Spánn: Moreno afgreiddi Betis - Fekir sá rautt

Gerard Moreno var á skotskónum eins og vanalega og skoraði hann tvennu í fyrri hálfleik. Fyrra markið skoraði hann úr vítaspyrnu eftir að brotið hafði verið á Carlos Bacca innan teigs.

Seinna markið gerði hann á 30. mínútu eftir góðan undirbúning frá Bacca.

Nabil Fekir fékk tvö gul spjöld með stuttu millibili rétt fyrir leikhlé og var sendur í sturtu. Frakkinn var öskureiður út í dómarann og gæti leikbann hans verið lengt.

Betis var því manni færri í síðari hálfleik og tókst ekki að koma til baka. Lokatölur 0-2.

Villarreal er aðeins þremur stigum frá Meistaradeildarsæti eftir sigurinn. Betis er um miðja deild, átta stigum frá fallsæti þegar fimm umferðir eru eftir.

Betis 0 - 2 Villarreal
0-1 Gerard Moreno ('7 , víti)
0-2 Gerard Moreno ('30 )
Rautt spjald: Nabil Fekir, Betis ('45)

Real Valladolid og Levante gerðu þá markalaust jafntefli. Enes Unal fékk tækifæri til að ná í stigin þrjú fyrir Valladolid en hann klúðraði vítaspyrnu á 97. mínútu.

Valladolid er sjö stigum frá fallsæti sem stendur á meðan Levante er sex stigum frá Evrópu.

Valladolid 0 - 0 Levante
0-0 Enes Unal ('97, Misnotað víti)