Theodór Elmar Bjarnason skoraði tvívegis fyrir KR í 3-3 jafntefli gegn Fylki í Árbænum í kvöld. Í síðasta marki leiksins var hreinsað í andlitið á honum og inn en stuðningsmenn Fylkis kölluðu eftir hendi.
„Boltinn fór beint í andlitið á mér og kom ekki við höndina, svo það er ekki hægt að væla yfir þessu. Þetta var sanngjarnt mark. Ef þetta hefði verið hendi þá gæti ég alveg viðurkennt það núna en boltinn fór í andlitið á mér," sagði Theodór Elmar.
„Boltinn fór beint í andlitið á mér og kom ekki við höndina, svo það er ekki hægt að væla yfir þessu. Þetta var sanngjarnt mark. Ef þetta hefði verið hendi þá gæti ég alveg viðurkennt það núna en boltinn fór í andlitið á mér," sagði Theodór Elmar.
Lestu um leikinn: Fylkir 3 - 3 KR
Þetta var virkilega kaflaskiptur leikur og jafntefli líklega sanngjörn niðurstaða.
„Við gefum þeim þrjú mörk á silfurfati sem er pirrandi því við vorum á köflum að spila ansi vel. Við verðum að vera samt stærri en það að bakka þegar við komumst yfir, við verðum frekar að sækja annað mark."
Hvernig er Elmar að fíla þá breytingu að spila 3-4-3 leikkerfi?
„Þetta hefur virkað vel fyrir okkur. Við þurftum á breytingu að halda og þetta hefur komið auknu jafnvægi á okkar leik. En það er ekki hægt að setja neitt út á kerfið í dag. Það voru einstaklingsmistök sem kostuðu mörkin."
Athugasemdir