Serbinn flautar til leiksloka hér. 1-1 jafntefli niðurstaðan í mjög slökum leik. Viðtöl koma inn seinna í kvöld.
Ég þakka fyrir mig.

Sendingin inn í teiginn á Orra sem nær kraftlitlum skalla á markið.

Líklega síðasta tækifæri leiksins.

Ísland liggur á gestunum í augnablikinu. Fáum við sigurmark?

Sending inn í teiginn sem Ísak leyfir að fara. Kristall bíður fyrir aftan hann og skýtur á markið en enn og aftur ver Karl Hein.

Logi Tómasson með fínasta skot sem Karl blakar yfir þverslánna. Ísland fær horn en ekkert kemur úr því.

Arnór með skot en beint á Karl sem ver örugglega.

Brotið á Arnóri inn í teig og Ísland kallar eftir víti en Serbinn segir nei. Gylfi með skotið í kjölfarið en það er af varnarmanni og endar í hornspyrnu.

Guðlaugur Victor með skalla yfir markið úr horninu.

Karel Mustmaa með skot en Hákon ver.

Vel unnið til baka hjá Daníel sem tæklar Mattias í skyndisókn. Ísland fær horn í kjölfarið.

Karl kýlir boltann frá og sóknin heldur áfram en rennur á endanum út í sandinn.

Flott samspil hjá Ísaki Snæ og Andra Lucasi en sending Andra fyrir markið ætluð Hákoni er hreinsuð í horn.

Orri á skallan yfir markið í horninu.

Daníel Leó kominn með höfuðband eftir að hafa reynt að dekka Paskotsi. Hefur fengið eitthvað högg. Leikurinn farinn af stað aftur.

Fyrirgjöfin frá Jóni á hættulegan stað í teignum en rangstaða dæmd.

Daníel Leó vinnur aukaspyrnu á hættulegum fyrirgjafastað.

Ísak Bergmann og Jón Dagur yfir boltanum.

Orri Steinn með lúmska sendingu inn í teiginn á Andra sem nær ekki að taka boltann með sér.

Andri Lucas með sendingu fyrir markið en skot Ísaks Snæs í varnarmann og í innkast.

Jón Dagur með skot úr aukaspyrnu af tiltölulega löngu færi. Karl er á tánum og ver örugglega.

Ísak Snær Þorvaldsson sparkar Eista niður innan teigs. Óheppni en klárt víti.

Rasmus Peetson með pláss á kantinum og sendir inn í teiginn. Þar nær Eisti föstu skoti á markið en Hákon ver í horn. Alvöru markvarsla.

Fínasta spil hjá Íslandi en skot Orra endar í innkasti.

Ísak Bergmann með sendinguna á Mikael Egil sem kemur sér í fína stöðu en sendingin fyrir markið yfir allann pakkann.

Ísak Bergmann sparkar síðari hálfleik af stað.

Með bolta
Ísland 58% - 42% Eistland
Skot
Ísland 6 - 3 Eistland
Sendingar
Ísland 274 - 192 Eistland
Hornspyrnur
Ísland 3-1 Eistland

Ísland mætti Aserbaídsjan fyrir rúmu ári síðan í undankeppni HM. Leikar enduðu með 5-0 sigri Íslands en fyrsta mark liðsins kom undir lok fyrri hálfleiks, rétt eins og í dag.

Spurning hvort að íslenska liðið endurtaki leikinn aftur í dag og skori fjögur í síðari hálfleik.

Þess má geta að Aserbaídsjan er í 126. sæti á heimslista FIFA en Eistland er sæti neðar, í 127. sæti.

Serbinn flautar til hálfleiks hér. Ísland búið að vera miklu sterkari aðilinn í þessum fyrri hálfleik. Eistarnir hafa fengið eitt dauðafæri en ekki meira en það. Tökum okkur korter.

Rasmus Peetson með langt innkast inn í teiginn en innkastið dæmt af honum.

Kominn langt inn á völlinn þegar hann kastaði loksins boltanum.

Ísak Snær með hættulega fyrirgjöf inn í teiginn. Andri Lucas rétt missir af boltanum.

Daníel Leó með fína skiptingu á Jón Dag sem nær ekki að taka boltann með sér.

Orri reynir bakfallsspyrnu eftir sendingu Jóns Dags en hann hittir boltann illa.

Eistarnir spila vel sín á milli og allt í einu er Kevor Palumets kominn einn í gegn en Hákon ver meistaralega frá honum.

Besta færi leiksins.

Maksim Paskotsi skallar í horn. Hornið aftur tekið hratt. Hákon með nóg af plássi fyrir utan teig og lætur vaða. Skotið fast en beint á Karl sem ver örugglega.

Albert kallaði samstundis eftir aðhlynningu í kjölfar samstuðsins, skelfileg tíðindi fyrir Ísland.

