FC Bayern er strax komið aftur í góða stöðu í toppbaráttu þýsku deildarinnar eftir úrslit dagsins. Bayern er í þriðja sæti með 15 stig eftir 8 umferðir, tveimur stigum frá toppliðunum.
Borussia Dortmund tapaði útileik gegn Köln eftir að hafa verið með forystuna í leikhlé. Julian Brandt skoraði eftir undirbúning frá fyrirliðanum unga Jude Bellingham en heimamenn komu til baka eftir leikhlé.
Dortmund var talsvert betra liðið í fyrri hálfleik og fóru gestirnir illa með færin sín. Þeir hefðu átt að vera búnir að skora nokkur mörk fyrir leikhlé og refsuðu heimamenn í síðari hálfleik. Köln var mun betra liðið eftir leikhlé og skoraði þrjú mörk til að snúa stöðunni við.
Dortmund minnkaði muninn og var lokakaflinn gífurlega spennandi en það dugði ekki til og urðu lokatölur 3-2 fyrir Köln.
Köln 3 - 2 Dortmund
0-1 Julian Brandt ('31)
1-1 Florian Kainz ('53)
2-1 Steffen Tigges ('56)
3-1 Dejan Ljubicic ('71)
3-2 Benno Schmitz ('78, sjálfsmark)
Union Berlin heimsótti þá Evrópudeildarmeistarana til Frankfurt og lenti tveimur mörkum undir í fyrri hálfleik. Mario Götze og Jesper Lindström skoruðu mörk heimamanna sem verðskulduðu forystuna.
Union var betra liðið í síðari hálfleik og fékk að spila síðustu 22 mínúturnar manni fleiri en fann ekki leið í gegnum varnarmúr Frankfurt. Lokatölur urðu því 2-0 og deilir Union toppsætinu með Freiburg eftir þetta tap.
Freiburg hafði betur gegn Mainz með tveimur mörkum í fyrri hálfleik og er með 17 stig eftir 8 umferðir. Mainz minnkaði muninn í upphafi síðari hálfleiks og fékk urmul tækifæra til að jafna en inn vildi boltinn ekki.
Timo Werner virðist hrokkinn í gang og lék á alls oddi í stórsigri RB Leipzig gegn Bochum. Werner setti tvennu og skoraði Christopher Nkunku tvö, auk þess að klúðra vítaspyrnu. Leipzig er aðeins með 11 stig eftir 8 umferðir.
Að lokum hafði Wolfsburg betur gegn Stuttgart í neðri hlutanum með dramatísku sigurmarki í uppbótartíma.
Eintracht Frankfurt 2 - 0 Union Berlin
1-0 Mario Götze ('12)
2-0 Jesper Lindström ('42)
Freiburg 2 - 1 Mainz
1-0 Michael Gregoritsch ('3)
2-0 Daniel-Kofi Kyereh ('37)
2-1 Aaron Martin ('52)
RB Leipzig 4 - 0 Bochum
1-0 Timo Werner ('15)
2-0 Christopher Nkunku ('23, víti)
3-0 Timo Werner ('53)
4-0 Christopher Nkunku ('85)
Wolfsburg 3 - 2 Stuttgart
0-1 S. Guirassy ('22)
1-1 O. Marmoush ('23)
2-1 Maximilian Arnold ('38)
2-2 Konstantinos Mavropanos ('45)
3-2 Yannick Gerhardt ('91)
Þýskaland
Bundesliga - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Bayern | 25 | 21 | 3 | 1 | 92 | 24 | +68 | 66 |
| 2 | Dortmund | 25 | 16 | 7 | 2 | 53 | 26 | +27 | 55 |
| 3 | Hoffenheim | 25 | 15 | 4 | 6 | 53 | 33 | +20 | 49 |
| 4 | Stuttgart | 25 | 14 | 5 | 6 | 50 | 34 | +16 | 47 |
| 5 | RB Leipzig | 25 | 14 | 5 | 6 | 48 | 34 | +14 | 47 |
| 6 | Leverkusen | 25 | 13 | 5 | 7 | 48 | 32 | +16 | 44 |
| 7 | Frankfurt | 25 | 9 | 8 | 8 | 48 | 49 | -1 | 35 |
| 8 | Freiburg | 25 | 9 | 7 | 9 | 37 | 42 | -5 | 34 |
| 9 | Augsburg | 25 | 9 | 4 | 12 | 31 | 43 | -12 | 31 |
| 10 | Hamburger | 25 | 7 | 8 | 10 | 28 | 36 | -8 | 29 |
| 11 | Union Berlin | 25 | 7 | 7 | 11 | 30 | 42 | -12 | 28 |
| 12 | Gladbach | 26 | 7 | 7 | 12 | 30 | 43 | -13 | 28 |
| 13 | Werder | 25 | 6 | 7 | 12 | 29 | 45 | -16 | 25 |
| 14 | Köln | 25 | 6 | 6 | 13 | 34 | 43 | -9 | 24 |
| 15 | Mainz | 25 | 5 | 9 | 11 | 29 | 41 | -12 | 24 |
| 16 | St. Pauli | 26 | 6 | 6 | 14 | 23 | 42 | -19 | 24 |
| 17 | Wolfsburg | 25 | 5 | 5 | 15 | 34 | 55 | -21 | 20 |
| 18 | Heidenheim | 25 | 3 | 5 | 17 | 24 | 57 | -33 | 14 |
