„Ég var ein heima að gera mig til fyrir fimmtugsafmæli þegar Steini hringdi.“ Svaraði nýliðinn í Landsliðshópnum þegar hún var spurð hvar hún hefði verið þegar hún fékk kallið.
„Ég hringdi held ég fyrst í Thelmu markmann hérna í hópnum og svo kærastann minn."
Þeirra bíða ærið verkefni í þessum landsliðsglugga en fyrsti leikur er gegn ríkjandi heimsmeisturum Spánar og sá seinni við Evrópumeistara Englands.
„Þetta eiginlega gæti ekki byrjað á stærri og betri leikjum en mér finnst þetta bara geggjað að koma inn í svona stórt verkefni á móti svona stórum liðum og fá aðeins að máta sig í kringum það og undirbúning fyrir það. Þannig að bara geggjað."
Hvernig hafa stelpurnar tekið á móti þér?
„Bara hrikalega vel, þetta er mjög góður hópur og bara tekið mjög vel á móti okkur og bara já gæti ekki beðið um betri hóp til að koma inn í.“
"Þetta eru leikmenn sem að ég lít upp til og hef litið upp til í einhver ár þannig að bara geggjað að fá að æfa með þeim og læra af þeim líka."
Elín Helena er ekki eini nýliðinn en fyrrum liðsfélagi hennar hjá Breiðablik, Birta Georgsdóttir, var einnig valin í fyrsta sinn.
„Þegar ég frétti að við vorum báðar að koma inn það er bara frábært að fá að gera þetta með bestu vinkonu sinni og upplifa þetta saman."
Sögusagnir hafa verið á kreiki um að Elín Helena sé á leið út í atvinnumennsku, er eitthvað til í því?
„Eins og staðan er núna þá er ég leikmaður Breiðabliks og ég er samningsbundin út þetta tímabil þannig ég geri bara ráð fyrir að ég verði heima þangað til þá allavega."
Elín Helena og Breiðabliksliðið lék nýverið við feykisterkt lið Häcken í Evrópubikarnum, telur hún að þeir leikir muni hjálpa henni í þessu verkefni?
„Mjög erfiðir evrópuleikir á móti bara fáránlega góðu liði og við kannski ekki alveg á okkar besta stað einmitt í þessum leikjum en bara gott að geta aðeins mátað sig við betri leikmenn sem maður er ekki vanur að spila á móti. Heima ertu að spila á móti sömu leikmönnunum svolítið aftur og aftur. Þannig bara geggjað að fá að móta sig við aðra leikmenn. Ég held að það geti klárlega hjálpað."
Viðtalið í heild má sjá í spilaranum hér að ofan
Athugasemdir
