Championship: Langþráður sigur WBA - Huddersfield að bjarga sér

Pereira skoraði tvennu í mikilvægum sigri West Brom.

Mynd: Getty Images

Pereira skoraði tvennu í mikilvægum sigri West Brom.

Mynd: Getty Images

West Bromwich Albion heimsótti Sheffield Wednesday í síðasta leik kvöldsins í Championship deildinni.

Sheffield siglir lygnan sjó um miðja deild en West Brom er í toppbaráttunni. West Brom byrjaði að hiksta í síðustu leikjunum fyrir Covid pásu og fór illa af stað eftir hlé, en liðið var aðeins búið að næla sér í tvö stig í fjórum leikjum fyrir leik kvöldsins.

Janfræði ríkti með liðunum í Sheffield en gestirnir voru heppnari og nýttu færin sín betur. Charlie Austin skoraði eina mark fyrri hálfleiksins úr vítaspyrnu og setti Matheus Pereira tvennu eftir leikhlé.

West Brom er áfram í öðru sæti, einu stigi eftir toppliði Leeds og fimm stigum á undan Brentford þegar sex umferðir eru eftir af tímabilinu.

Sheffield Wednesday 0 - 3 West Brom
0-1 Charlie Austin ('37, víti)
0-2 Matheus Pereira ('58)
0-3 Matheus Pereira ('85)

Huddersfield og Nottingham Forest unnu einnig sína leiki í kvöld.

Huddersfield er komið þremur stigum frá fallsvæðinu eftir sannfærandi sigur á útivelli gegn Birmingham.

Nottingham lagði Bristol City að velli þökk sé marki frá Tiago Silva á 62. mínútu.

Ashley Williams, fyrrum fyrirliði Swansea, fékk svo rautt spjald á 78. mínútu og þyngdist róðurinn fyrir Bristol, sem náði ekki að jafna.

Sigurinn er afar mikilvægur fyrir Nottingham sem er í góðri stöðu í umspilsbaráttunni. Bristol er sex stigum frá umspilinu.

Birmingham 0 - 3 Huddersfield
0-1 Karlan Ahearne-Grant ('10)
0-2 Fraizer Campbell ('51)
0-3 Elias Kachunga ('72)

Nottingham Forest 1 - 0 Bristol City
1-0 Tiago Silva ('62)
Rautt spjald: Ashley Williams, Bristol ('78)

Stöðutafla

#	Lið	L	mun	Stig
1	West Brom	6	+3	13
2	West Ham	6	+5	11
3	Swansea	6	+4	11
4	QPR	6	+3	11
5	Charlton Athletic	6	-1	11
6	Middlesbrough	5	+3	10
7	Bristol City	5	+2	10
8	Millwall	5	+2	9
9	Norwich	6	+1	9
10	Sheffield Utd	6	0	9
11	Wolves	5	+3	8
12	Watford	6	-1	8
13	Southampton	6	+7	7
14	Wrexham	6	+2	7
15	Birmingham	6	0	7
16	Stoke City	6	-1	7
17	Portsmouth	5	-1	6
18	Blackburn	6	-2	5
19	Lincoln City	5	-2	5
20	Cardiff City	6	-3	4
21	Bolton	6	-6	4
22	Derby County	6	-6	4
23	Burnley	6	-6	3
24	Preston NE	6	-6	3