Íslenska liðið svo miklu miklu betra en það færeyska í kvöld og eiginlega furðulegt að sigurinn hafi ekki verið stærri. 16-4 í marktilraunum þegar tölfræðin er skoðuð.

En umspilið er (Staðfest)! Fögnum því. Hrós á liðið hvernig það kláraði þennan riðil eftir bratta byrjun.

Frakkland vann Sviss 7-1.

Hilmir Rafn Mikaelsson kemst í rosalega gott færi en á mjög lélegt og laflaust skot beint á markvörð heimamanna. Viktor Bjarki ósáttur við að fá ekki sendinguna.

Höfum siglt inn í uppbótartímann...

Meðan leikurinn er að renna sitt skeið þá má minna á nokkra punkta.

- Ísland tryggir sér annað sætið í riðlinum og fer í umspil.
- Dregið verður á föstudag hver mótherjinn verður.
- Umspilið verður í nóvember, leikið heima og að heiman.
- Sigurliðið í einvíginu fer í lokakeppni EM sem verður á næsta ári í Albaníu og Serbíu.

Jæja leikurinn er aftur kominn í gang. Væri hressandi að slútta þessum leik með einu íslensku marki í lokin...

Meðan leikurinn er stopp þá má alveg eyða nokkrum orðum í Þórsvöll, og að Færeyjar eru með flottari þjóðarleikvang en Ísland. Flottur lítill leikvangur þar sem er stúka fyrir aftan annað markið og báðir endar lokaðir.

Lúkas Petersson markvörður liggur eftir, lenti í samstuði við Bartal Pál Klein í baráttu um boltann. Lúkas fær aðhlynningu og leikurinn stopp.

Heini Sörensen með skot af löngu færi en vel yfir markið. Sjaldgæf marktilraun hjá Færeyjum hinsvegar.

Seinni hálfleikurinn alls ekki verið mesta skemmtunin. Ísland með tökin og hefur stigið af bensíngjöfinni. Það er um stundarfjórðungur þar til sæti Íslands í umspilinu verður staðfest.

A-landsliðið er að fara að mæta Eistlandi í leik sem hefst klukkan 18:45. Toppslagur í C-deild Þjóðadeildarinnar.

Hér má nálgast beina textalýsingu beint frá Tallinn

Alvöru hrun hjá Sviss í lok þessa riðils!

Eggert Aron gerir vel og Hlynur Freyr Karlsson á svo skot fyrir utan teig en boltinn beint á Hans Jákup í marki heimamanna.

Það segir alla söguna. Við höfum verið með þennan leik í teskeið. Leikurinn hefur hinsvegar hægst aðeins. Lítið tempó í þessu. Spurning hvort við förum að fá inn ferska fætur af bekknum bráðlega...

Allt með nokkuð kyrrjum kjörum í leiknum en það dró hinsvegar til tíðinda áðan þegar Heini Sörensen átti fyrstu marktilraun heimamanna í Færeyjum!

Frakkarnir eru að leika sér að Svissurunum.

Rétt framhjá.

Engar breytingar í hálfleik.

Frakkar 3-0 yfir gegn Svisslendingum svo það þarf eitthvað yfirnáttúrulegt að gerast til að strákarnir okkar tryggi sér ekki umspilssæti. Rosalegir yfirburðir íslenska liðsins í þessum fyrri hálfleik í Þórshöfn.

Síðustu mínútur hafa verið frekar rólegar. Tölfræðin í leiknum hingað til:

Marktilraunir: 0-8
Skot á mark: 0-6
Hornspyrnur: 0-4

Væri alveg til í að sjá þriðja mark Íslands detta inn fyrir hálfleikinn. Yfirburðir okkar úti á vellinum hafa verið það miklir að við eigum að vera búnir að ná inn þriðja markinu.

Tel með annað mark sitt. Allt eins og það á að vera í Frakklandi.

Þarna munaði litlu að þriðja markið kæmi, Daníel Tristan rennir boltanum út á Daníel Frey í teignum en Daníel Freyr skýtur yfir markið.

Galdur með hættulega skottilraun en í varnarmann.

Óvænt heimsókn fótboltans í vítateig Íslands! Engin hætta á ferðum þó en Lúkas Petersson handsamar knöttinn.

