrir.

Sunna Rún nælir í horn fyrir Blikana, tekur þetta sjálf, setur hann á teiginn en þær ná að skalla þetta frá

Csikszereda konur byrja þetta af krafti, Nombot kemst í hlaupið en Elín Helena stöðvar hana áður en hún kemst ein í gegn

Hætta á ferðum en Herdís Halla er yfirveguð og handsamar boltann

Jehona sparkar þessu af stað fyrir heimakonur

Liðin eru komin út á völl!

Csikszereda konur Rauðar-svartar-rauðar en Blikarnir eru hvítar-hvítar-hvítar!

Ian Jeffs, þjálfari Breiðabliks, gerir fjórar breytingar frá fyrri leik liðanna.

Bryndís Arna Níelsdóttir byrjar sinn fyrsta leik fyrir Breiðablik í sumar, þá koma Olga Ingibjörg Einarsdóttir, Hrafnhildur Ása Halldórsdóttir og Þórdís Elva Ágústsdóttir einnig inn í byrjunarliðið.

Elísa Viðarsdóttir, Agla María Albertsdóttir, Edith Kristín Kristjánsdóttir og Líf Joostdóttir van Bemmel taka sér sæti á bekknum.

Evrópubikar kvenna er önnur af tveimur Evrópukeppnum félagsliða á vegum UEFA og fer fram samhliða Meistaradeildinni. Keppnin var sett á laggirnar á síðasta tímabili til að fjölga þeim liðum sem fá tækifæri til að spreyta sig á evrópska sviðinu.

Fyrirkomulag keppninnar er einfalt, þar sem um útsláttarkeppni er að ræða og allar umferðir, allt frá forkeppni til úrslita, eru leiknar heima og að heiman.

Breiðablik náði eftirtektarverðum árangri á síðasta tímabili en þær m.a. slógu út Spartak Subotica frá Serbíu og unnu síðan ævintýralegan sigur á danska liðinu Fortuna Hjörring í sextán liða úrslitum. Ferð þeirra lauk í átta liða úrslitum gegn Häcken, sem stóð að lokum uppi sem fyrsti sigurvegari Evrópubikarsins.

Blikarnir sýndu það að þær geta heldur betur látið til sín taka og nú er tækifærið til að klára þetta og komast í næsta legg keppninar!

Csíkszereda sat ekki lengi með 8-1 tapið í fanginu. Aðeins fjórum dögum síðar vann liðið 11-1 stórsigur á Universitatea Craiova í rúmensku deildinni. Anna Ezer, sem var í byrjunarliðinu gegn Breiðabliki, skoraði þrennu í leiknum, og segir liðið fært um mun meira en það sýndi á Íslandi.

Leikurinn í kvöld verður sögulegur fyrir heimakonur því þetta er fyrsti heimaleikur kvennaliðs Csíkszereda í Evrópukeppni frá upphafi. Félagið vann sér í fyrsta sinn inn þátttökurétt í Evrópu með því að enda í öðru sæti rúmensku deildarinnar á síðasta tímabili. Csilla Balázs skoraði fyrsta Evrópumark liðsins þegar hún minnkaði muninn gegn Blikum í Kópavogi.

Péter Kollár, þjálfari liðsins gaf það út í á heimasíðu Csíkszereda að hann vonast til að sjá leikmenn sína nýta reynsluna úr fyrri leiknum. Hann vill sjá betri einstaklingsframtak, skýrari leiklestur og öruggara uppspil, en heimakonur þurfa að vinna upp sjö marka mun ætli þær sér að halda lífi í einvíginu.

View this post on Instagram

A post shared by FK Csíkszereda [OFFICIAL] (@fk_csikszereda1904)

Breiðablik stendur afar vel að vígi eftir 8-1 stórsigur á Eikarvellinum í fyrri leiknum. Csíkszereda þarf að vinna með sjö mörkum til að knýja fram framlengingu og með átta mörkum til að komast áfram án hennar. Blikar mega því tapa með sex mörkum og fara samt örugglega áfram, það eru þó litlar líkur á að það gerist en það er spurning hvort Jeffsy gefi óreyndari leikmönnum fleiri tækifæri og hvíli lykilmenn fyrir baráttuna í Bestu deildinni.

Blikar skoruðu öll átta mörk sín á fyrstu 54 mínútum fyrri leiksins. Úlfa Dís Kreye Úlfarsdóttir opnaði flóðgáttirnar með tveimur mörkum á fyrstu níu mínútunum áður en Sunna Rún Sigurðardóttir skoraði þrennu. Líf Joostdóttir van Bemmel, Kristín Dís Árnadóttir og Hrafnhildur Ása Halldórsdóttir komust einnig á blað.


Þrátt fyrir frábæran fyrri leik gegn Csikszereda, þá hafa Blikarnir aðeins hikstað í deildinni eftir frækinn 0-3 sigur á FH í toppslagnum, en þær hafa tapað síðustu tveimur leikjum, 2-0 gegn Stjörnunni og svo 1-2 gegn ÍBV í síðustu umferð.

Breiðablik er þó enn á toppi Bestu deildar kvenna eftir 17 leiki. Liðið er með 36 stig, tveimur stigum meira en FH, eftir tólf sigra og fimm töp.

Leikjaálagið er töluvert hjá Blikum þessa dagana. Leikurinn í Rúmeníu verður sá fimmti hjá liðinu á aðeins átján dögum. Næst tekur við útileikur gegn Þrótti í Bestu deildinni mánudaginn 7. september, aðeins fimm dögum eftir þennan Evrópuleik.

Á flautunni í dag verður Franziska Wildfeuer, henni til halds og trausts verða Daniela Göttlinger og Jasmin Matysiak aðstoðardómarar.

Fjórði dómari í dag er svo Davina Lutz.

Verið hjartanlega velkomin í þessa textalýsingu úr seinni viðureign liðanna í fyrsta einvígi Evrópubikarsins. Breiðablik mætir nú liði Csikszereda á heimavelli þeirra, Stadion Municipal Miercurea Ciuc í Rúmeníu

Leikurinn hefst á slaginu 16:00!