Breiðablik vinnur Mjólkurbikarinn í annað sinn.
Til hamingju Blikar!

Jónatan vinnur hornspyrnu eftir dans við hornfánann.

Sævar brýtur á Jónatan og Blikar hægja á leiknum.

Alvöru mæting í kvöld!

Mosfellingar hafa fimm mínútur til þess að koma leiknum í framlengingu.

Joacim Holtan á skot framhjá markinu.

Snertingin of þung hjá Jónatani eftir frábæran bolta frá Davíð. Boltinn endar hjá Arnari.

Leikurinn er svakalega hraður þessa stundina.

Blikar leyfa Aftureldingu að halda í boltann. Vilja sigla sigrinum heim.

Kristinn Freyr tekur hann á lofti fyrir utan teig og hamrar á markið. Anton ver vel í horn.

Mosfellingar hreinlega betri þessar síðustu mínútur.

Rangstaða dæmd á Aron í skyndisókn Blika.

Það fer að styttst í skiptingar hjá Aftureldingu.

Joacim gerir mjög vel og vinnur boltann á vallarhelmingi Blika. Hann hægir hins vegar vel á sókninni. Blikar ná svo að komast fyrir skot Mosfellinga. Þarna var illa farið með góða stöðu.

Anton Ari handsamar boltann úr horninu.

Mosfellingar í langri sókn sem endar með hornspyrnu. Þeir þurfa að nýta sér svona augnablik ef þær ætla sér að búa til leik.

Afturelding fær horn en Blikar hreinsa frá.

Höskuldur Gunnlaugs með fínan bolta inn í teiginn úr aukaspyrnu en skallinn frá Viktori yfir markið.

Blikar fá hornspyrnu eftir 25 sekúndur. Hún var illa útfærð og engin hætta fyrir Aftureldingu.

Anton Logi sparkar seinni hálfleiknum af stað!

Ívar flautar til hálfleiks hér á Laugardalsvelli. Blikar fara inn til búningsherbergja með tveggja stiga marka forystu og það er líklegast sanngjarnt. Við tökum okkur korter.

Elmar kemur með fyrirgjöfina úr spyrnunni sem ratar á kollinn á Axel en skallinn víðsfjarri markinu.

Að lágmarki tveimur mínútum bætt við.

Afturelding vinnur aukaspyrnu á álitlegum stað.

Afturelding hefja skyndisókn en Kristinn Freyr á mjög misheppnaða sendingu fram á við og Blikar halda sókn sinni áfram. Rauðklæddir hreinsa í annað horn.

Höskuldur kemur boltanum á Þorleif sem er kominn að markteigshorninu og þar lætur hann vaða. Arnar Daði ver vel í horn.

Mosfellingar kalla eftir broti á Bjarti sem fellur við rétt fyrir utan teig. Ívar segir nei og ég er líklegast sammála honum. Það var ekki mikið í þessu.

Leikurinn hefur eitthvað róast þessar síðustu mínútur.

Leikmenn virðast líka vera óvanir grasinu en þeir hafa verið duglegir að renna þennan fyrsta hálftíma.

Hoskuldur Gunnlaugs. ???? pic.twitter.com/TyXXFtRWcs

— damir muminovic (@damirmuminovic) September 11, 2026

Bart Kooistra með fínasta skot eftir gott samspil við Joacim Holtan. Skotið rétt yfir fjærstöngina.

Afturelding finnst mér aðeins vera að vinna sig inn í leikinn eftir slæma byrjun.

Þorleifur vinnur boltann eftir misskilning í vörninni og er kominn einn í gegn. Hann reynir að leika á Arnar sem nær hönd á boltann. Boltinn berst aftur á Þorleif sem á bara eftir að renna honum í opið net þegar Andi Hoti tæklar boltann út af.

Því miður fyrir Andi var hendi dæmd í aðdragandanum á Þorleif. Þessi tækling á allt hrós skilið.

Elmar vinnur boltann og kemur Aftureldingu í fína stöðu en sóknin endar aldrei með skoti áður en hún rennur út í sandinn.

Óli Valur kemst inn í sendingu og tekur svo á rás upp allan völlinn með frábæru þríhyrningsspili við Þorleif en sendingin af endalínu ætlaðan Aroni fer beint í fangið á Arnari í markinu.

Nokkuð viss um að þetta Mark hafi ekki átt að standa

— Magnus Bodvarsson (@MBodvarsson) September 11, 2026

Blikar vinna hornspyrnu...

Anton Ari með misheppnaða sendingu fram á við á Elmar og getur sótt hratt en Blikar vinna boltann aftur.

