Pétur Guðmundsson flautar til leiksloka. Öruggur 4-1 Víkinga staðreynd og deildin farin að líta ágætlega út fyrir Víkinga, með 9 stiga forystu á toppnum. Viðtöl og skýrsla koma inn seinna í kvöld, ég þakka fyrir mig.

Valdimar þræðir boltanum inn á Hrannar en fyrirgjöf hans yfir markið.

Marin með hörkuskot í þverslánna af stuttu færi. Hefði getað minnkað muninn enn frekar.

Helgi hálf eigingjarn þarna. Með boltann inn í teig með tvo Víkinga í kringum sig til þess að gefa á en hann lætur vaða, beint á Ásgeir sem ver vel. Stígur ósáttur að fá ekki boltann til þess að fullkomna þrennuna.

Gestirnir sparka í hvorn annan þegar þeir reyndu að hreinsa frá en hornspyrna heimamanna er afraksturinn.

Daníel tapar boltanum á stórhættulegum stað og Sindri stelur honum. Aron veður út úr markinu og gerir frábærlega, truflar Sindra og hægir á sókninni sem rennur út í sandinn.

Víkingar vinna hornspyrnu. Spyrnan föst á fjærsvæðið ætluð Karli Friðleifi en gestirnir skalla frá.

Áfram tengja Stígur og Valdimar.

Stígur gerir vel við teiginn, kemur boltanum svo á Valdimar sem ætlar að vippa boltanum inn fyrir á Stíg sem er í rangstöðu og aukaspyrna dæmd.

Víkingar fá horn. Helgi Guðjóns með sendinguna inn á nærsvæðið en Keflavík kemur boltanum frá og keyra fram en skyndisóknin nær engu flugi.

Keflavík í sjaldgæfri sókn en boltinn endar í fanginu á Aron Snæ.

Engu bætt við og Pétur flautar til hálfleiks. Víkingar fara með 3-0 forystu inn til búningsherbergja og mörkin hefðu getað orðið fleiri. Keflavík hefur ekki séð til sólar í þessum fyrri hálfleik.

Tökum okkur korter.

Víkingar gera mjög vel í uppspilinu og byrja skothríð í átt að marki. Stígur skýtur svo á endanum framhjá og markspyrna niðurstaðan.

Það hefur eitthvað hægst á leiknum eftir þriðja markið.

Loftgæðin í fréttamannaboxinu eru ekki alveg eins og maður vill hafa þau. Úti eru þau þó skárri.

Helgi með fyrirgjöf úr aukaspyrnu. Keflvíkingar ná haus í boltann og boltinn í innkast sem Víkingar eiga.

Daníel reynir skotið frá miðjuhringnum eftir misheppnaða sendingu Keflvíking en boltinn alltaf á leiðinni yfir.

Keflavík fær aukaspyrnu nálægt hornfánanum. Oliver Ekroth skallar frá. Sindri Snær reynir svo skot en skotið víðsfjarri markinu.

Víkingar fá annað horn eftir fyrra hornið. Þar rís Aron Elís manna hæst og skallar að marki en Keflvíkingar verja á línu.

Það liggur mark í loftinu.

Daníel Hafsteinsson með skotið lengst utan af velli og Ásgeir Orri þarf að hafa sig allan við og slær boltanum yfir markið.

Algjör negla.

Víkingar hafa verið miklu sterkari aðilinn þessar fyrstu 10 mínútur en Keflvíkingar hafa fengið sínar stöður, sérstaklega í skyndisóknum.

Daníel Hafsteinsson með frábæra fyrirgjöf á kollinn á Róbert Orra sem á skallann hátt yfir markið. Þarna var tækifæri.

Víkingar fá aukaspyrnu á hættulegum stað.

Frábær sending yfir á Valdimar sem gefur hann í fyrsta inn á teiginn þar sem Ármann tekur við honum. Móttakan svíkur hann sem nær ekki nema máttlausu skoti á markið.

Stefan Ljubicic sækir hratt en nær ekki að leika á Oliver Ekroth og Aron Snær hirðir knöttinn.

Karl Friðleifur fær mikið pláss og keyrir upp völlinn. Rennir svo boltanum á Valdimar sem kemur með ónákvæma fyrirgjöf yfir allan pakkann.

Daníel Hafsteinsson sparkar þessu af stað!

