Lampard ósáttur: Erfitt að halda Meistaradeildarsætinu

Lampard er ekki sáttur með öll ungstirnin sem félagið missti frá sér en Tariq Lamptey til Brighton og Clinton Mola til Stuttgart.

Chelsea er í fjórða sæti ensku úrvalsdeildarinnar sem stendur, sex stigum á undan Manchester United og Tottenham, en eftir þennan janúarglugga telur Lampard sína menn vera lenta undir í baráttunni um Meistaradeildarsæti.

„Staðreyndin er sú að af einhverjum ástæðum þá keyptum við ekki einn einasta leikmann í janúarglugganum. Ef ég skoða stöðuna í kringum okkur í deildinni þá var Man Utd að kaupa leikmann í heimsklassa," sagði Lampard.

„Sheffield United bætti frábærum leikmönnum við sig og Tottenham bætti nokkrum öflugum við hópinn. Það mun vera ansi erfitt fyrir okkur að halda þessu Meistaradeildarsæti."