Watford 1 - 0 Sheffield United
1-0 Joao Pedro ('56)
Joao Pedro gerði eina mark leiksins er Watford tók á móti Sheffield United í lokaleik fyrstu umferðar nýs deildartímabils í Championship deildinni.
Hér mættust tvö af betri liðum deildarinnar sem er talið að geti gert atlögu að toppsætunum þegar tekur að líða á tímabilið.
Heimamenn í Watford virkuðu sprækari í nokkuð lokuðum leik en eina markið kom eftir skyndisókn snemma í síðari hálfleik.
Ismaila Sarr fékk boltann þá í frábærri stöðu og var fljótur að hugsa, hann gaf boltann beint inn í vítateiginn í fyrstu snertingu þar sem Joao Pedro var mættur til að skora eftir flott hlaup.
Sheffield átti í mestum erfiðleikum með að brjóta vörn Watford á bak aftur og virtist sigur heimamanna aldrei í hættu. Verðskulduð þrjú stig í fyrstu umferð fyrir sterkt lið Watford.