Flugeldar fara á loft um leið og Gunnar flautar til leiksloka.

Stórskemmtilegum fótboltaleik lokið. Breiðablik eru Íslandsmeistarar árið 2026. Til hamingju Kópavogur.

Skýrsla og viðtöl koma detta inn síðar í kvöld, ég þakka fyrir mig.

Helena með skot sem Aldís ver í horn.

Aukaspyrna dæmd á hættulegum stað þegar brotið er á Freyju.

Helena og Hrönn standa yfir boltanum.

FH kallar eftir víti þegar Unnur fellur innan teigs. Gunnar segir nei.

Helena með pláss og keyrir í átt að teignum. En aftur er skotið beint á Herdísi.

Helena með skot af löngu færi sem Herdís grípur.

Blikar koma boltanum í netið eftir barning í teignum en rangstaða dæmd.

Hornspyrnan aðeins of innarlega og endar á þaknetinu.

Agla með hættulegan bolta inn í teig. FH nær á endanum að hreinsa burt. Blikar uppskera svo aðra hornspyrnu í kjölfarið.

Edith í góðri stöðu inn í teig en skotið beint á Aldísi sem ver.

FH í skyndisókn þar sem Hrönn keyrir upp völlinn. Hún er með Niu við hlið sér gegn tveimur grænklæddum. Hrönn köttar inn á völlinn og kemur svo með gott skot í fjærhornið sem Herdís grípur í annarri tilraun.

FH nær enn og aftur ekki að skapa sér neitt úr horninu en þær hafa byrjað síðari hálfleikinn töluvert betur en heimakonur.

Hrönn tekur skotið við D-bogann sem fer af varnarmanni og rétt framhjá markinu.

Nia með hörkuskot sem Herdís nær að slá yfir. Hornspyrna niðurstaðan.

Gestirnir ná ekki að skapa sér neitt úr því né í sókninni á eftir.

Þórdís með skot yfir markið úr horninu og þá blæs Gunnar í flautuna. Blikar hafa verið töluvert sterkari aðilinn í þessum fyrri hálfleik. Hrafnhildur Ása á samt allar sögulínur og það er spurning hvort mörkin verða fleiri frá henni í seinni hálfleik.

Tökum okkur korter.

Sunna með gott skot af löngu færi og Herdís slær boltann í horn.

Úr horninu fá þær annað horn hinum megin frá eftir annað hörkuskot.

Thelma með fast skot í markmannshornið. Herdís ver vel í hornspyrnu.

Það er brotið á Hildi alveg við vítateigslínuna og aukaspyrna dæmd.

Þetta er á stórhættulegum stað.

FH fær horn en engin raunveruleg hætta skapast. Markspyrna niðurstaðan.

Agla hleður í skot af löngu færi en boltinn yfir markið.

Leikurinn hefur róast mikið eftir seinna markið.

Sending inn fyrir á Niu sem er fljótari en Elín í vörninni. Nia er á undan í boltann og ætlaði að pota honum framhjá Herdísi en snertingin er of þung og boltinn fer afturfyrir.

Líf í færi eftir góða fyrirgjöf frá Elísu. En yfir fór boltinn.

Agla og Karitas í góðum færum stuttu eftir markið. Breiðablik gæti hæglega verið komið í tveggja marka forystu.

Herdís með misheppnaða sendingu beint á FH sem getur sótt hratt en sóknin rennur út í sandinn.

FH fær horn en Blikar skalla frá.

Andrea með lúmska sendingu inn í teiginn úr aukaspsyrnu á miðjum vellinum. Nia kemst í boltann en missir hann svo frá sér.

Góð sending inn fyrir á Hrafnhildi sem tekur skotið sem varið er afturfyrir.

Líf í góðu færi inn í teignum eftir hornið. Hún reynir erfitt skot í fyrstu snertingu en skotið framhjá.

Boltinn berst til Aldísar og Líf pressar stíft. Hún nær í annari tilraun að pota í boltann en FH nær valdi á honum aftur.

Blikar færa boltann til baka á Herdísi sem var næstum því búin að missa boltann frá sér. Nia engu frá því að ná boltanum frá Herdísi.

Gerðist eftir svona 7 sekúndur.

Þetta er farið af stað!

Liðin hafa mæst þrisvar á tímabilinu, Blikar hafa unnið tvo, og FH einn. Breiðablik, sem urðu Íslands -og Bikarmeistarar á síðasta tímabili urðu meistarar meistaranna í apríl með 3-1 sigri á FH sem fengu silfur í Bestu deildinni í fyrra.

FH sigraði svo 3-2 hér á Kópavogsvelli í 6. umferð deildarinnar áður en Breiðablik sótti 3-0 útisigur til Hafnarfjarðar í 15. umferð.

FH mistókst að búa til úrslitaleik um titilinn í síðustu umferð þegar þær fengu 4-0 skell á heimavelli gegn bikarmeisturum Þróttar.

Hafnfirðingar hafa skipst á að vinna og tapa eftir skiptingu. Í síðustu umferðunum fyrir skiptingu voru þær heldur ekki sannfærandi en þá sóttu þær fjögur stig í síðustu fjórum leikjunum.

Breiðablik tryggði sér Íslandsmeistaratitilinn með sterkum 1-0 útisigri á Stjörnunni í síðustu umferð. Skjöldurinn fer því á loft eftir leik í kvöld!

Annars hafa Blikar verið gríðarlega sannfærandi í efri hlutanum, þar hafa þær unnið alla leikina eftir að hafa klárað tímabilið fyrir skiptingu illa, með einu stigi í síðustu þremur leikjunum.

Gunnar Oddur Hafliðason verður með flautuna á Kópavogsvelli. Honum til aðstoðar verða þeir Breki Sigurðsson og Mikael Ívan Axelsson. Atli Björn Levy verður á milli skýlanna og Ólafur Ingi Guðmundsson verður dómarareftirlitsmaður kvöldsins.

Deildin klárast í kvöld með þremur leikjum sem allir hefjast klukkan 18:00.

23. október (18:00)
Breiðablik - FH (Kópavogsvöllur)
ÍBV - Stjarnan (Hásteinsvöllur)
Þróttur - Grindavík/Njarðvík (Pepsi - völlurinn)

Komiði sæl og verið velkomin í þessa þráðbeinu textalýsingu frá Kópavogsvelli þar sem verðandi Íslandsmeistarar Breiðablik, taka á móti FH. Flautað verður til leiks á slaginu 18:00.