Hákon vinnur hornspyrnu. Hún er tekin hratt og stutt. Boltinn berst á Mikael sem reynir skotið fyrir utan teig en skotið í fyrsta varnarmann Eista.

Orri Steinn í hlaupinu eftir frábæra sendingu inn fyrir hjá Hákoni. Orri reynir sendinguna fyrir markið á Ísak Snæ en sendingin of aftarlega.

Nú ratar fyrirgjöf Jóns Daða beint á Karl. Ísland verður að skerpa upp á þessar fyrirgjafir.

Albert í hörðu samstuði við Eista og hann liggur eftir og kallar strax á teymið. Hann lenti ansi harkalega.

Þjálfarar ræða við liðin á meðan Albert fær aðhlyninngu.

Andri með sendinguna fyrir markið en beint á Karl Hein sem grípur knöttinn örugglega.

Mikael Egill með sendinguna á Albert sem er í hlaupinu en hún er of föst og Eistar fá markspyrnu.

Ísland búið að vera töluvert sterkari aðilinn þessar fyrstu 20 mínútur. Eistarnir hafa komist í eitt hálffæri en ekki meira en það.

Mikael Egill vinnur aukaspyrnu á fyrirgjafastað.

Ísak Bergmann með spyrnuna sem ratar á kollinn á Orra sem skallar upp í loftið. Sóknin rennur að lokum út í sandinn án almennilegs færis.

Jón Dagur með lúmska fyrirgjöf inn í teiginn en Eistar hreinsa í horn.

Karl grípur boltann úr horninu í annarri tilraun.

Hákon reynir sendinguna inn fyrir á Orra en sendingin örlítið of föst og Karl í markinu á undan Orra í boltann.

Fínasta hugmynd.

Orri tekur boltann í fyrsta inn í teig með hælnum á Hákon sem kemur honum á Albert en skot hans fer aftur fyrir endamörk.

Skemmtileg sókn.

Markus Poom með skot af löngu færi en það er víðsfjarri markinu.

Jón Dagur gerir mjög vel á kantinum og kemur sér upp að hornfána. Sendir svo fyrir markið þar sem Andri Lucas lúrir á nærsvæðinu en skotið í hliðarnetið.

Fínasta byrjun á þessum leik.

Markus Poom kemur leiknum í gang.

Stúkan tekur undir. Þetta fer að bresta á!

Fáum að heyra þjóðsöng Eista.

KSÍ, Blindrafélagið og Samtök íþróttafréttamanna standa fyrir lýsingu á leiknum. Til að hlusta á sjónlýsingu á heimaleikjum A landsliða Íslands þarf að sækja appið Raydio - Audio Inklusion

Hér má finna lýsinguna og nánari upplýsingar

Arnar Gunnlaugsson landsliðsþjálfari opinberað byrjunarlið sitt og er ein breyting frá líklegu byrjunarliði sem Fótbolti.net setti saman í gær.

Hákon Rafn Valdimarsson er á milli stanganna í fjarveru Elías Rafns Ólafssonar sem dró sig úr landsliðshópnum vegna meiðsla.

Þá byrjar Stefán Teitur Þórðarson í hafsentinum en við hlið hans er Daníel Leó Grétarsson. Mikael Egill Ellertsson byrjar í vinstri bakverði og hægra megin er Guðlaugur Victor Pálsson.

Á miðjunni eru Hákon Arnar Haraldsson og Ísak Bergmann Jóhannesson.

Albert Guðmundsson og Jón Dagur Þorsteinsson eru á sitthvorum köntunum og leiða Andri Lucas Guðjohnsen og Orri Steinn Óskarsson línuna.

Fótbolti.net hefur sett saman líklegt byrjunarlið Íslands gegn Eistlandi en einnig draumabyrjunarlið.

„Við erum mikið ofar á FIFA listanum og okkur ber skylda til að taka leikinn til þeirra, halda háu orkustigi. Aserbaísjan er einu sæti neðar en Eistland svo fólk getur kannski haft smá hugmyndir um það hvernig leikurinn mun þróast," sagði Arnar.

„Hann er að koma inn með mikla reynslu og þekkingu. Hann er einn af þeim leikmönnum sem eru með stórmótareynslu. Þetta verður erfiður gluggi. Hann hefur verið leiðtogi hópsins í mörg ár. Hann þarf ekki fyrirliðabandið til að vera hluti af leiðtogahópnum," sagði Arnar Gunnlaugsson um Aron Einar Gunnarsson en Þjóðadeildin verður hans síðasta keppni fyrir landsliðið.

„Þegar ég er spurður spurninga þá vil ég tjá mig af hreinskilni og ég fagna því að leikmenn geti tjáð sig. Ég styð þá í því að tjá sig. Mér fannst það flott hjá honum að tjá sig og vera ekkert að fela sig með það," sagði Arnar Gunnlaugsson um Albert Guðmundsson sem tjáði sig um samband sitt við Arnar Þór Viðarsson, fyrrverandi landsliðsþjálfara.

