Ída Marín Hermannsdóttir fékk tækifæri í byrjunarliði íslenska landsliðsins sem heimsótti heimsmeistarana til Spánar í kvöld í undankeppni fyrir HM 2027.
Lestu um leikinn: Spánn 3 - 0 Ísland
Spánn stóð uppi sem öruggur sigurvegari. Þær unnu 3-0 og voru óheppnar að sigra ekki stærra.
„Þetta eru heimsmeistararnir og við bara gerðum eins og við gátum. Við sýndum þeim að við áttum séns. Við fengum tækifæri og reyndum okkar allra besta, en áfram gakk," sagði þreytt Ída Marín, sem hefur leikið fyrir FH og í bandaríska háskólaboltanum síðustu ár, að leikslokum.
Ída var í landsliðshópnum í fyrsta sinn síðan 2022 og fór beint í byrjunarliðið. Þar fyllti hún í skarð Alexöndru Jóhannsdóttur sem er að glíma við meiðsli og sat á bekknum.
„Það er svo mikill heiður að vera aftur í hópnum og ég er mjög glöð að mér var treyst fyrir þessu. Það er ekki á hverjum degi sem maður fær að vera í byrjunarliðinu á móti heimsmeisturunum. Þetta var bara geðveikt."
Ísland heimsækir evrópumeistara Englands í næstu umferð í undankeppni HM og er Ída spennt.
„Við fengum tækifæri til að skora í kvöld og ég held að allt geti gerst í svona leikjum. Við reynum okkar besta!"
03.03.2026 20:37
Steini Halldórs: Samkvæmt reglum á að stoppa leikinn
