Fulham hefur farið betur af stað heldur en Chelsea og gerir Marco Silva knattspyrnustjóri eina breytingu á liðinu sem gerði jafntefli við Crystal Palace í siðustu umferð, þar sem Harry Wilson kemur inn fyrir Bobby Decordova-Reid sem fer á bekkinn.

Mauricio Pochettino gerir þrjár breytingar á liði Chelsea frá tapi gegn Aston Villa, en hann neyðist til að skipta Nicolas Jackson og Malo Gusto út vegna þess að þeir eru í leikbanni. Auk þeirra dettur Raheem Sterling úr byrjunarliðinu.

Mykhailo Mudryk heldur byrjunarliðssæti sínu í framlínunni en Armando Broja og Cole Palmer fá einnig tækifæri. Þeir koma inn í byrjunarliðið fyrir Jackson og Sterling, á meðan Marc Cucurella kemur inn fyrir Malo Gusto.

Það vekur athygli að Pochettino kjósi að nota Palmer í staðinn fyrir Sterling, en ungstirnið var keypt frá Manchester City í sumar. Palmer var í byrjunarliði Chelsea í deildabikarnum í vikunni og lagði eina mark leiksins upp í sigri gegn Brighton.

Pochettino segir að Sterling sé búinn að vera veikur síðustu daga og hafi ekkert getað æft með liðinu um helgina, þess vegna dettur hann á bekkinn.

Fulham: Leno, Castagne, Diop, Ream, Robinson, Reed, Palhinha, Pereira, Wilson, Jimenez, Willian
Varamenn: Rodak, Bassey, Decordova-Reid, Cairney, Ballo-Toure, Muniz, Iwobi, Vinicius, Lukic

Chelsea: Sanchez, Disasi, Silva, Colwill, Cucurella, Gallagher, Caicedo, Fernandez, Mudryk, Broja, Palmer
Varamenn: Petrovic, Sterling, Ugochukwu, Maatsen, Washington, Gilchrist, Brooking, Matos, Madueke