Spánn: Spá Simeone rættist - Girona missteig sig

Real Madrid tapaði stigum gegn Valencia í gær við mjög svo umdeildar aðstæður.

Mark Jude Bellingham fékk ekki að standa eftir að hann skoraði rétt eftir lokaflaut Gil Manzano, dómara leiksins. Það gaf Girona tækifæri á að nálgast Madrídinga, en liðið nýtti sér það ekki.

Copete skoraði eina mark Mallorca í 1-0 sigri á Girona og er spútnikliðið því áfram sjö stigum á eftir Real Madrid.

Diego Simeone, þjálfari Atlético Madríd, spáði því á blaðamannafundi í gær að Alvaro Morata myndi skora gegn Real Betis og sú spá rættist.

Atlético vann 2-1 sigur. Heimamenn komust yfir á 8. mínútu eftir að boltinn skoppaði af nokkrum varnarmönnum Betis og í markið.

Alvaro Morata gat tvöfaldað forystuna á 28. mínútu er liðið fékk vítaspyrnu en Rui Silva sá við honum í markinu. Morata var þó enn fullur sjálfstrausts og skoraði áður en hálfleikurinn var úti, eins og Simeone spáði fyrir um.

William Carvalho kom boltanum í netið fyrir Betis þegar tuttugu mínútur voru eftir af leiknum og þar við sat. Atlético er í 4. sæti með 55 stig en Betis í 6. sæti með 42 stig.

Norski sóknarmaðurinn Alexander Sorloth skoraði þá þrennu í 5-1 stórsigri Villarreal á Granada.

Villarreal er í 12. sæti með aðeins 32 stig en Granada í næst neðsta sæti með 14 stig.

Úrslit og markaskorarar:

Atletico Madrid 2 - 1 Betis
1-0 Rui Silva ('8 , sjálfsmark)
1-0 Alvaro Morata ('28 , Misnotað víti)
2-0 Alvaro Morata ('44 )
2-1 William Carvalho ('62 )

Mallorca 1 - 0 Girona
1-0 Copete ('33 )

Villarreal 5 - 1 Granada CF
1-0 Alexander Sorloth ('7 )
2-0 Alexander Sorloth ('19 )
3-0 Etienne Capoue ('32 )
4-0 Goncalo Guedes ('47 )
5-0 Alexander Sorloth ('66 )
5-1 Theodor Corbeanu ('90 )