Formaður Tólfunnar hvetur þjóðina að fjölmenna á völlinn í pistli sem birtur var á Facebook-síðu Tólfunnar.

Deildunum í Þjóðadeildinni verður fækkað úr fjórum í þremur frá og með 2028. Nýtt fyrirkomulag verður tekið í notkun sem líkist Meistaradeildarfyrirkomulaginu svo þú ert ekki að mæta sömu þjóð heima og úti.

Til að vera öruggt með að komast upp í B-deildina og forðast það að leika í neðstu deild í næstu útgáfu verður íslenska liðið því að vinna riðilinn sem það er að fara í núna.

Ef annað sætið verður niðurstaðan mun Ísland fara í umspil gegn liði úr B-deild um hvort liðið verði í B-deildinni.

„Nei, ég held að það sé okkur að kenna. Við höfum ekki unnið nægilega marga leiki og veðrið er kannski ekki frábært. Á meðan við vinnum ekki leiki og veðrið er ekki betra þá getum við bara sjálfum okkur um kennt,“ segir Jón Dagur Þorsteinsson um dræma miðasölu.

„Auðvitað ætlum við að vinna þennan riðil en það er rosalega auðvelt að standa hérna og segja það. Við höfum tapað áður fyrir Lúxemborg, það er ekki eins og við séum að fara labba yfir þessi lið. Við þurfum að hafa fyrir því og sýna alvöru frammistöðu í þessum leikjum til þess að ná í sigur,“ segir Stefán Teitur Þórðarson.

Aron Einar Gunnarsson tilkynnti í vikunni að Þjóðadeildin verði hans síðasta keppni með íslenska landsliðinu. Aron Einar var fyrirliði liðsins til fjölda ára og er næst leikjahæsti leikmaður í sögu landsliðsins, þremur leikjum á eftir Birki Bjarnasyni.

Guðlaugur segir það verða mikla eftirsjá að Aroni. „Maður gæti ekki hrósað honum nóg fyrir hvað hann hefur lagt í allt þegar kemur að íslenska landsliðinu – hvernig hann er búinn að fórna sér fyrir land og þjóð. Hann er rosalega mikilvægur innan sem utan vallar. Hans verður sárt saknað,“ segir Guðlaugur Victor Pálsson.

„Spennandi. Þetta er langt og mikið ferðalag en við þurfum að gera þetta vel. Það hefur væntanlega verið stillt upp góðu prógrammi, hvernig menn æfa og hvernig er með hvíld og annað. Það verður bara gaman að spila svona marga leiki á stuttum tíma," segir markvörðurinn Hákon Rafn Valdimarsson um gluggan.

„Við erum hæstir á heimslistanum af liðum riðilsins. Við verðum að sýna það að við eigum heima ofar. Taflan lýgur ekkert og við þurfum að fá úrslitin," segir Daníel Leó Grétarsson, varnarmaður Íslands.

Það er óvanalegt að hafa svona langan glugga en Kristall Máni Ingason, sem kemur fullur sjálfstrausts í þennan leik eftir gott gengi með félagsliði sínu Brann í Noregi, er fullur eftirvæntingar.

„Ég hef yfir engu að kvarta, að fá að vera með strákunum yfir svona langan tíma. Þetta er smá ferðalag og við getum dílað við það, við erum að fljúga í alla leiki með okkar félagsliðum. Þetta er ekki eitthvað sem við könnumst ekki við."

„Menn þurfa að vera faglegir og hugsa um sig á milli leikja. Vera klárir í hvern einasta leik og hverja einustu æfingu."

„Ég myndi segja það. Við erum með sterkt lið og eigum að gera þá kröfu að vinna þetta lið og skapa stemningu á vellinum. Ég hvet alla til að mæta, við ætlum að búa til stemningu."

Serbneskir dómarar sjá um að dæma leikinn. Aðaldómarinn heitir Milos Milanovic og er fæddur 1993. Hann hefur dæmt leiki í efstu deild í Serbíu síðan 2022.

Milan Pasajlic og Svetozar Zivin verða aðstoðardómarar á leiknum og Milan Ilic fjórði dómari. VAR myndbandsdómari er Aleksandar Zivkovic og VAR aðstoðardómari Pavle Tomic.

Ísland tekur á móti Eistlandi á Laugardalsvelli klukkan 16 en þá hefja strákarnir okkar leik í C-deild Þjóðadeildarinnar.

Svo koma leikir gegn Lúxemborg úti og Búlgaríu heima. Glugganum lýkur á öðrum leik við Eistland, þá á útivelli.

Ísland er í 74. sæti á styrkleikalista FIFA en Eistland í 127. sæti.