Ítalska meistaraliðið Napoli vann frækinn 2-1 sigur á Juventus í Seríu A í kvöld.
Napoli hefur ekki náð að leika eftir afrek síðasta tímabils og væri það í raun algert kraftaverk ef liðið kemur sér í Meistaradeild fyrir næstu leiktíð.
Þrátt fyrir slakt gengi meirihluta tímabils náði liðið að sýna karakter í stórleik helgarinnar.
Georgíumaðurinn Kvicha Kvaratskhelia kom Napoli yfir á 41. mínútu leiksins. Giovanni Di Lorenzo kom með fyrirgjöf inn í teiginn sem Juventus hreinsaði frá, þó ekki lengra en á Kvaratskhelia sem tók boltann viðstöðulaust á lofti og neðst í vinstra hornið. Laglegt mark hjá 'Kvaradona'.
Tæpum tíu mínútum fyrir leikslok jöfnuðu gestirnir með marki frá Federico Chiesa. Hann gerði þetta að mestu upp á eigið einsdæmi, en hann fékk boltann frá Carlos Alcaraz við vítateigslínuna áður en hann skaut föstu skoti neðst í vinstra hornið.
Napoli fékk vítaspyrnu á 86. mínútu leiksins. Brotið var á Victor Osimhen í teignum og staðfesti dómarinn vítaspyrnuna með hjálp VAR. Wojciech Szczesny varði slaka spyrnu Osimhen, en Giacomo Raspadori var fljótur að koma sér inn í teiginn til að setja frákastið í stöng og inn. Það má setja stórt spurningarmerki við staðsetningu varnarmanna Juventus eftir að Szczesny varði spyrnuna, en þrír Napoli menn voru komnir að boltanum áður en Raspadori skoraði.
Það reyndist sigurmark leiksins og er Napoli nú í 7. sæti deildarinnar með 43 stig en Juventus er í 2. sæti, tólf stigum frá toppliði Inter, sem á nota bene, leik til góða.
Úrslit og markaskorarar:
Atalanta 1 - 2 Bologna
1-0 Ademola Lookman ('28 )
1-1 Joshua Zirkzee ('57 , víti)
1-2 Lewis Ferguson ('61 )
Empoli 0 - 1 Cagliari
0-1 Jakub Jankto ('69 )
Frosinone 1 - 1 Lecce
1-0 Walid Cheddira ('45 )
1-1 Michele Cerofolini ('61 , sjálfsmark)
Verona 1 - 0 Sassuolo
1-0 Karol Swiderski ('79 )
Napoli 2 - 1 Juventus
1-0 Khvicha Kvaratskhelia ('42 )
1-1 Federico Chiesa ('81 )
2-1 Giacomo Raspadori ('88 )
Stöðutaflan
Ítalía
Serie A - karlar
Ítalía
Serie A - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Inter | 32 | 24 | 3 | 5 | 75 | 29 | +46 | 75 |
| 2 | Napoli | 32 | 20 | 6 | 6 | 48 | 31 | +17 | 66 |
| 3 | Milan | 32 | 18 | 9 | 5 | 47 | 27 | +20 | 63 |
| 4 | Juventus | 32 | 17 | 9 | 6 | 55 | 29 | +26 | 60 |
| 5 | Como | 32 | 16 | 10 | 6 | 56 | 26 | +30 | 58 |
| 6 | Roma | 32 | 18 | 3 | 11 | 45 | 28 | +17 | 57 |
| 7 | Atalanta | 32 | 14 | 11 | 7 | 44 | 28 | +16 | 53 |
| 8 | Bologna | 32 | 14 | 6 | 12 | 42 | 37 | +5 | 48 |
| 9 | Lazio | 32 | 11 | 11 | 10 | 32 | 30 | +2 | 44 |
| 10 | Udinese | 32 | 12 | 7 | 13 | 38 | 42 | -4 | 43 |
| 11 | Sassuolo | 32 | 12 | 6 | 14 | 39 | 43 | -4 | 42 |
| 12 | Torino | 32 | 11 | 6 | 15 | 37 | 54 | -17 | 39 |
| 13 | Genoa | 32 | 9 | 9 | 14 | 38 | 45 | -7 | 36 |
| 14 | Parma | 32 | 8 | 12 | 12 | 23 | 40 | -17 | 36 |
| 15 | Fiorentina | 32 | 8 | 11 | 13 | 37 | 44 | -7 | 35 |
| 16 | Cagliari | 32 | 8 | 9 | 15 | 33 | 44 | -11 | 33 |
| 17 | Cremonese | 32 | 6 | 9 | 17 | 26 | 47 | -21 | 27 |
| 18 | Lecce | 32 | 7 | 6 | 19 | 21 | 45 | -24 | 27 |
| 19 | Verona | 32 | 3 | 9 | 20 | 23 | 55 | -32 | 18 |
| 20 | Pisa | 32 | 2 | 12 | 18 | 23 | 58 | -35 | 18 |
