Malen, Maguire, Rashford, Greenwood, Yoro, Eriksen og fleiri góðir í slúðri dagsins
banner
   lau 01. apríl 2023 08:30
Brynjar Ingi Erluson
Tvær sem komu á Selfoss fóru aftur heim
Mallory Olsson er farin aftur heim til Bandaríkjanna
Mallory Olsson er farin aftur heim til Bandaríkjanna
Mynd: Selfoss
Bandarísku leikmennirnir Mallory Olsson og Amanda Leal munu ekki spila með Selfyssingum í Bestu deildinni í sumar en þetta kemur fram á Sunnlenska.is.

Selfoss kynnti leikmennina fyrr í vetur en Olsson er framherji á meðan Leal spilar sem markvörður.

Þær mættu til landsins í febrúar og að gera sig klára í undirbúningstímabilið en yfirgáfu landið aðeins tveimur vikum síðar.

„Þegar við fáum leikmenn erlendis frá, þá er stundum ekki hægt að fá þá á reynslu. Þar af leiðandi eru fyrstu 2-3 vikurnar oft eins og reynslutímabil og í þessum tilvikum þá gekk þetta ekki upp. Leal óskaði eftir því að losna undan samningi af persónulegum ástæðum og varðandi Olsson þá var komist að samkomulagi að segja upp samningnum hennar,“ sagði Jón Steindór Sveinsson, formaður knattspyrnudeildar í viðtali við Sunnlenska.is.

Björn Sigurbjörnsson, þjálfari Selfyssinga, er að vinna í því að fá inn nýjan markvörð, en það ætti að vera klárt áður en liðið heldur í æfingaferð til Tenerife eftir páska.
Athugasemdir
banner
banner
banner