Nagelsmann hvetur Fullkrug að fara í úrvalsdeildina
Mynd: Getty Images
Mynd: Getty Images
Nicolas Fullkrug framherji Dortmund er líklega á leið til West Ham en félögin eru í viðræðum.
Þýski framherjinn ræddi við Julian Nagelsmann og aðstoðarmenn hans hjá þýska landsliðinu sem hvöttu hann að fara til enska félagsins.
Þeir sögðu honum að spila reglulega í úrvalsdeildinni gæti þýtt að hann verði líklega fyrsti kostur í framherjastöðuna á HM 2026.
West Ham hefur boðið 25 milljónir evra í þennan stóra og stæðilega 31 árs gamla framherja en félagið bíður eftir svari frá Dortmund. Fullkrug er með þriggja ára samning á borðinu frá West Ham með möguleika á framlengingu um eitt ár til viðbótar.