Joacim Holtan sparkar úrslitum Mjólkurbikarsins 2026 í gang!

Blikar sækja í átt að sundlauginni og Afturelding í átt að Þróttaraheimilinu.

Afturelding í rauðu, Breiðablik í hvítu.

Bæði lið hafa selt upp sína aðalstúku. Mjög vel gert.

Þjóðsöngurinn spilaður á Laugardalsvelli.

Nú styttist í þetta!

Stuðningsmenn bíða enn í löngum röðum fyrir utan völlinn. Nýr leiktími er því 19:10.

Magnús Már gerir sjö breytingar á sínu liði frá tapinu gegn Njarðvík í síðustu umferð. Ber þar hæst að Elmar Cogic er í byrjunarliðinu í dag og að Birkir Már Sævarsson byrjar á bekknum.

Ólafur Ingi gerir tvær breytingar á Blikum frá tapinu gegn KA. Höskuldur Gunnlaugsson og Aron Bjarnason koma inn í liðið í stað Jónatans Guðna og Gabríel Snæs sem byrja á bekknum.

Úrslitaleikurinn í ár verður töluvert fjölsóttari en í fyrra þegar Vestri og Valur áttust við. Þá voru 3979 miðar seldir en eins og staðan er núna hafa um 4800 miðar verið seldir á leikinn á eftir.

Mosfellingar hafa verið duglegri í miðakaupum en Kópavogsbúar, en sæti í aðalstúku Aftureldingar eru uppseld.

Eini titill Ólafs Inga Skúlasonar, þjálfara Breiðabliks, á leikmannaferlinum var bikarmeistaratitill með Fylki 2001.

„Það eru 25 ár síðan ég var 18 ára gamall og vann þennan bikar. Þá hugsaði ég að þetta væri einn af mörgum en svo líða árin, það er ekki sjálfsagt að vera í bikarúrslitum," segir Ólafur.

Sigurjón Jónsson og Arnór Gauti Ragnarsson eru gestir í setti í sérstökum upphitunarþætti sem sjá má hér:

„Við erum búnir að ná stóra markmiðinu okkar með því að komast upp í Bestu deildina, við fáum svo þennan leik sem kirsuberið á toppinn," segir Aron Elí Sævarsson, fyrirliði Aftureldingar.

Það eru ýmsar tengingar milli Afureldingar og Breiðabliks en sú sterkasta núna er að Anton Ari Einarsson, markvörður Breiðabliks, er uppalinn hjá Aftureldingu og að auki bróðir þjálfara Mosfellinga, Magnúsar Más Einarssonar.

„Það er sterk tenging milli þessara félaga, fjölskyldubönd og margir leikmenn úr Mosó hafa spilað fyrir Breiðablik. Þetta verður mjög skemmtilegt einvígi."

Það er erfitt að bera Breiðablik og Aftureldingu beint saman. Annars vegar er lið sem situr í fjórða sæti Bestu deildarinnar og hins vegar lið sem vann Lengjudeildina. Styrkleikamunurinn á deildunum er talsverður og því þarf að taka tölurnar með ákveðnum fyrirvara.

Guðmundur Aðalsteinn Ásgeirsson skrifar:
Ef við horfum á prófíl leikmanna í bland við frammistöðu þeirra í sumar, hversu margir leikmenn Aftureldingar kæmust þá inn í byrjunarlið Breiðabliks?

Afturelding hefur spilað í Lengjudeildinni í sumar en Breiðablik í Bestu deildinni og því ekki hægt að bera frammistöðu leikmannanna fullkomlega saman. Það er hægt að fara alls konar leiðir að þessu, en alveg hægt að færa rök fyrir því að einhverjir leikmanna Aftureldingar komast í sameiginlegt lið.

Það mætti færa góð rök fyrir öðrum leikmönnum á nokkrum stöðum. En þetta er kannski ágætis mælikvarði á hversu sterkt tímabil Mosfellingar hafa átt. Þeir eiga leikmenn sem eru raunverulega inni í umræðunni um sameiginlegt lið með Blikum.

„Sama hvert maður kemur í Mosfellsbæ er verið að tala um þennan leik. Við elskum úrslitaleiki og erum að koma hingað í þriðja sinn í fjórum árum í úrslitaleik. Við ætlum að skrifa annan kafla í fótboltasögu Mosó á föstudaginn," segir Magnús Már Einarsson, þjálfari Aftureldingar.