Daníel Freyr Kristjánsson með flotta skottilraun af löngu færi. Hans Jákup ver í hornspyrnu. Einstefna íslenska liðsins heldur áfram.

Kjartan Már með öflugt hlaup með boltann og fer með hann að vítateignum, sendir á Amin Cosic vinstra megin og fyrirgjöf hans fer af varnarmanni og í hornspyrnu.

Hættuleg hornspyrna sem fer á Daníel Tristan við fjærstöngina, hann kemur boltanum fyrir og á endanum á Davíð Helgi Aronsson skalla í stöngina.

Eigum þennan leik með húð og hári, væri alveg til í að sjá 'Possession' tölfræðina. Færeyska liðið ekkert náð að ógna íslenska markinu.

Ísland 2-0 yfir og Frakkland 2-0 yfir. Allt útlit fyrir að Ísland muni ná öðru sæti riðilsins og komast í umspilið. Umspilsleikirnir verða spilaðir í næsta mánuði en eins og áður hefur komið fram verður dregið á föstudaginn. Leikið heima og að heima, sigurliðið kemst í lokakeppnina á næsta ári.

Ljómandi gott... virðumst ekki þurfa að hafa nokkrar áhyggjur af hinum leiknum.

Einstefna hjá íslenska liðinu en komnar nokkrar mínútur síðan það náði að ógna markinu.

Frakkland 1-0 Sviss. Tel var að koma Frökkum yfir. Frábærar fréttir... en við verðum auðvitað fyrst og fremst að byrja á því að klára sigur í okkar leik.

Íslenska liðið ógnar mikið hér í byrjun leiks. Benoný Breki fékk stórhættulega sendingu en Hans Jákup vel á verði og mættur vel út úr markinu. Yfirvinna á markvörð færeyska liðsins.

Eftir frábært spil íslenska liðsins kemur fyrirgjöf á Daníel Tristan í teignum en frábærlega lokað hjá Hans Jákup í marki heimamanna! Þarna átti Daníel að skora.

Færeyingar með fyrirgjöf sem Hlynur Freyr skallar í burtu og í kjölfarið er dæmd aukaspyrna á heimamenn.

Ísland fer upp í sókn hinumegin. Amin Cosic ógnar uppi vinstra megin og á fyrirgjöf á pönnuna á Daníel Tristan, hann á skalla sem Hans Jákup markvörður Færeyinga blakar yfir í hornspyrnu. Ekkert verður úr horninu.

Íslenska liðið í bláum treyjum, hvítum stuttbuxum og bláum sokkum. Íslenska liðið sækir í átt að hafnarsvæðinu í Þórshöfn í fyrri hálfleik. Færeyska liðið átti upphafsspyrnuna.

Ef við komumst í umspilið góða um sæti á HM þá fylgjumst við vel með á föstudaginn en þá verður dregið í höfuðstöðvum UEFA í Sviss. Lokamót EM U21 á næsta ári verður haldið í Albaníu og Serbíu og þar viljum við svo sannarlega vera.

Verið að spila þjóðsöngvana. Fámennt í stúkunni á hinum glæsilega og stórskemmtilega Þórsvelli, enda hefur færeyska liðið ekki að neinu að keppa. Strákarnir okkar þurfa hinsvegar á sigri að halda, og treysta á að Frakkar tapi ekki gegn Sviss.

Við eigum harma að hefna gegn Færeyjum enda töpuðum við fyrir þeim á Þróttarvelli 1-2 í september á síðasta ári.

Leikurinn er sýndur beint á Sýn Sport 2. Rikki Gje við hljóðnemann. Færeysku sjónvarpsmennirnir aðeins sofandi og á skilti með byrjunarliðunum stendur 'Meistaradeildin kvinnur'. Eitthvað gleymst að breyta gömlu skilti.

Okkar uppáhalds leikmaður í færeyska liðinu hlýtur að vera Jógvan Gullfoss sem spilar fyrir B36 í Þórshöfn. Hann er allavega með besta nafnið, blanda af því besta frá báðum löndum.