Vegna elds í toppstöðinni í Elliðaárdal er örlítill reykur yfir svæðinu og loftgæðin hafa verið betri. En við látum það ekki stoppa okkur hér.

Meiðsli Gylfa Þórs Sigurðssonar hafa líklega verið alvarlegri en Sölvi gerði ráð fyrir en hann er ekki í hóp í dag. Í stað hans kemur Sveinn Margeir Hauksson.

Haraldur Freyr gerir tvær breytingar á byrjunarliði sínu frá leiknum gegn Val. Elvis Bwomono og Mate Simicic koma inn í byrjunarliðið í stað Axels Inga Jóhannessonar og Eiðs Orra Ragnarssonar.

Gylfi Þór Sigurðsson, leikmaður Víkings, fór meiddur af velli í hálfleik gegn Fram en Sölvi segir að einungis hafi verið um stífleika að ræða.

"Hann stífnaði í vöðva, engin meiðsli þannig séð."

Brynjar Bergsson leikmaður Selfossar spáir í leiki umferðarinnar. Hann spáir þægilegum 2-0 Víkingssigri í kvöld þar sem Hrannar Snær Magnússon skorar tvennu.

"Baxterinn farinn frá Keflavík og mér finnst lítið til þessa liðs koma þegar Baxterinn er farinn. Hrannar skorar bæði mörkin, en hann þróaði leik sinn á Selfossi."

Víkingar hafa unnið báða leikina gegn Keflavík í sumar. 3-1 útisigur í 5. umferðinni og svo 5-1 heimasigur í 16. umferðinni. Leikirnir hafa verið stútfullir af mörkum svo ég býst við skemmtilegum leik í kvöld!

Samanlagt hafa leikirnir farið 8-2 fyrir Víkingi en í leikjunum tveimur hafa verið 10 mismunandi markaskorarar.

Sjáðu allt það helsta úr leikjunum.

Það er yfir höfuð magnað afrek að Keflavík endi í efri hlutanum í Bestu deildinni, lið sem endaði í neðsta umspilssæti Lengjudeildarinnar á síðustu leiktíð á markatölu.

Keflvíkingar enduðu í 6. sæti deildarinnar fyrir skiptingu með 28 stig, eins og Stjarnan sem var með verri markatölu og enduðu í neðri hlutanum. Í síðustu fimm hafa Keflvíkingar unnið tvo og tapað þremur, en núna þegar efri hlutinn er tryggður, eru þeir ekki að spila upp á neitt annað en sæti í deildinni og svo auðvitað heiðurinn. Með sigri í kvöld komast Keflvíkingar upp í fjórða sætið en Breiðablik á þó leik inni.

Það hefur hægst á stigasöfnun Víkinga undanfarnar vikur. Í síðustu sex hafa Víkingar unnið tvo og gert fjögur jafntefli. Evrópuleikirnir eiga líklega einhvern þátt í því. Í síðustu tveimur umferðum fyrir skiptingu skildu Víkingar jafnir við Fram og KR sem eiga enn raunhæfan möguleika á titlinum.

Þrátt fyrir höktið í Íslandsmeisturunum eru Víkingar í góðri stöðu á toppnum með 53 stig. Víkingar eru með 6 stiga forystu og leik inni á KR, og með 8 stiga forystu á Fram í þriðja sæti.

Pétur Guðmundsson verður með flautuna í kvöld. Birkir Sigurðarson og Eysteinn Hrafnkelsson verða með flöggin á meðan Arnar Þór Stefánsson verður á milli varamannabekkjanna. Dómaraeftirlitsmaður leiksins verður Jón Magnús Guðjónsson.

Leikurinn er hluti af fyrstu umferð Bestu deildarinnar eftir skiptingu. Umferðin hófst í gær með fjórum leikjum og henni lýkur á morgun með leik Fram og Breiðabliks í efri hlutanum.
Umferðin:
Í gær
Stjarnan 2-0 ÍBV
FH 3-0 KA
Valur 4-1 Þór
KR 5-1 ÍA
Í dag
Víkingur - Keflavík (19:15)
Á morgun
Fram - Breiðablik (19:15)

Góða kvöldið kæru lesendur og verið velkomnir í þessa þráðbeinu textalýsingu úr Fossvoginum þar sem Víkingur tekur á móti Keflavík. Flautað verður til leiks á slaginu 19:15.