Harry Kane ekki með í dag vegna veikinda

Kane hefur verið meðal bestu leikmanna Tottenham undanfarin ár og er kominn með tíu mörk í öllum keppnum á þessari leiktíð.

Ryan Sessegnon er búinn að ná sér eftir meiðsli og er í leikmannahópi Tottenham. Hann gæti spilað sinn fyrsta leik fyrir félagið eftir að hafa skrifað undir samning í sumar.

Leikurinn gegn Everton er mikilvægur en bæði þessi lið hafa verið að spila langt undir getu í haust.

Tottenham er í 13. sæti úrvalsdeildarinnar sem stendur, með tveimur stigum meira en Everton sem situr í 17. sæti.