Byrjunarlið Færeyja:
1. Hans Jákup Armgrímsson (m)
2. Bjarti Thorleifsson
3. Ingi Arngrímsson
5. Jákup Vilhemsen
9. Heini Sörensen
14. Jógvan Gullfoss
15. Árni Nóa Atlason
17. Ejvind Mouritsen
6. Arnór Brandsson
10. Dávid Reynheim
13. Jósef Ólavsson

Byrjunarlið Íslands:
1. Lúkas Petersson (m)
2. Daníel Freyr Kristjánsson
3. Júlíus Mar Júlíusson
5. Hlynur Freyr Karlsson
9. Daníel Tristan Guðjohnsen
10. Eggert Aron Guðmundsson (f)
15. Amin Cosic
18. Kjartan Már Kjartansson
22. Benoný Breki Andrésson
4. Davíð Helgi Aronsson
8. Galdur Guðmundsson

Frakkland og Sviss mætast á sama tíma og þar þurfum við að halda með því að Frakkar vinni EKKI. Ef þau úrslit fara eftir bókinni þá er Ísland öruggt með umspilssæti með sigri í Þórshöfn.

Við munum í þessari textalýsingu auðvitað fylgjast líka með gangi mála í Frakklandi.

Ólafur Kristjánsson og Lúðvík Gunnarsson hafa stýrt U21 landsliðinu í síðustu leikjum eftir að Ólafur Ingi Skúlason hætti til að taka við Breiðabliki.

Ólafur er þó aðstoðarþjálfari kvennalandsliðsins líka og þar er framundan mikilvægt verkefni gegn Króatíu í umspili fyrir HM. Ólafur fór því ekki með til Færeyja.

Það er miðvarðakrísa í íslenska A-landsliðinu en í U21 landsliðinu er að koma upp spennandi miðvarðapar, tveir leikmenn sem hafa tekið stór skref á skömmum tíma.

Davíð Helgi Aronsson og Júlíus Mar Júlíusson spiluðu saman með U21-landsliðinu bæði gegn Frakklandi og Sviss og gætu verið tveir af þeim leikmönnum sem Arnar Gunnlaugsson þarf að fylgjast sérstaklega með á næstu vikum og mánuðum.

Aðeins tveir leikmenn hafa skorað fleiri mörk en Daníel Tristan Guðjohnsen í undankeppninni fyrir Evrópumót U21 landsliða 2027.

Daníel Tristan er búinn að gera sér lítið fyrir og skora sex mörk í fjórum leikjum.

Þrjú af þessum mörkum hafa komið í tveimur leikjum í yfirstandandi verkefni; eitt mark beint úr aukaspyrnu gegn Frakklandi og svo tvö gegn Sviss.

Ísland vann frábæran 5-1 sigur gegn Sviss í síðasta leik. Hér má sjá viðtöl sem Baldvin Borgarsson tók eftir þann leik.

Leikurinn fer fram á Þórsvelli í Gundadal í Þórshöfn, þjóðarleikvangi Færeyja.

Eins og fjallað hefur verið um í fjölmiðlum hafa flugsamgöngur verið óstabílar til Færeyja vegna veðurskilyrða. Upphaflega átti íslenska liðið að fljúga á sunnudag en fluginu var frestað. Liðið kom loks til Þórshafnar í gær.

Dómari: Matthew De Gabriele MLT
Aðstoðardómari 1: Jurgen Spiteri MLT
Aðstoðardómari 2: Mitchell Scerri MLT
Fjórði dómari: Fyodor Zammit MLT

Framundan hjá U21 landsliðinu er gríðarlega mikilvægur leikur við Færeyja um annað sæti riðilsins í undankeppni EM en hann á að fara fram á morgun. Ísland þarf að vinna Færeyjar og treysta á að Sviss nái ekki að vinna Frakkland í leik sem fram fer á sama tíma.

Gangi það eftir tryggir Ísland sér sæti í umspilið og færist því nær því að komast á Evrópumótið í þriðja sinn í sögunni. Færeyjar eiga ekki lengur möguleika í riðlinum.

- Ef Ísland vinnur sinn leik endar Ísland með 18 stig.
- Ef Sviss vinnur sinn leik gegn Frakklandi endar Sviss með 20 stig og endar í 2. sæti.
- Ef Sviss gerir jafntefli og Ísland vinnur enda bæði lið með 18 stig. Þá endar Ísland í 2. sæti og kemst í umspil því Ísland hafði betur í innbyrðis viðureignum gegn Sviss (sigur og jafntefli).