Þróttarar fara með sigur af hólmi. Virkilega sannfærandi sigur og Breiðablik með titilbaráttuna í sínum höndum.

FH fær horn.

Þær taka þetta stutt og Hildur tekur síðan skot sem fer í varnarmann og afturfyrir.

Ekkert verður úr seinni hornspyrnunni.

Nia skallar boltann í gegn á Sæunni. Hún keyrir af stað og tekur skotið en það er afar slakt og Mollee ver auðveldlega.

Hafrún fær boltann í ágætis stöðu en flaggið fer á loft.

Ingibjörg reynir að þræða Niu í gegn en Mollee rýkur út úr markinu og er fyrri til í boltann.

Björg æðir upp að endamörkum og kemur með fastan bolta fyrir en FH-ingar hreinsa frá.

Ingibjörg er með boltann úti hægra megin. Hún leggur boltann út í teiginn en sendingin ratar ekki á samherja og Þróttarar hreinsa frá.

Helena og Hafrún spila vel sín á milli og Hafrún fær boltann við endamörk. Hún kemur boltanum inn á teiginn en boltinn beint í hendurnar á Mollee.

Thelma kemst upp að endamörkum og kemur með fastan bolta meðfram jörðinni inn á teiginn en Rósey nær að bægja hættunni frá.

Í kjölfarið tekur Deja skot rétt fyrir utan teig sem Mollee blakar yfir markið.

Ekkert verður úr hornspyrnunni.

Gestirnir hefja seinni hálfleik.

Þróttarar leiða með tveimur mörkum í hálfleik.

FH-ingar hafa ógnað marki Þróttar nokkrum sinnum en boltinn vill ekki inn.

Þróttur hefur nýtt sín færi vel og leiðir nokkuð sanngjarnt í hálfleik

Að minnsta kosti ein mínúta í uppbót.

Nia lyftir boltanum í svæðið fyrir Ingibjörgu. Hún leggur boltann út í teiginn á Hrönn sem tekur skotið í fyrsta, en boltinn beint á Mollee í markinu.

Thelma með fallega sendingu í gegn á Niu.

Nia fer inn á hægri löppina og reynir að smella boltanum í samskeytin, en boltinn fer rétt yfir slána

Thelma Lóa skilur Rósey eftir í rykinu og æðir upp vinstri kantinn.

Hún finnur Niu í hlaupinu og Nia reynir að setja boltann á milli fóta Mollee en hún sér við henni.

FH að banka fast um þessar mundir.

Unnur Dóra með skemmtilega tilraun við vítateigshornið en engin alvöru hætta í skotinu og markspyrna niðurstaðan.

Nia kemst inn á vítateig gestanna og finnur Ingibjörgu. Hún nær að hleypa af en skotið yfir markið.

Virkilega furðulegur dómur. Thelma fer fyrst í boltann og tekur síðan Rósey niður.

Maður gat ekki séð betur en að þetta hafi verið fyrir utan teig. Stuðningsmenn FH öskureiðir með dóminn og ég skil það vel.

Þróttarar fá sína fyrstu hornspyrnu.

Sæunn tekur hornið stutt en FH-ingar pressa vel og Þróttur fær innkast.

Helena kemur með stórkostlega sendingu í svæðið fyrir Thelmu sem keyrir af stað.

Hún er aðeins of lengi að athafna sig og Mollee lokar á hana.

Ingibjörg gerir vel og vinnur hornspyrnu fyrir FH.

Andrea kemur með boltann inn á teiginn en Katie Cousins skallar frá. Boltinn dettur fyrir Birnu sem tekur lúmskt skot en það fer rétt framhjá nærstönginni.

Thelma kemst upp að endamörkum og kemur með boltann inn á teiginn en Jelena nær að hreinsa frá.

FH fær aukaspyrnu á fínum stað.

Andrea lyftir boltanum inn á teiginn og Deja nær kröftugum skalla en hún nær ekki að stýra honum á markið.

Þróttur fær fyrstu aukaspyrnu leiksins.

Boltinn kemur inn á teiginn og skoppar til Aldísar sem handsamar boltann.

Cousins gerir vel á miðjunni og lætur síðan vaða en Aldís ver þægilega.

Heimakonur sparka þessu í gang.

Það eru tíu mínútur í að flautað verði til leiks. Liðin halda til búningsherbergja.

FH 2 - 3 Þróttur R.
Get ekki annað en spáð mínum konum í Þrótti sigurinn, FH eru búnar að vera flottar í sumar. Brynjar Sigþórs besti yngriflokkaþjálfari landsins að skila flottum stelpum upp í meistaraflokkinn. Þróttur vinnur 2-3, Sigga og Sierra setja eitt hvor allaveganna.

FH-ingar vilja að trúarleiðtogar fresti messum og öðrum athöfnum til að gera trúræknum stuðningsmönnum kleift að mæta á Kaplakrika án þess að finna til sektarkenndar. Þá vilja þeir að bareigendur loki börunum snemma í kvöld til að forðast að stuðningsmenn mæti alltof ryðgaðir að styðja við FH í fyrramálið.

Það er mikil spenna í toppbaráttu Bestu deildar kvenna þar sem Breiðablik og FH berjast um Íslandsmeistaratitilinn.

FH er í 2. sæti með 43 stig en Breiðablik í 1. sæti með 46 stig. Markatala liðanna er mjög jöfn.

Ef FH mistekst að vinna Þrótt og Breiðablik vinnur Stjörnuna verða Blikar Íslandsmeistarar. Ef bæði lið vinna sína leiki ræðst Íslandsmeistaratitillinn hins vegar í hreinum úrslitaleik þann 23. október, þegar Breiðablik tekur á móti FH.

Þróttur heimsótti Breiðablik í síðustu umferð í ótrúlegum leik. Þróttarar voru þremur mörkum yfir í hálfleik en Blikar sneru leiknum við og unnu ótrúlegan 5-4 sigur. Bríet Fjóla Bjarnadóttir og Sierra Marie Lelii voru báðar tvívegis á skotskónum fyrir Þrótt.

Þróttur er í 6. sæti og neðsta sæti efri hlutans með 26 stig.

FH fékk ÍBV í heimsókn í síðustu umferð. FH vann afar sannfærandi 5-0 sigur. Nia og Helena fóru á kostum í leiknum. Nia skoraði fjögur mörk og Helena lagði upp hvert einasta mark hennar. Helena skoraði einnig mark í leiknum.

FH er í 2. sæti deildarinnar, þremur stigum á eftir Breiðabliki sem er með 46 stig.

Búið er að flýta leik FH og Þróttar í Bestu deild kvenna um þrjár klukkustundir. Leikurinn mun hefjast 11:00 í stað 14:00 á sunnudag.

Arnar Ingi Ingvarsson er aðaldómari í dag. Honum til halds og traust eru Ingibjörg Garðarsdóttir Briem og Ásgeir Viktorsson.

Ásmundur Þór Sveinsson er fjórði dómari og Gunnar Helgason er eftirlitsmaður KSÍ.

Góðan dag lesendur góðir og verið hjartanlega velkomin í þráðbeina textalýsingu frá Kaplakrikavelli.

Í dag tekur FH á móti Þrótti í næst síðasta leik tímabilsins. Leikurinn hefst á slaginu 11:00.