Holland: PSV aftur upp fyrir AZ - Ajax með gott forskot

Feyenoord, PSV og Ajax unnu sína leiki í hollensku deildinni, ekki í fyrsta sinn sem þessi stórlið vinna sína leiki.

Steven Berghuis skoraði og lagði upp í 2-0 sigri Feyenoord á Sittard. Donyell Malen, Denzel Dumfries og Mohammed Ihatteran skoruðu mörk PSV gegn Heracles. Mario Gotze lagði upp mark Ihatteran og Olivier Boscagli lagði upp hin mörkin.

Heerenveen komst yfir gegn toppliði Ajax en mörk frá Dusan Tadic og Sebastien Haller sáu til þess að Ajax tók öll þrjú stigin á útivelli.

Ajax er með ellefu stiga (69) forskot, og á leik til góða, á PSV og AZ Alkmaar (58). PSV er með betri markatölu en lið Alberts Guðmundssonar. Vitesse (55) er í 4. sætnu með þremur stigum minna en 2. og 3. sætið og Feyenoord er svo í 5. sætinu með 51 stig.

AZ vann sinn leik í gær og var það Albert sem skoraði sigurmarkið.