Lærisveinar Pep Guardiola hafa ekki byrjað þetta tímabil nægilega vel og er liðið bara búið að safna 29 stigum í 14 leikjum.

Þetta myndi þykja mikið hjá flestum félögum, en ekki hjá Manchester City.

Man City setti stigamet í ensku úrvalsdeildinni 2017/18 og náði í 100 stig og í fyrra vann liðið deildina eftir að hafa náð í 98 stig. City tapaði aðeins 14 stigum 2017/18 og 16 stigum á síðasta tímabili.

Í fyrstu 14 leikjum þessa tímabils hafa lærisveinar Pep Guardiola tapað 13 stigum. City er því aðeins einu tapi frá því að tapa jafnmörgum stigum á þessu tímabili og á öllu síðasta tímabili.

Man City gerði jafntefli gegn Newcastle í gær, en næsti leikur liðsins er við Burnley á útivelli á þriðjudaginn.