„Það hefur gengið frábærlega í miðasölunni hjá Mosfellingum og mér heyrist hálfur bærinn allar að fara á völlinn. Mér er sama hversu djúp tengingin er við Mosfellsbæ, hvort þú hafir verið að borða kryddbrauð með Svanþóri Einars á Pizzabæ fyrir 20 árum eða hvort þú sért nýfluttur í bæinn. Ég vil sjá alla hjálpa okkur í baráttunni."

„Maður fær ekki mörg svona tækifæri og við ætlum að skilja allt eftir á föstudeginum," segir Höskuldur Gunnlaugsson, fyrirliði Breiðabliks.

„Það er engin værukærð eða vanmat hjá okkur. Við erum mjög hungraðir í þennan bikar, peppaðir og spenntir fyrir föstudeginum. Afturelding er afburðarlið í Lengjudeildinni og er á Bestu-deildar kaliberi."

„Það hefur gerst einu sinni að lið úr næstefstu deild hefur unnið bikarinn, það var 1971 (Víkingur). Átján árum áður en ég fæddist. Það segir sig sjálft á hverjum pressan er fyrir þennan leik," sagði Magnús Már Einarsson, þjálfari Aftureldingar, í viðtali í vikunni.

Í liði Aftureldingar vantar einn þeirra hættulegasta mann, Elmar Kára Enesson Cogic, sem hefur verið mikið frá vegna meiðsla á tímabilinu.

Búist er við að Höskuldur Gunnlaugsson snúi aftur í lið Breiðabliks á kostnað Gabríels Snæs Hallssonar. Höskuldur hefur verið að glíma við krónísk bakmeiðsli síðastliðið ár og hefur því aðeins byrjað ellefu leiki í Bestu deildinni hingað til.

Ívar Orri Kristjánsson mun dæma úrslitaleikinn. Birkir Sigurðarson og Gylfi Már Sigurðsson verða aðstoðardómarar á úrslitaleik karla, varadómari er Gunnar Oddur Hafliðason, varaaðstoðardómari er Guðmundur Ingi Bjarnason, eftirlitsmaður dómara Oddur Helgi Guðmundsson og eftirlitsmaður leiks er Haraldur V. Haraldsson.

Afturelding og Breiðablik mætast í úrslitaleik Mjólkurbikarsins á Laugardalsvelli. Þó Afturelding sé deild neðar eru margir sem hafa tröllatrú á að liðið hampi bikarnum.

Í skoðanakönnun sem var á forsíðu spá 65% því að Afturelding hampi bikarnum en 35% því að Breiðablik vinni.

Breiðablik er án sigurs í sex leikjum í Bestu deildinni, vann síðast í júlí, og hefur hlotið mikla gagnrýni fyrir spilamennsku sína. Afturelding vann Lengjudeildina en eru Mosfellingar virkilega sigurstranglegri fyrir þennan leik?


Ekki ef rýnt er í veðbanka. Epicbet er með stuðulinn 3,05 á að Afturelding vinni í venjulegum leiktíma. 2,18 er á að Breiðablik vinni í venjulegum leiktíma en 3,78 á að farið verði í framlengingu.

Þá er stuðullinn 2,40 á að Afturelding muni hampa bikarnum en 1,60 á að Breiðablik standi uppi sem sigurvegari.

„Það er engin værukærð eða vanmat hjá okkur. Við erum mjög hungraðir í þennan bikar, peppaðir og spenntir fyrir föstudeginum. Afturelding er afburðarlið í Lengjudeildinni og er á Bestu-deildar kaliberi," sagði Höskuldur Gunnlaugsson, fyrirliði Breiðabliks, í viðtali í gær.

„Við komum með mikið sjálfstraust inn í leikinn og höfum mikla trú á því sem við erum að gera. Þetta verður hörkuleikur, Blikar eru með gott lið, góðan þjálfara og góða leikmenn," sagði Magnús Már Einarsson, þjálfari Aftureldingar.


Leið liðanna í úrslitaleikinn:

Afturelding
32 liða úrslit - Afturelding - Ýmir 6-1
16 liða úrslit - Afturelding - Njarðvík 5-2
8 liða úrslit - Afturelding - Stjarnan 3-1
Undanúrslit - Fylkir - Afturelding 1-1, 3-4 eftir vítaspyrnukeppni

Breiðablik
32 liða úrslit - Kormákur/Hvöt - Breiðablik 1-6
16 liða úrslit - Þróttur R. - Breiðablik 1-2
8 liða úrslit - Ægir - Breiðablik 0-3
Undanúrslit - Breiðablik - Víkingur R. 3-0