Tveimur fyrstu leikjum dagsins er lokið í spænska boltanum þar sem gríðarlega óvænt úrslit litu dagsins ljós þegar botnlið Elche tók á móti Villarreal, sem er í baráttu um Meistaradeildarsæti.
Elche sýndi flotta frammistöðu og skoraði Pere Milla þrennu í fræknum sigri. Milla kom sínum mönnum í forystu strax á þriðju mínútu en Gerard Moreno jafnaði fyrir gestina.
Undir lok fyrri hálfleiks, sem hafði verið jafn, fengu heimamenn dæmda vítaspyrnu og skoraði Milla af vítapunktinum. Hann fullkomnaði svo þrennuna sína í upphafi síðari hálfleiks, þegar var aftur komið að því að stíga á vítapunktinn.
Staðan var því orðin 3-1 þegar Milla var tekinn útaf og Villarreal gerði þrefalda skiptingu, sem virkaði engan veginn. Lokatölur urðu 3-1 og er Elche komið með 9 stig eftir 20 umferðir - ellefu stigum frá öruggu sæti í deildinni. Botnliðið komst nálægt því að bæta fjórða markinu við í síðari hálfleik.
Villarreal er í fimmta sæti, þremur stigum frá Meistaradeildarsæti, eftir annan tapleikinn í röð.
Fyrr í dag gerðu Espanyol og Osasuna 1-1 jafntefli. Það er flott stig fyrir fallbaráttulið Espanyol en svekkjandi fyrir Osasuna sem gat komist uppfyrir Villarreal á stöðutöflunni með sigri í dag.
Martin Braithwaite gerði verðskuldað jöfnunarmark Espanyol í síðari hálfleik.
Elche 3 - 1 Villarreal
1-0 Pere Milla ('3 )
1-1 Gerard Moreno ('22 )
2-1 Pere Milla ('45 , víti)
3-1 Pere Milla ('52 , víti)
Espanyol 1 - 1 Osasuna
0-1 Ante Budimir ('45 )
1-1 Martin Braithwaite ('59 )
Rautt spjald: Pierre-Gabriel, Espanyol ('45)
Rautt spjald: Abdessamad Ezzalzouli, Osasuna ('45)
Spánn
La Liga - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Barcelona | 17 | 14 | 1 | 2 | 49 | 20 | +29 | 43 |
| 2 | Real Madrid | 16 | 11 | 3 | 2 | 32 | 15 | +17 | 36 |
| 3 | Villarreal | 15 | 11 | 2 | 2 | 31 | 13 | +18 | 35 |
| 4 | Atletico Madrid | 17 | 10 | 4 | 3 | 30 | 16 | +14 | 34 |
| 5 | Espanyol | 16 | 9 | 3 | 4 | 20 | 16 | +4 | 30 |
| 6 | Betis | 15 | 6 | 6 | 3 | 25 | 19 | +6 | 24 |
| 7 | Athletic | 16 | 7 | 2 | 7 | 15 | 20 | -5 | 23 |
| 8 | Sevilla | 16 | 6 | 2 | 8 | 21 | 24 | -3 | 20 |
| 9 | Getafe | 16 | 6 | 2 | 8 | 13 | 18 | -5 | 20 |
| 10 | Elche | 16 | 4 | 7 | 5 | 19 | 20 | -1 | 19 |
| 11 | Celta | 15 | 4 | 7 | 4 | 18 | 19 | -1 | 19 |
| 12 | Alaves | 15 | 5 | 3 | 7 | 13 | 15 | -2 | 18 |
| 13 | Vallecano | 15 | 4 | 5 | 6 | 13 | 16 | -3 | 17 |
| 14 | Mallorca | 16 | 4 | 5 | 7 | 18 | 23 | -5 | 17 |
| 15 | Real Sociedad | 16 | 4 | 4 | 8 | 20 | 24 | -4 | 16 |
| 16 | Osasuna | 16 | 4 | 3 | 9 | 14 | 20 | -6 | 15 |
| 17 | Valencia | 16 | 3 | 6 | 7 | 15 | 25 | -10 | 15 |
| 18 | Girona | 16 | 3 | 6 | 7 | 15 | 30 | -15 | 15 |
| 19 | Oviedo | 16 | 2 | 4 | 10 | 7 | 23 | -16 | 10 |
| 20 | Levante | 15 | 2 | 3 | 10 | 16 | 28 | -12 | 9 |
