England í dag - Ná Wolves og Man Utd Meistaradeildarsæti?

Sex leikir eru á dagskránni í ensku úrvalsdeildinni þennan laugardaginn. Allir eru þeir í beinni útsendingu á <i>Síminn Sport</i>.

Dagurinn byrjar á viðureign botnliðsins Norwich og Brighton en klukkan 14:00 hefjast tveir leikir. Þá tekur sjóðheitt lið Manchester Unitd á móti Bournemouth og Leicester tekur á móti Crystal Palace.

Næst er förinni heitið á Molineux leikvanginn þar sem sprækir Úlfar mæta Skyttunum í Arsenal og dagskránni lýkur á nágrannaslag Chelsea og Watford.

Mikil barátta er um Meistaradeildarsæti og skammt er á milli Leicester (3. sæti) og Wolves (6. sæti). Stöðuna í deildinni má sjá hér að neðan.