Stóri munurinn milli Liverpool og City er varnarlega

Pep Guardiola og Jurgen Klopp.

Mynd: Getty Images

Pep Guardiola og Jurgen Klopp.

Mynd: Getty Images

Manchester City mætir Liverpool í ensku úrvalsdeildinni í kvöld og spáir Alan Shearer því að boðið verði upp á stórskemmtilegan leik.

„Bæði lið hafa verið ótrúleg sóknarlega en City er klárlega ekki eins öflugt varnarlega og Liverpool. Ég sé vörn City ekki halda Liverpool í skefjum," segir Shearer.

„Mesti munurinn á þessum liðum er varnarlega. Þegar þú sameinar erfið meiðsli Aymeric Laporte og að Vincent Kompany fór síðasta sumar þá sérðu af hverju þetta er veikleikinn hjá City."

„Kompany var fyrirliði liðsins og oft drifkraftur. Liðinu hefur vantað ráðandi mann í öftustu línu á tímabilinu og ég er viss um að þetta verði í forgangi hjá Guardiola þegar félagaskiptaglugginn opnast."

Liverpool ætlar að hirða met af City
Fyrir leikinn í kvöld mun Manchester City standa heiðursvörð fyrir Liverpool.

„Liverpool hefur þegar tekið titilinn af City og nú vill félagið líka taka met af þeim," segir Shearer.

Liverpool getur náð 107 úrvalsdeildarstigum á þessu tímabili. Stigamet City er 100 stig sem var tímabilið 2017-18. City á einnig metið yfir að vinna með mesta mun (19 stig 2018) og flesta sigra (32, 2018 og 2019). Liverpool er sem stendur með 86 stig, 23 stiga forystu og er með 28 sigra úr 31 leik.

Stöðutafla

#	Lið	L	mun	Stig
1	Arsenal	38	+44	85
2	Manchester City	38	+42	78
3	Manchester Utd	38	+19	71
4	Aston Villa	38	+7	65
5	Liverpool	38	+10	60
6	Bournemouth	38	+4	57
7	Sunderland	38	-6	54
8	Brighton	38	+6	53
9	Brentford	38	+3	53
10	Chelsea	38	+6	52
11	Fulham	38	-4	52
12	Newcastle	38	-2	49
13	Everton	38	-3	49
14	Leeds	38	-7	47
15	Crystal Palace	38	-10	45
16	Nott. Forest	38	-3	44
17	Tottenham	38	-9	41
18	West Ham	38	-19	39
19	Burnley	38	-37	22
20	Wolves	38	-41	20