Spánn: Barcelona valtaði yfir Mallorca í seinni hálfleik

Raphinha skoraði tvö mörk fyrir Barcelona

Mynd: Getty Images

Raphinha skoraði tvö mörk fyrir Barcelona

Mynd: Getty Images

Mallorca 1 - 5 Barcelona
0-1 Ferran Torres ('12 )
1-1 Vedat Muriqi ('43 )
1-2 Raphinha ('56 , víti)
1-3 Raphinha ('74 )
1-4 Frenkie de Jong ('79 )
1-5 Pau Victor ('84 )

Topplið Barcelona er komið aftur með fjögurra stiga forystu á toppi La Liga eftir að hafa valtað yfir Real Mallorca, 5-1, á Majorca í kvöld.

Nóvembermánuður var afhroð fyrir Börsunga sem höfðu annars verið frábærir fyrstu mánuðina á tímabilinu. Hansi Flick, þjálfari Barcelona, var létt að nóvember væri lokið því hann lofaði því að desember yrði betri og fer það ágætlega vel af stað.

Ferran Torres kom Börsungum á bragðið eftir hræðileg varnarmistök í teig Mallorca en heimamenn náðu inn jöfnunarmarki er Vedat Muriqi skoraði af stuttu færi eftir skyndisókn.

Í síðari hálfleik tóku Barcelona-menn algerlega yfir leikinn. Raphinha skoraði úr víti á 56. mínútu og gerði annað mark sitt á 74. mínútu eftir geggjaða utanfótarsendingu frá Lamine Yamal.

Frenkie De Jong skoraði fjórða markið úr miðjum teignum á 79. mínútu áður en Pau Victor rak síðasta naglann í kistuna aðeins fimm mínútum síðar.

Barcelona er komið með 37 stig, fjórum stigum á undan Real Madrid sem er í öðru sæti. Mallorca er í 6. sæti með 24 stig.

Stöðutafla

#	Lið	L	mun	Stig
1	Real Madrid	3	+8	9
2	Barcelona	3	+8	9
3	Atletico Madrid	3	+4	7
4	Alaves	3	+4	7
5	Osasuna	3	+2	7
6	Sevilla	3	+1	6
7	Betis	3	-1	6
8	Deportivo	3	+2	5
9	Racing Santander	3	0	4
10	Levante	3	0	4
11	Espanyol	3	+1	3
12	Athletic	3	-2	3
13	Getafe	3	-3	3
14	Real Sociedad	3	-3	3
15	Villarreal	3	-1	2
16	Vallecano	3	-2	1
17	Celta	3	-3	1
18	Valencia	3	-3	1
19	Elche	3	-6	1
20	Malaga	3	-6	1