Joao Pedro kominn til Watford (Staðfest)

Joao Pedro er 18 ára gamall og kemur úr röðum Fluminense. Hann vakti athygli á sér í vor og festi Watford kaup á honum. Eftir það byrjaði hann að raða inn mörkum og skoraði sjö mörk í fjórum leikjum en síðan þá hefur staðið á markaskoruninni.

Í heildina er Pedro búinn að gera 4 mörk í 24 deildarleikjum en hann skoraði þrjú og lagði eitt upp í fjórum leikjum í Suður-Ameríkubikarnum.

Liverpool og PSG eru meðal félaga sem voru orðuð við framherjann.

Watford er talið greiða tæplega 10 milljónir punda fyrir Joao Pedro. Sú upphæð getur þó hækkað talsvert bæði með árangurstengdum greiðslum og öðrum ákvæðum.

Síðasti leikmaður til að skipta úr Fluminense til Watford er Richarlison. Hann kostaði rúmar 11 milljónir punda og var svo seldur til Everton fyrir 50 milljónir.