England: Burnley fór illa með Sheffield - Arsenal sigraði Úlfana

Þetta leit vel út fyrir Arsenal framan af en Bukayo Saka kom liðinu yfir snemma leiks og eftir tæplega stundarfjórðung bætti Martin Ödegaard öðru markinu við.

Arsenal fékk tækifæri til að bæta fleiri mörkum við og það leit ekki út fyrir að Wolves kæmist inn í leikinn.

Það var þó Matheus Cunha sem minnkaði muninn fyrir Wolves þegar skammt var til leiksloka og gestirnir voru líklegri til að jafna metin áður en leik lauk en að Arsenal myndi bæta við.

Hvorugu liðinu tókst að setja mark undir lokin og því 2-1 sigur Arsenal staðreynd.

Jóhann Berg Guðmundsson byrjaði á bekknum þegar Burnley valtaði yfir Sheffield United en markaveislan hófst strax eftir 16 sekúndna leik þegar Jay Rodriguez kom Burnley yfir.

Staðan var 2-0 í hálfleik og Jóhann Berg kom inn á sem varamaður þegar um 25 mínútur voru eftir af venjulegum leiktíma. Ollie McBurnie leikmaður Sheffield lét reka sig af velli undir lok fyrri hálfleiks og Burnley nýtti sér liðsmuninn og skoraði þrjú mörk í seinni hálfleik.

Þá vann Brentford góðan sigur á Luton og komst upp í efri hluta töflunar en Luton er aðeins tveimur stigum frá fallsæti eftir sigur Burnley á Sheffield.

Brentford 3 - 1 Luton
1-0 Neal Maupay ('49 )
2-0 Ben Mee ('56 )
2-1 Jacob Brown ('76 )
3-1 Shandon Baptiste ('81 )

Burnley 5 - 0 Sheffield Utd
1-0 Jay Rodriguez ('1 )
2-0 Jacob Bruun Larsen ('29 )
3-0 Zeki Amdouni ('73 )
4-0 Luca Koleosho ('75 )
5-0 Josh Brownhill ('80 )
Rautt spjald: Oliver McBurnie, Sheffield Utd ('45)

Arsenal 2 - 1 Wolves
1-0 Bukayo Saka ('6 )
2-0 Martin Odegaard ('13 )
2-1 Matheus Cunha ('86 )